Josua 23:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ia datɨrɨghɨn deravɨram oragh, ian nguazim, aruem anadi naghɨn Jordanɨn Fanemɨn ikegha ghua, aruem uaghiri naghɨn Mediterenianɨn Ongarir Ekiamɨn tu. Kɨ, apanibav sogha me gafiragha men nguaziba isa ia ganɨngi. Egha uaghan, nguazir maba, ia tɨghar apanibav sogh me abɨnigh, men nguaziba iniam, kɨ ia da iniasa kɨ dagh inabagha gɨfa.

Josua 23:4 ပူးပေါင်းရင်းမြစ်များ

Josua 18:10

Ezɨ Josua Silon ikia fofoghasa, Ikiavɨra Itir Godɨn damazimɨn satu gikararai, eghtɨ, a manmaghɨra nguaziba abigh vaghvagh men 7plan anababar anɨngam. Egha a gɨn nguazir kaba abigha Israelian anababa vaghvagha me ganɨdi.

Josua 13:2

Nguazir kabanang: Filistian nguaziba bar, ko men nguibar ekiar 5plan kabanang, Gasa, Asdot, Askelon, Get, ko Ekron. Ia uaghan Gesurɨn nguaziba inizir puvatɨ. A Isipɨn nguazir mɨtaghniar aruem anadi naghɨn iti. Ia uaghan sautɨn amadaghan Avia, men nguaziba inizir puvatɨ. Ia uaghan, Sihorɨn Faner mɨriamɨn itir nguazim, a Isipɨn kantrin mɨtaghniamɨn iti, egha notɨn amadaghan ghua Ekronɨn nguibamɨn nguazim, ia a inizir puvatɨ.

Ua Me Ini 23:30

Kɨ ian apaniba nɨmɨra nɨmɨra me batogh mangɨ, dughiar ia avɨrasemeghamim, ia nguazir kam bar a inigham.

Godɨn Araziba 12:29

Egha Moses ua kamaghɨn mɨgei, “Ia mangɨ ikɨzir igharazir kabar nguazibar aven mangamin dughiam, Ikiavɨra Itir God, ian God, ian faragh mangɨ bar me gasɨghasigham. Eghtɨ ia men nguazibar apiam.

Gumazir Dapaniba 2:21

Josua angamɨra itir dughiamɨn, a men nguaziba inizir puvatɨgha areme, kamaghɨn amizɨ, kɨ ikɨzir igharaziba batueghan kogham.

Onger Akaba 78:55

Israelia izezɨ, a ikɨzir igharazibar gumazamiziba batuegha, nguazir kaba abɨgha da isa Israelian anababagh anɨngi. Ezɨ me pura, men dɨpeniba inigha deragha dagh apiaghav iti.

Onger Akaba 105:11

Ikiavɨra Itir God kamaghɨn mɨgɨa ghaze, “Kɨ Kenanɨn nguazim nɨ danɨngam, eghtɨ nguazir kam kar nɨn ovavir boribar nguazim.”

Sefanaia 3:6

Ikiavɨra Itir God kamaghɨn mɨgɨa ghaze, “Kɨ kantrin maba bar me agɨfa, egha men nguibar ekiabagh asɨghasɨki. Ezɨ dar nguibar ekiar dɨvazir gavgaviba itiba ko, dɨpenir ruarir ganganir gumaziba itiba, da ikuvigha iti. Gumazitaba nguibar ekiabar itir puvatɨ, kamaghɨn amizɨ, gumazamiziba ua nguibar ekiabar aven itir tuavibagh aruir puvatɨ.