Josua 18:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ Sela, Haelep, Jebus, an ziar igharazim Jerusalem, Gibea, ko Kiriat Jearim. Distrighɨn kam 14plan nguibar ekiaba an iti, ezɨ nguibar dozir maba dar boroghɨn iti. Nguazir kam, Benjaminɨn anabamɨn adarazi a ini.

Josua 18:28 ပူးပေါင်းရင်းမြစ်များ

2 Samuel 21:14

Egha me Benjaminɨn anabamɨn nguazimɨn Selan nguibar ekiamɨn ghugha, Sol ko Jonatanɨn aghariba isa, Solɨn afeziam Kisɨn dagɨar mozim gatɨ. Atrivim mɨkemezɨ moghɨn me bizibagh ami. Ezɨ arazir kamɨn gɨn, me uan kantri deragh a damuasa God ko mɨgeima, a men akaba barasi.

Josua 15:8

Egha sautɨn amadaghan ghua Hinomɨn Otarimɨn danganir zarimɨn ghua Jebusɨn Mɨghsɨamɨn oto. Jerusalemɨn nguibam danganir kamɨn iti. Ezɨ nguazir mɨtaghniam ghuavɨra ikia ghua aruem uaghiri naghɨn amadaghan itir mɨghsɨamɨn oto, a Hinomɨn danganir zarimɨn mɨriamɨn iti. Mɨghsɨar kam, a Refaimɨn danganir zarimɨn iti.

Hosea 10:9

Ezɨ Ikiavɨra Itir God kamaghɨn mɨgei: “Fomɨra Israelia Gibean nguibar ekiamɨn ikia arazir kuramɨn na gami, egha arazir kurar kam ataghizir puvatɨ. Kamaghɨn amizɨ, apaniba izɨ gumazamizir kurar kabav sogh, egh mangɨ Gibean tugham.

Aisaia 10:29

Me uaghira daghurir dɨpamɨn faghafiagha, bɨnigha ghuanaga, dɨmangan Geban nguibar ekiamɨn akui. Raman nguibar ekiamɨn itir gumazamiziba bar atiatingi. Ezɨ, Gibean nguibar ekiamɨn itir gumazamiziba, kar Atrivim Solɨn nguibar ekiam, me anetegha are.

2 Samuel 5:8

Dughiar Devit nguibar ekiar kam inizimɨn, a kamaghɨn uan mɨdorozir gumazibav gɨa ghaze, “E nguibar ekiar kam inisɨva, tuavir dɨrɨzir Jebusia dɨpam iniasa aruimɨn aven mangɨva nguibar ekiamɨn otogham. Egh e damazir okavɨrɨziba ko suer kuraba ko mɨsogham. Gumazir kamagh gariba, me nan apanibar mɨn iti.” Gumazamiziba datɨrɨghɨn Devitɨn akam gɨnɨghnɨghavɨra ikia kamaghɨn mɨgɨa ghaze, “Damazir okavɨrɨziba ko suer amɨraziba Ikiavɨra Itir Godɨn Dɨpenimɨn aven mangan kogham.”

1 Samuel 10:26

Ezɨ Sol uaghan uan nguibam Gibean ghu. Ezɨ mɨdorozir gumazir gavgavir maba, God men navibagh irazɨ, me uaghan Solɨn gɨn ghue.

Josua 18:16

Egha mɨtaghniam bar ghua Hinomɨn otarimɨn danganir zarimɨn boroghɨn itir mɨghsɨamɨn mɨriamɨn ghu. Mɨghsɨar kam, notɨn amadaghan Refaimɨn danganir zarimɨn mɨriamɨn tughav iti. Egha ghua sautɨn amadaghan Hinomɨn danganir zarim atu. Danganir zarir kam, a Jebusian nguibar mɨghsɨamɨn mɨriamɨn sautɨn amadaghan iti. Egha mɨtaghniam ghua Enrogelɨn dɨpar emɨmɨrimɨn tu.

Josua 15:63

Judaba Jebusia batoghan ibura, kar gumazamizir Jerusalemɨn nguibar ekiamɨn itiba. Kamaghɨn, me Judaba ko bar moghɨra uari inigha Jerusalemɨn ikiavɨra iti.

Dɨboboniba 33:54

Egh ia satu gikararangɨva nguaziba abɨgh, vaghvagh uan anababa ko ikɨzibar anɨng. Egh nguazir ekiaba isɨ anabar gumazamizir avɨriba itibar anɨngɨva, nguazir doziba isɨ anabar gumazamizir avɨrasemezir puvatɨzibar anɨng.

Dɨboboniba 26:54

“Nɨ nguazim me danɨngɨsɨ, satu gikararangɨva, nguazir ekiaba isɨva gumazamizir avɨriba itir anababar anɨng, egh nguazir muziariba isɨ avɨrasemezir puvatɨzir anababar anɨng.”

Dɨboboniba 26:38

Ezɨ Benjaminɨn anabam, an ovavir boribar ikɨzibar ziabar kara: Bela, Asbel, Ahiram,

Josua 18:27

Rekem, Irpel, Tarala,

Josua 19:1

Josua ghua satu gikararaima, Benjaminɨn anabamɨn nguazimɨn gɨn, nguazir namba 2 Simeonɨn anabamɨn adarazi bagha otozɨ, me me bagha anebɨki. Nguazir kam, me Judan anabamɨn adarazigh anɨngizir nguazim bar an tongɨra iti.

2 Samuel 5:6

Dughiar mamɨn, Atrivim Devit uan mɨdorozir gumaziba ko ghua Jerusalem iniasa mɨsosi. Jerusalem a Jebusian nguibamra. Jebusia ghaze, Devit men nguibam inian kogham, egha me dɨbovir akabar a mɨgɨa ghaze, “Ia bar en nguibar ekiamɨn aven izan kogham. Gumazir damazir okavɨrɨziba ko suer amɨraziba, me pura izɨ ia izamin tuavim apɨrigham.”

Jeremaia 6:1

Ia Benjaminɨn anabamɨn adarasi, ia Jerusalem ategh arɨ mangɨ. Puvatɨghtɨ, ia bar ikuvigham. Ia Tekoan nguibamɨn aven sɨghabagh ivi mangɨ, Bet Hakeremɨn nguibamɨn avim atɨghtɨ an mɨgharim mavanangam, eghtɨ gumazamiziba an ganigh fogh arɨ mangam. Bizir kurar ia gasɨghasɨghamim notɨn amadaghan dɨkavigha, bar roghɨra izi.

Gumazir Dapaniba 1:21

Ezɨ Benjaminɨn anabamɨn adarasi, me Jebusian Jerusalemɨn iti darazi batoghezir puvatɨ, kamaghɨn Jebusia Benjaminɨn anabamɨn adarazi ikiavɨra iti.

Gumazir Dapaniba 19:10

Ezɨ Livain gumazir kam ua dɨmagarir tamɨn ikian aghua. Egha a uan amuir dozim ko dɨkavigha zui. Aning uan donkiningɨn akɨrimningɨn itir satelning gaperagha zui.

1 Eghaghaniba 8:28

Gumazir kaba, me uan ikɨzibar gumazir dapaniba, egha me uaghan gumazir aruaba. Me Jerusalemɨn iti.