Josua 6:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Josua faragha gumazamizibav gɨa ghaze, “Ia dɨm nɨgɨnim damu bizitam mɨkɨman markɨ, mangɨ dughiar kɨ dɨmsɨ akar gavgavim ia danɨngam. Dughiar kamra, ia pamtem dɨmam.”

Josua 6:10 ပူးပေါင်းရင်းမြစ်များ

Luk Osirizir Akar Aghuim 24:49

Ia oragh. Afeziam faragha akam akɨra ghaze, a uan Duam isɨ ia danɨngam. Ezɨ kɨ a mɨkemezɨ moghɨn, ia bagh anemangam. Kamaghɨn ia nguibar ekiamɨn ikɨ. Egh mamaghɨra ikɨ mangɨ dughiar God ko itir gavgavim izighirɨtɨma, ia a iniam.”

Matyu 12:19

Gumazir kam mɨkɨmamin dughiamɨn, a pamten akam akarigh mɨkɨman kogham. Me tuavibar an tiarim baraghan kogham.

Aisaia 42:2

A mɨkɨmamin dughiamɨn, a pamten akam akarigh mɨkɨman kogham. A tuavibar tuiv aghurighvɨra pamten mɨkɨman kogham.

Aposel 1:7

Ezɨ Iesus kamaghɨn me mɨgei, “Biziba otivamin dughiaba, nan afeziam uabɨ uan gavgavimɨn da atɨ. Ezɨ ia tizim bagh dughiar an atɨzir kam gɨfoghasa. Kar ian bizim puvatɨ.

Aisaia 28:16

Ezɨ Ikiavɨra Itir God, nan Ekiam, kamaghɨn mɨgei, “Ia gan! Kɨ datɨrɨghɨn dagɨar mam isa, Saionɨn Mɨghsɨamɨn anerɨsi. Ezɨ a dɨpenim aterir dagɨamɨn mɨn oto. Kɨ deravɨra a tuisɨgha ghaze, a dagɨar aghuir bar gavgavim, egha an ivezim bar pɨn ko. Gumazamizir nɨghnɨzir gavgavim an itiba, me zuamɨram atiating nɨghan kogham.

Josua 6:9

Mɨdorozir gumazir maba, ofa gamir gumazibar faragha zui, ezɨ marazi Akar Dɨkɨrɨzir Gavgavimɨn Boksiamɨn gɨn zui. Egha me zuir dughiamɨn 7plan ofa gamir gumaziba sɨghabagh ivi.

Josua 6:11

Kamaghɨn, Josua ofa gamir gumaziba amadazɨ, me Ikiavɨra Itir Godɨn Akar Dɨkɨrɨzir Gavgavimɨn Boksiam gupugha, Jerikon nguibam dughiar vamɨran a gighuagha arui. Egha uamategha iza dɨmagarimɨn, danganir me itimɨn iti.