Josua 13:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ia Gebalian nguazim ko, Lebanonɨn nguazir aruem anadi naghɨn itiba, ia bar da inizir puvatɨ. Nguazir kaba, Hermonɨn Mɨghsɨamɨn boroghɨn itir nguibam Balgatɨn ikegha ghua Hamatɨn Tuavir Akamɨn tu.

Josua 13:5 ပူးပေါင်းရင်းမြစ်များ

1 Atriviba 5:18

Ezɨ dɨpenimɨn ingarir fofozir gumaziba uaghan Solomon ko Hiramɨn ingangarir gumazibar tongɨn iti. Egha me Gebalɨn nguibar ekiamɨn ingangarir gumaziba ko ingara, Godɨn Dɨpenimɨn ingaramin dagɨaba akɨra temeba abɨsi.

Josua 12:7

Kar nguazir kamɨn itir atriviba, Josua Israelia ko, Jordanɨn Fanemɨn amadaghan aruem uaghiri naghɨn mɨsogha abɨniziba. Me Lebanonɨn danganir zarim itir nguibam Balgatɨn ikegha, me mɨsogha me abɨra ghua Halakɨn Mɨghsɨamɨn tu, a Idomɨn nguibamɨn boroghɨn iti. Josua nguazir kaba abɨgha vaghvagha Israelian anababagh anɨdi. Eghtɨ nguazir kaba men nguazibar mɨn ikɨ kamaghɨra ikiam.

Esekiel 27:9

Gebalɨn nguibamɨn gumazir aruaba, me kurimɨn ingarir fofozir gumaziba, me nɨ ko arua, kurimɨn toriba apɨrir ingangarim gami. Tairɨn nguibar ekiam, kurir kam a nɨn ababanim gami, ezɨ nɨn fofoziba itir gumaziba, kurimɨn suizir gumazibar mɨn ami. Kantrin igharazibar kuriba bar nɨ bagha ize, egha dar ingarir gumaziba, nɨn nguibar ekiamɨn aven ghua nɨn biziba amadir dɨpenibar, dagɨaba bagha ingangarir bizibagh ami.

Josua 11:17

Nguazir kamɨn mɨtaghniam, Halakɨn Mɨghsɨamɨn ikegha ghua Idomɨn nguazimɨn boroghɨn sautɨn amadaghan ghua, notɨn amadaghan ghua, Lebanonɨn nguazimɨn danganir zarimɨn itir nguibam Balgatɨn oto, a Hermonɨn Mɨghsɨamɨn boroghɨn iti. Dughiar kam Josua, dughiar bar ruarimɨn atrivir kaba ko mɨsogha, bar me mɨsuagharɨki.

Dɨboboniba 34:8

mangɨ Hamatɨn nguibar ekiamɨn zuir tuavir akamɨn boroghɨn otogh mangɨ Sedatɨn nguibamɨn otogh mangɨ,

Amos 6:2

Ia mangɨ Kalnen nguibar ekiamɨn ganighɨva, egh gɨn mangɨ Hamatɨn nguibar bar ekiamɨn ganighɨva, egh ua mangɨ Filistian kantrin aven itir nguibam Getɨn ganigh, kar kantrin gavgaviba. Ia men gan nɨghnɨgh, ian gavgaviba men gavgavibagh afirazir puvatɨ. Men nguaziba ti, guan nguazim gafirazir puvatɨ.

Aisaia 10:9

Kɨ mɨsogha nguibar ekiar kaba ini: Kalno, Karkemis, Hamat, Arpat, Samaria, ko Damaskus.

Godɨn Araziba 3:25

Kɨ nɨn azai, nɨ nan amamangatɨghtɨ, kɨ mangɨ Jordanɨn Fanem girɨgh vongɨn mangɨ, egh nguazir aghuir kamɨn ganɨva mɨghsɨaba itir danganir aghuibar ganɨva, uaghan Lebanonɨn itir mɨghsɨamɨn ganam.’

Godɨn Araziba 1:7

Ia dɨkavigh danganir kam ategh, egh Amorian mɨghsɨaba itir danganim, ko an boroghɨn itir danganibar mangɨ. Kar Jordanɨn danganir zarim ko mɨghsɨaba itir danganiba, ko sautɨn amadaghan itir nguazir mɨsɨngiziba, ko Mediterenianɨn Ongarir Ekiamɨn dadarimɨn itir nguaziba. Egh ia Kenanian nguazim ko nguazir Lebanonɨn Mɨghsɨabar vongɨn itiba sara inigh mangɨ Yufretisɨn Faner Ekiamɨn tugh.

Dɨboboniba 13:21

Kamaghɨn amizɨ, 12plan gumazir kaba moga garir gumazibar mɨn Kenanɨn nguazim getiasa ghue. Me Sautɨn amadaghan Senɨn gumazamiziba puvatɨzir danganimɨn otogha ghua nguibar ekiam Rehopɨn oto, a notɨn amadaghan ikia Hamatɨn nguibar ekiamɨn zuir tuavir akamɨn boroghɨn iti.

Josua 11:3

Egha Kenanian nguibar aruem anadi naghɨn ko, aruem uaghiri naghɨn itiba bagha akam amada. Egha mɨghsɨamɨn itir nguibar kabar atriviba bagh akaba amangi, kar Amoria, Hitia, Peresia ko Jebusia. Egha Hivian atriviba bagha akam amada, me Mispan nguazimɨn Hermonɨn Mɨghsɨamɨn boroghɨn iti.

1 Atriviba 8:65

Kar Averpenibar Ikiamin Dughiar Ekiam. Ezɨ Atrivim Solomon Israelia ko uari akuvagha Jerusalemɨn iti. Me Ikiavɨra Itir God, en Godɨn damazimɨn, 7plan aruebar uari akuvagha ikegha, gɨn me ua 7plan arueba isafuragha 14plan arueba me bar dar ike. Gumazamizir avɨrim nguazir kamɨn danganiba bar dar ikegha ize. Notɨn amadaghan Hamatɨn nguibar ekiamɨn zuir tuavir akamɨn ikegha, ghua sautɨn amadaghan kantri Isipɨn nguazir mɨtaghniamɨn tu.

Jeremaia 52:9

Ezɨ Babilonia Sedekaian suiragha a inigha Babilonɨn atrivim bagha ghu. Ezɨ dughiar kamɨn Atrivim Nebukatnesar Riplan nguibamɨn iti, an Hamatɨn nguazimɨn aven itir nguibam. Ezɨ Nebukatnesar uan kotɨn aven Sedekaian gara egha ghaze, Sedekaia uan arazir kurar an amizimɨn ivezim iniam.