Josua 24:33 - Godɨn Eghaghanim: Akar Gavgavir Dɨkɨrɨzir Ghurim ko Igiam

³³ Ezɨ Aronɨn otarim, Eleasar aremezɨ, Israelia an kuam isa Gibean nguibamɨn anefa. Nguibar kam, an Efraimɨn anabamɨn mɨghsɨaba itir nguazimɨn iti. Ezɨ nguibar kam, an Eleasarɨn otarim Finiasɨn nguibam.

Josua 24:33 ပူးပေါင်းရင်းမြစ်များ

Josua 22:13

Egha Israelia, ofa gamir gumazim Eleasarɨn otarim Finias amadazɨ, a Rubenɨn anabam ko Gatɨn anabam, ko Manasen anabar me tuirazimningɨn mamɨn adarazir, ganasa Gileatɨn Distrighɨn zui.

Ua Me Ini 6:25

Ezɨ Eleasar, Aronɨn otarim, a Putielɨn guivimɨn itima, an a bagha Finias bate. Gumazir kaba bar, me Livain anabamɨn ikɨzibar dapaniba, me vaghvagha uan ikɨzibar amodoghɨn, me men ziaba osiri.

Hibru 7:24

Ezɨ Iesus angamɨra ikia mamaghɨra ikiavɨra iti. Kamaghɨn a Godɨn ofa gamir ingangarim gamua mamaghɨra ikiavɨra iti. Eghtɨ tav an mɨn ofa gamir gumazimɨn otoghan kogham.

Aposel 13:36

“E fo, dughiar kamɨn Devit nguazimɨn ikia, a Godɨn nɨghnɨzimɨn gɨn zui. Egha a gɨn aremezɨ, me an kuam inigha ghua an ovaviba afi naghɨn anefazɨ, an kuam kuri.

Sekaraia 1:5

Ian ovaviba ko, Godɨn akam inigha izir gumaziba, me datɨrɨghɨn itir puvatɨ, me bar ariaghire.

Onger Akaba 49:10

E fofozir gumazamizibar garima, me uaghan ariaghiri. Ezɨ gumazamizir kuraba ko gumazamizir onganiba, me uaghan ariaghiri. Gumazamizir kaba bar uan dagɨaba ko bizir aghuiba ateghtɨ, gumazamizir igharaziba da iniam.

Jopɨn Akɨnafarim 30:23

Kɨ fo, kɨ aremeghtɨ nɨ na amadaghtɨ, kɨ magɨrɨ danganir nɨ gumazamizir oveaghueziba bagha inabazimɨn ikiam.

Josua 14:1

Kar Kenanɨn nguazir asɨzir Israelian anababa vaghvagha inizibar eghaghanim. Israelia Jordanɨn Fanemɨn aruem anadi naghɨn ikiavɨra itima, Moses nguaziba isa Israelian anabar pumuning ko Israelɨn anabar mamɨn akuam ganɨngi. Egha a nguazitam abigha Livain adarazigh anɨngizir puvatɨ. Ezɨ Israelia ghua Jordanɨn Fanemɨn aruem uaghiri naghɨn Kenanɨn nguazimɨn otogha gɨvagha, ofa gamir gumazim Eleasar ko Nunɨn otarim Josua, ko Israelian anababa vaghvagha men gumazir dapaniba, Ikiavɨra Itir God, Moses mɨkemezɨ moghɨn ami. Egha nguazim tuiragh uan 9plan anababa ko anabar mamɨn akuar igharazim, me danɨngasa a bagha satu gikararai.

Dɨboboniba 3:32

Ezɨ Livaiba bar, men gumazir dapanim Eleasar, a ofa gamir gumazim Aronɨn otarim. A Godɨn Purirpenimɨn aven ingangarim gamir gumazibagh, ativagha men gari.

Ua Me Ini 6:23

Ezɨ Aron Eliseban iti, an Aminadapɨn guivim, egha Nasonɨn buaramizim. Egha an a bagha Nadap, Abihu, Eleasar, ko Itamar bate.

Gumazir Dapaniba 17:8

A Betlehem ategh mangɨ nguibar igiatam batogh an ikiasa zui. A ghua Efraimɨn mɨghsɨar dozibar, Maikan dɨpenimɨn oto.

1 Samuel 1:1

Gumazir mam a iti, an ziam Elkana, an Efraimɨn anabamɨn gumazim, an Efraimɨn mɨghsɨar doziba itir nguibar ekiam Raman iti. Elkana a Jerohamɨn otarim, ezɨ Jeroham a Elihun otarim, Elihu a Tohun otarim, ezɨ Tohu a Sufɨn otarim, ezɨ Suf a Efraimɨn anabamɨn gumazir mam.

1 Samuel 9:4

Ezɨ aning dɨkavigha Efraimɨn mɨghsɨar dozibar ghu, egha Salisan nguazir otevir mamɨn ghugha dar apizir puvatɨ. Aning uaghan Salimɨn nguazimɨn ghugha donkibar apizir puvatɨ. Egha aning gɨn Benjaminɨn nguazimɨn ghugha, donkibar apizir puvatɨ. Bar puvatɨ.

2 Samuel 20:21

E gumazir vamɨra iniasa ize, an ziam Seba, a Bikrin otarim. A Efraimɨn anabar mɨghsɨabar itir gumazim. Gumazir kam, an Atrivim Devit abɨnasa nɨghnɨzim gumazibagh anɨdi. E kamaghsua, ia Seba e danightɨ, e ian nguibar ekiam ategh mangam.” Ezɨ amizim kamaghɨn Joap mɨgei, “Bar guizbangɨra, e gumazir kam mɨsueghtɨ an aremeghtɨ, e an dapanim fegh, dɨvazimɨn vongɨn a kunightɨ, ia datɨrɨghɨram an ganam.”

1 Atriviba 4:8

Ingangarir gumazir dapanir distrighɨn kabar garibar ziabar kara: Benhur, a Efraimɨn anabamɨn mɨghsɨaba itir danganimɨn garir gumazim.

2 Atriviba 5:22

Ezɨ Gehasi ghaze, “Puvatɨ. Nan gumazir ekiam kamaghɨn nɨ mɨkɨmasa na amada: Godɨn akam inigha izir gumazimning datɨrɨghɨra an dɨpenimɨn ize. Aning Efraimɨn mɨghsɨaba itir Godɨn akam inigha izir gumazimning. Ga uaning, nɨ silvan beghiam ko korotiar pumuning, Godɨn akam inigha izir gumazir kamning bagh dar anɨngigh.”

Gumazir Dapaniba 18:13

Me danganir kam ategha ghua Efraimɨn mɨghsɨar dozibar Maikan dɨpenimɨn oto.