Josua 8:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Egh e me ateghtɨ me fomɨra amizɨ moghɨn, en agɨragh azenan izegh uan nguibar ekiam ategham. Eghtɨ e men aram. Me kamagh en ganigh suam, e faragha men arezɨ moghɨn ua men ari.

Josua 8:6 ပူးပေါင်းရင်းမြစ်များ

Fofozir Gumazim 9:12

E fozir pu, e dughiar manam osɨmtɨzim e bativam. Ezɨ dughiar kuram zuamɨram e batifi, mati kuarazim o osirim ivemɨn aven ghuzɨ an an suiragha iti.

Fofozir Gumazim 8:11

Dughiar mabar, gumazamiziba uan arazir kurabar ivezir kuram zuamɨram a isir puvatɨ. Kamaghɨn bizir kam gumazamizibar nɨghnɨziba fema, me arazir kurabar amuasa gavgavighavɨra iti.

Gumazir Dapaniba 20:32

Benjaminɨn anabamɨn adarazi kamaghɨn nɨghnɨsi, “E faragha me mɨsogha me abɨrazɨ moghɨn, datɨrɨghɨn me e me gafiragha gɨfa.” Ezɨ Israelia kamaghɨn uarira uariv gei, “E me gifarɨva arɨ nguibar ekiam ategh arɨ tuavir ekiamɨn mangam.”

Ua Me Ini 15:9

“Apaniba ghaze, ‘E men agɨntɨgh men suigham. Egh men bizir aghuariba inigh da tuisɨgh uan adarazir anɨngam. Egh e bizir manam inisɨ e puram a iniam. E sabar mɨsozim asigh, uan gavgavimɨn me gasɨghasɨgham.’

Ua Me Ini 14:3

Eghtɨ Isipɨn atrivim men darorim gɨnɨghnɨgh, kamaghɨn mɨkɨm suam, ‘Israelia ti onganigha gumazamiziba puvatɨzir danganim puram a garuama. Me danganir kam ategh mangamin tuaviba puvatɨgham.’

Josua 8:5

Eghtɨ mɨdorozir gumazir na ko itiba, kɨ me inigh e nguibar ekiam abigh mangɨsɨ damuam. Eghtɨ Ain gumaziba e mɨsoghsɨ azenan izɨtɨ, e faragha amizɨ moghɨn men aram.

Josua 8:7

Eghtɨ ia mongezɨ naghɨn ikegh azenim giregh mangɨtɨ, Ikiavɨra Itir God, ian God, men nguibar ekiam isɨ ian agharim darɨgham.