Josua 23:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ikiavɨra Itir God, en God, fomɨra akam akɨrizɨ moghɨn, ia bagha apanibav sosi. Egh a ian tavɨn akuraghtɨ, a 1,000plan gumazibav sogh men agɨraghtɨ me aregham.

Josua 23:10 ပူးပေါင်းရင်းမြစ်များ

Godɨn Araziba 32:30

Men Ikiavɨra Itir Godɨn gavgavim, a men dagɨar ekiar gavgavimɨn mɨn iti. Egha a men aghuagha me ataki. Ezɨ ia bizir Israelia batozir kam gɨnɨghnɨgh: manmaghsua, apanir vamɨra Israelian 1,000pla mɨsogha me abɨni? Ezɨ manmaghsua apanir pumuning, Israelian 10,000pla mɨsogha me abɨni? Bar guizbangɨra, bizir kamɨn mɨngarim kamakɨn: Men God men aghuagha akɨrim ragha me gasara.

Ofa Gami 26:8

Ian 5plan mɨdorozir gumaziba 100plan apaniba abɨnigham. Eghtɨ ian 100plan mɨdorozir gumaziba 10,000plan apaniba abɨnigham. Guizbangɨra, ian apaniba bar ian damazimɨn arɨghiregham.

Godɨn Araziba 3:22

Ikiavɨra Itir God, en God, a uabɨ ia bagh me ko mɨsoghɨva ian akurvagham. Kamaghɨn, ia men atiatingan markɨ.’ ”

Ua Me Ini 14:14

Ia orakigh, Ikiavɨra Itir God ian akurvaghsɨ me ko mɨsogham. Ia uari bizitam damuan markɨ. Ia nɨmɨra ikɨ.”

Onger Akaba 35:1

O Ikiavɨra Itir God, gumazir nan atara na ko mɨsoziba, nɨ men atar me ko mɨsogh.

Godɨn Araziba 20:4

Ikiavɨra Itir God, ian God, a ia ko zui. A mɨdorozir kamɨn aven ikɨ ian akuragh mɨsoghtɨ, ia uan apaniba abɨnigham. Kamaghɨn amizɨ, ia atiatingan markɨ.’

Akɨnafarir Pol Romɨn Nguibar Ekiamɨn Itir Sios Bagha Osirizim 8:31

E bizir kabagh foghava, manmaghɨn mɨkɨmam? E fo, God e baghvɨra ikɨtɨ, tina e dɨkabɨragh e gafiragham? Bar puvatɨgham.

Onger Akaba 46:7

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Josua 23:3

Ia uari uan damazibar bizibar ganigha gɨvagha fo, Ikiavɨra Itir God, ian God, ian akuragha bizir avɨribagh amua, ian apanibav sogha me abɨni. Ikiavɨra Itir God, ian Godra, ia bagha mɨdorozir kam gami.

1 Samuel 14:6

Ezɨ Jonatan dagɨar davarir danganir kamɨn otogha kamaghɨn uan namakam mɨgei, “Aria, ga vongɨn mangɨva Filistian Ikiavɨra Itir God gɨfozir puvatɨzir gumaziba, me uan mɨkarzir mogomebar iniba aghorir puvatɨ, ga me itir danganimɨn aven mangam. Ikiavɨra Itir God, ti gan akuraghtɨ, ga me abɨragham. Ikiavɨra Itir God mɨdorozimɨn apaniba abɨnasava, gumazir avɨribagh nɨghnɨzir puvatɨ. Ga uaningra deragham.”

Josua 10:42

Ikiavɨra Itir God, Israelian God, a men akurazɨ me atrivir kabav sogha me abɨnigha, men nguaziba dughiar kamra bar ada ini.

Gumazir Dapaniba 15:15

Ezɨ a gari donkin mam aremegha irɨghav ikia, tɨghar bar kuram, an an akaguar agharim inigha an suiragha gumazir 1,000pla mɨsoghezɨ me ariaghire.

2 Samuel 23:8

Devitɨn mɨdorozir gumazir gavgavibar ziabar kara. Men faraghavɨra itim, Josep Basebet, a Takemonɨn adarazir gumazim. A 3plan mɨdorozir gumazir gavgavir kabar mav, egha a men faragha zui. A dughiar mamɨn afuzimɨn suiragha 800plan apaniba ko mɨsogha bar me mɨsoghezɨ, me ariaghire.

Gumazir Dapaniba 3:31

Gumazir dapanim Ehutɨn gɨn, gumazir dapanir igharazim oto, an ziam Samgar, an Anatɨn otarim. Me zuamɨra ingangarim damuasa bulmakaubar avɨzir aghorir mam, an a isa, Filistiabar 600plan gumazibav soghezɨ me ariaghire. A uaghan apanibar agharimɨn ua Israelia ini.

Godɨn Araziba 20:3

‘O Israelia, ia oragh. Ia mɨdorozim bagh datɨrɨghɨn mangam. Egh ia mangɨ apanibar ganɨva atiating aghariba ian amɨraghtɨ ia okam nɨghnɨgh puram akongan markɨ.

Godɨn Araziba 28:7

“Ikiavɨra Itir God, apanir ia mɨsoghsɨ izamiba, a ian damazimɨn me dɨkabɨnam. Me tuavir vamɨran izeghɨva ua tuavir avɨribar tintinibar aregham.

Godɨn Araziba 32:20

Egha a ghaze, ‘Ia borir naviba gavgavigha nan akabar gɨn zuir puvatɨziba. Kɨ men gantɨ, osɨmtɨziba me bativigh me gasɨghasightɨ, kɨ uan guam men modogh, men akuraghan kogham.

Josua 23:11

“Kamaghɨn, ia bar deravɨra uari bagh gan. Egh Ikiavɨra Itir God, en God, bar a gifongegh.

1 Eghaghaniba 5:22

Bar guizbangɨra, God uabɨ mɨdorozir kamɨn faragha zui, kamaghɨn amizɨ apanibar gumazir avɨriba mɨdorozir kamɨn ariaghire. Egha me gɨn uan apanibar nguazim inigha a gapia. Me an ikia ghua azenir avɨribar gɨn, Israelian apanir igharaziba me inigha ghua kantrin igharazimɨn me isa kalabuziabar mɨn me atɨzir dughiamɨn oto.

Aisaia 30:17

Ian apanibar mɨdorozir gumazir vamɨra izɨ mɨsoghsɨ dɨmtɨ, ian 1,000plan mɨdorozir gumaziba puv aregham. Egh men mɨdorozir gumazir 5plara izɨ ian dɨmtɨ, ia bar moghɨra dɨkavigh nguibar ekiam ategh aregham, eghtɨ gumazitam ua ikian kogham. Eghtɨ ian gumazir ikiavɨra itir varazira bar uarira ikiam, mati me inir avɨzim guasa temer vamɨra mɨghsɨar itimɨn a kuasa.

Sekaraia 12:8

Dughiar kamɨn kɨ Ikiavɨra Itir God, kɨ Jerusalemɨn gumazamiziba geghuvam, mati gumazim oramɨn uabɨ modi. Kɨ gavgavim me danɨngtɨ, gumazir mɨdorozibar gavgavizir puvatɨziba, me Atrivim Devitɨn mɨn gavgavigham. Eghtɨ Devitɨn ovavir borir gɨn otivamiba, me, men gumazir dapanibar ikiam, eghtɨ me mati Ikiavɨra Itir Godɨn ensel o God uabɨ, egh me, me geghuvam.

Ofa Gami 26:7

Eghtɨ ia apanibav sogh me abɨntɨ, men avɨrim ian damazimɨn arɨghiram.

1 Eghaghaniba 5:20

Ezɨ mɨdorozimɨn dughiamɨn, Israelia uarir akurvaghasa Godɨn diagha an azai. Ezɨ God men akurazɨ me uan apanir kaba abɨra. Me bar uarir akurvaghasa nɨghnɨzir gavgavir ekiam Godɨn itima, God men akura.