Josua 8:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

^20-21 Ezɨ Ain gumaziba ragha uan nguibar ekiamɨn garima mɨgharim an otogha overiamɨn ghuavanadi. Josua uan mɨdorozir gumaziba ko, me faragha Ain gumazibagh ifarav arav ghue, egha datɨrɨghɨn ua iza mɨgharimɨn gari a ghuavanadima me fo, Israelian mɨdorozir gumaziba ghua nguibar ekiam inigha, a gaborozɨ a isi. Ezɨ Ain mɨdorozir gumaziba arɨ mangɨ ovevem gitavɨraghan tuaviba bar puvatɨ. Ezɨ Josua uan mɨdorozir gumaziba ko uamategha iza bar me mɨsoghezɨ me ariaghire.

Josua 8:20 ပူးပေါင်းရင်းမြစ်များ

Akar Mogomem 19:3

Ezɨ me ua kamaghɨn dɨa ghaze: “E Godɨn ziam feka! Nguibar ekiar kamɨn isir avimɨn mɨgharim ghuavanang zurara mamaghɨra ikiam!”

Akar Mogomem 18:9

“Nguazimɨn atriviba a ko arazir mɨzɨrɨzibagh amua, egha uaghan a ko arazir kurar igharagha garibagh ami. Egh atrivir kabanagh an gantɨ avir mɨgharim an otoghtɨma, me a bagh naviba osemegh egh a bagh aziam.

Aisaia 34:10

Avir kam mungeghan kogham. Puvatɨ. An arueba ko dɨmagaribar isi gavgavigh mamaghɨra ikɨtɨ, an mɨgharim zuraram otivam. Eghtɨ Idomɨn nguazim pura ikɨ mangɨtɨ men ovavir borir gɨn otivamiba, men danganiba inigh mangɨ dughiabar ikɨ mamaghɨra ikiam. Eghtɨ gumazitam ua danganir kamɨn mangan kogham.

Onger Akaba 76:5

Nɨ men mɨdorozir gumazir gavgavibav sogha men bizir aghuiba bar ada ini. Ezɨ mɨdorozir gumazir kaba datɨrɨghɨn ariaghirezɨ, gumazir ikɨ mɨsogh ua men biziba iniamba puvatɨ.

Jopɨn Akɨnafarim 11:20

Gumazamizir arazir kurabagh amiba, me akurvazim bagh gan ikɨvɨra ikiam. Eghtɨ puvatɨgham. Me Godɨn anɨngagharim gitavɨraghsɨ tuavir avɨriba buriam. Eghtɨ bar puvatɨgham, me damuva avegham, ovevemra me bativsɨ me a mɨzuam ikiam.”

Jenesis 19:28

Egha a Sodom ko Gomora, ko danganir zarir aning itir kam bagha gari, egha gari avir ekiamɨn mɨgharim nguazimɨn ikegha overiamɨn ghuavanadi.

Josua 8:19

A uan afuzim fezɨma, mɨdorozir gumazir mongeziba, me an ganigha, zuamɨra ivemara nguibar ekiamɨn aven ghuegha, a inigha, a gaborozɨ, a isi.

Gumazir Dapaniba 20:38

Mɨdorozir gumazir ara zuir kaba, me faragha mɨdorozir gumazir mongeziba koma kamaghɨn akam mɨsogha ghaze, ia avir mɨturir ekiamɨn gantɨ, a nguibar ekiar kam gisɨn mavanangtɨ,

Gumazir Dapaniba 20:40

Ezɨ mɨgharir ekiam nguibar ekiam gisɨn ghuavanadima, Benjaminɨn anabamɨn adarazi uamategha uarir akɨrangɨn garima, Gibean nguibar ekiam bar isi.

Gumazir Dapaniba 20:41

Ezɨ Israelian gumazir avɨrir dafam uamategha izi. Ezɨ Benjaminɨn anabamɨn adarazi garima Israelia uamategha izima me bar atiatingizɨ, men gavgaviba bar gɨfa. Egha me kamaghɨn fo me datɨrɨghɨn dughiar bar kuram me batogham.