Josua 19:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ ko Alamelek, Amat, ko Misal. Ezɨ aruem uaghiri naghɨn men mɨtaghniam Karmelɨn Mɨghsɨamɨn boroghɨn ghua Sihorlipnatɨn nguibar ekiamɨn tu.

Josua 19:26 ပူးပေါင်းရင်းမြစ်များ

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.

Solomon 7:5

Nɨn dapanim nɨn namnam gisɨn ikia bar dera, mati atrivimɨn dapanir asuam, egha mati Karmelɨn Mɨghsɨar orazim. Nɨn dapanir arɨzir gɨrakɨrangɨn guraghav itim, pigha ruaragha bar deragha taghtasi, mati atrivimɨn inir aghuim. Egh nɨn dapanarɨzir kam, atrivim damutɨ, a nɨ gakuegh, nɨn kalabuziar gumazimɨn mɨn otogham.

1 Atriviba 18:42

Ezɨ Ahap ghuava api. Ezɨ Elaija uan ingangarir gumazim ko Karmelɨn Mɨghsɨar orazimɨn ghuavanabo. Egha Elaija uan guam aviragha uan tevimningɨn tizim gatɨ.

1 Atriviba 18:20

Ezɨ Ahap Israelian gumazamiziba ko akam inigha izir gumazir ifavariba bar moghɨra men diazɨ, me ghua Karmelɨn Mɨghsɨamɨn uari akufa.

Jeremaia 46:18

Ezɨ atrivimɨn ziar bar guizbangɨram atrivimɨn itim, a Ikiavɨra Itir Godɨn Gavgaviba Bar Itim. A kamaghɨn mɨkeme, “Kɨ zurara angamɨra iti, kɨ guizbangɨra mɨgei: Gumazitam izam. Eghtɨ an gavgavim bar gumazir igharazibar gavgavim gafiragham, mati Taborɨn Mɨghsɨam bar ruaragha, mɨghsɨar mabagh afira. Egha mati Karmelɨn Mɨghsɨam ongarir dadarimɨn ikia, bar pɨn mar iti.

Aisaia 37:24

Nɨ uan ingangarir gumazir dapanibav kemezɨ, me nɨn ziam fa nan ziamɨn tira. Ezɨ kɨ men akatoribar mɨgɨrɨgɨar kaba baraki. Kɨ fo, nɨ kamaghɨn mɨgɨa ghaze, nɨ uan karisɨn avɨriba inigha Lebanonɨn Mɨghsɨabar orazibar ghuavanega, egha bar Lebanonɨn ruarir bar pɨzimɨn aven ghua, danganir gumazamiziba aven zuir puvatɨzimɨn, nɨ temer sidan bar ruariba ko temer painɨn bar aghuiba oke.

Aisaia 35:2

Egh nguazir mɨdiarir kam, akɨmarir avɨriba an otogh oneghtɨ, an ganganim bar deraghtɨ, a bar akuegh pamten dɨmɨva arangam. Ikiavɨra Itir God dirir aghuim isɨ nguazir mɨdiarir kam danɨngtɨ, an ganganim bar deragham, egh Lebanonɨn ruarir ekiam ko, Karmelɨn Mɨghsɨam ko, Saronɨn Danganir Zarimɨn ganganir aghuimɨn mɨrara ganam. Eghtɨ gumazamiziba Ikiavɨra Itir Godɨn angazangarim ko gavgavimɨn ganɨva, egh uaghan en Godɨn ziar ekiamɨn gantɨ, an atrivimɨn kurkazir aghuimɨn mɨn ikiam.

1 Eghaghaniba 6:74

Ezɨ nguibar ekiar kabar maba Aserɨn anabamɨn adarazir nguazimɨn iti. Dar ziabar kara: Masal, Apdon,

1 Samuel 15:12

Bar mɨzaraghara Samuel dɨkavigha Sol bagha zui. Ezɨ me a mɨgɨa ghaze, Sol Karmelɨn nguibar ekiamɨn ghugha, mɨdorozim gafiragha ziar ekiam ini. Bizir kam bagha, a dagɨar ababanim asara. An anesaragha gɨvagha Gilgalɨn nguibar ekiamɨn ghu.

Josua 21:30

Ezɨ me Aserɨn anabamɨn adarazir nguibar ekiar 4pla isava Gersonɨn ikɨzimɨn adarazigh anɨngi, dar ziabar kara: Misal, Apdon,

Josua 19:25

Aserɨn anabam inizir nguazimɨn aven itir nguibar ekiabar ziabar kara: Helkat, Hali, Beten, Aksap,

Josua 19:27

Egha ighuigha ghua aruem anadi naghɨn ghua, Betdagonɨn nguibar ekiamɨn otogha, Sebulunɨn adarazir nguazimɨn boroghɨra ghua, Iptahelɨn danganir zarimɨn ghua notɨn amadaghan Betemek ko Neielɨn nguibamningɨn tu. Egha mɨtaghniam ghuavɨra ikia ghua, notɨn amadaghan ghua Kabulɨn nguibamɨn otogha,

1 Atriviba 18:19

Nɨ datɨrɨghɨn Israelian gumazamiziba bagh akam amadaghtɨ, me izɨ Karmelɨn Mɨghsɨamɨn na bativam. Egh nɨ uaghan asem Balɨn akam inigha izir gumazir 450pla, ko aser amizim Aseran akam inigha izir gumazir 400pla inigh izɨ. Kar Atrivir Amizim Jesebel akuaghapir akam inigha izir gumaziba.”

Josua 15:55

Ezɨ nguibar ekiar distrighɨn igharazimɨn itibar ziabar kara: Maon, Karmel, Sif, Juta,

2 Atriviba 2:25

Ezɨ Elisa danganir kam ategha bar ghua Karmelɨn Mɨghsɨamɨn ghu. Egha gɨn Karmel ategha uamategha Samarian nguibar ekiamɨn ghu.