Josua 14:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Fomɨra, Moses ingangarir kam damuasa na amadazir dughiam, kɨ gavgavim iti. Ezɨ gavgavir kam datɨrɨghɨn nan ikiavɨra itima, kɨ mɨsogh bizibar amu daruvɨra ikiam.

Josua 14:11 ပူးပေါင်းရင်းမြစ်များ

Godɨn Araziba 34:7

Moses 120plan azeniba ikia egha areme. Egha gavgavighvɨra iti, ezɨ an damaziba dera.

Onger Akaba 103:5

Kɨ nguazimɨn itir dughiamɨn, God bar nan deragha bizir bar aghuir avɨribar na ganɨdi. Kamaghɨn amizɨ, kɨ gumazir igiamɨn mɨn gavgavigha, kuarazir bagamɨn mɨn igiamra iti.

Godɨn Araziba 31:2

A ghaze, “Nan azeniba, datɨrɨghɨn 120ɨn oto, ezɨ kɨ deraghavɨra mangɨ izegh damuan ibura. Ezɨ Ikiavɨra Itir God na mɨgɨa ghaze, Nɨn darorim iza kamaghɨra tu. Ezɨ nɨ Jordanɨn Fanem girɨgh vongɨn mangɨghan kogham.

Onger Akaba 90:10

E 70plan azenibar iti, e gavgavigh 80plan azenibar ikiam. Azenir e itir kabar dughiaba, e zurara ingangarir ekiabagh amua osɨmtɨzibarama ateri. Azenir kaba zuamɨra geveghtɨ, e uaghan mangegham.

Josua 14:10

Egha Kalep ua kamaghɨn Josua mɨgɨa ghaze, “Nɨ oragh. Israelia gumazamiziba puvatɨzir danganimɨn ikiavɨra itima, Ikiavɨra Itir God bizir kamɨn gun Moses mɨkemezɨ, datɨrɨghɨn 45plan azeniba gɨfa. Ezɨ kɨ datɨrɨghɨn azenir 85plan ikia egha ikiavɨra iti.

Godɨn Araziba 33:25

Eghtɨ an nguibar ekiaba avɨnizir dɨvaziba, ainɨn itiar akar gavgaviba ikiam. Eghtɨ a zurara dar aven deraghvɨra ikɨva, atiatingan kogham.”

Aisaia 40:31

Ezɨ gumazamizir nɨghnɨzir gavgavim Ikiavɨra Itir Godɨn ikia, an gavgavim bagha a mɨzua itiba, a gavgavir igiam me danɨngtɨ, me zurara gavgavighvɨra ikiam. Me dɨkavigh deraghvɨra mangam, mati kuarazir bagaba overiamɨn mɨghagha arui. Me ivemar mangɨ, egh avɨghaghan kogham, me daru mangɨ, egh amɨrvaghan kogham.