Josua 13:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Dar ziabar kara: Jaserɨn nguazim, ko Gileatɨn Distrighɨn itir nguibar ekiaba, ko Amonian nguazimɨn akuar mam, a ghua Aroerɨn nguibar ekiamɨn tu. Aroer, a Raban nguibar ekiamɨn boroghɨn aruem anadi naghɨn iti.

Josua 13:25 ပူးပေါင်းရင်းမြစ်များ

2 Samuel 12:26

Ezɨ dughiar kamɨn, Joap uan mɨdorozir gumaziba ko, Raban nguibar ekiamɨn mɨsogha ghuavɨra iti, kar Amonian atrivimɨn nguibar ekiam. Egha me nguibar ekiar kamɨn akuar mam ini.

2 Samuel 11:1

Ezɨ azeniba vaghvagha, dar dughiar orangtɨziba gɨvasava amima, atriviba uan mɨdorozir gumaziba isa uan apaniba ko mɨsoghasa zui. Ezɨ Devit Amonia mɨsoghasa Joap ko, uan mɨdorozir gumazibar gumazir dapaniba ko Israelian mɨdorozir gumaziba, a bar me amangi. Ezɨ me ghua Amonia mɨsogha me abɨragha, Raban nguibar ekiamɨn mɨdorozim fore. Ezɨ Devit uabɨ mɨdorozim bagha ghuzir puvatɨgha Jerusalemra iti.

Godɨn Araziba 3:11

(Atrivim Ok, a Refaimbar atrivir abuananam. An aremeghtɨ an eghuamin boksiam, me dagɨamɨn an ingari. Boksiar kamɨn ruarim, a 4 mitan tuzɨ, an arozim, 2 mitan tu. Dagɨar boksiar kam, an Amon kantrin Raban nguibamɨn ikiavɨra iti.)

Dɨboboniba 32:35

ko Atrot Sofan, ko Jaser, ko Jokbeha,

Amos 1:14

Kamaghɨn amizɨ, kɨ avim isɨ Raban nguibar ekiamɨn dɨvazibav kɨnightɨ, men dɨpenir ekiaba bar isigham. Eghtɨ mɨdorozir gumaziba mɨsoghɨva pamtemɨn dagarvagh dɨmam, eghtɨ mɨdorozim bar gavgavigham, mati amɨnir ekiam dughiar kuramɨn oto.

Josua 21:39

ko Hesbon, ko Jaser. Eghtɨ nguazir nguibar ekiar kaba okarigha itiba, Merarin adarazi uan asɨzibar arɨgham.

Godɨn Araziba 2:19

Egh Amonia me Lotɨn ovavir boriba, ia men nguazimɨn boroghɨra mangam. Nguazir kam kɨ a isa me ganigha gɨfa. Kamaghɨn amizɨ, kɨ men nguazir katam isɨ ia danighan kogham. Eghtɨ ia bizitam damightɨ me atartɨ ia me mɨsoghan markɨ.’ ”

Dɨboboniba 21:32

Ezɨ Moses Jaserɨn nguibar ekiam konasa gumazir maba amangizɨ, me moga garir gumazibar mɨn ghua nguibar kam gasɨghasɨghamin tuavir aghuitam gɨfoghasa ghue. Ezɨ Israelia dɨkavigha ghua a korogha an boroghɨn itir nguibar doziba sara, da inigha Amorian gumazamizir dar itibar agɨrazɨ, me are.

Josua 13:11

Egha me uaghan Gileatɨn nguazim isava, Gesur ko Makatɨn Distrik sara inigha, uaghan Hermonɨn mɨghsɨam sara, bar ada ini. Egha Basanɨn Distrighɨn danganiba bar ada inigha, ghua Salekan nguibamɨn tu.

Josua 13:24

Ezɨ Moses uaghan nguazir kabar maba tuiragha vaghvagha Gatɨn anabamɨn ikɨzibagh anɨngizɨ, me vaghvagha dagh apiaghav iti.

Josua 13:26

Egha men nguazim, Hesbonɨn nguibar ekiamɨn ikegha ghua, Ramatmispen nguibar ekiam ko Betonimɨn nguibamɨn otogha ghua, Mahanaimɨn nguibar ekiamɨn otogha, ghua Lodebarɨn nguazir mɨtaghniamɨn tu.

2 Samuel 24:5

Me Jordanɨn Fanem giregha vongɨn ghuegha, Aroerɨn nguibar ekiamɨn boroghɨn sautɨn amadaghan ghu. Nguibar kam Gatɨn anabamɨn nguazimɨn danganir zarimɨn tɨzimɨn iti. Egha me nguibar kamɨn sautɨn amadaghan averpenibagh ami. Egha gɨn me Aroer ategha notɨn amadaghan ghua Jaserɨn nguibar ekiamɨn oto.

1 Eghaghaniba 26:31

Ezɨ Jeria, a Hebronɨn ovavir boribar adarazir gumazir dapanim. Namba 40ɨn azenimɨn Devit atrivimɨn itima, me Hebronɨn ovavir boriba buri. Egha me garima, gumazir kabar avɨriba, Gileatɨn Distrighɨn itir nguibar ekiam Jaserɨn iti. Jaserɨn itir gumazir kaba, me bizir bar aghuir igharagha garir avɨribagh amir fofozir gumaziba.

Aisaia 16:8

Me uaghan uan wainɨn azenir aghuir Hesbonɨn nguibar ekiam ko, Sipman nguibar ekiamɨn boroghɨra itibagh nɨghnɨgha, dar apangkuvavɨra iti. Kantrin igharazibar atriviba fomɨra, wainɨn azenir kabar wainɨn dɨpabar amasa bar ifonge. Ezɨ wainɨn dɨpar kaba me gamima, me bar ongani. Ezɨ wainɨn azenir kaba datɨrɨghɨn, bar mɨsigha ikuvigha gɨfa. Moapia fomɨra wainɨn azenir bar avɨriba ike, da Hesbon ko Sipman nguibar ekiamningɨn ikegha, ghua notɨn amadaghan Jaserɨn nguibar ekiamɨn ghua, aruem anadi naghɨn itir gumazamiziba puvatɨzir danganimɨn tu. Egha maghɨra ghua Amangsɨzim Itir Dɨpar Akarem girɨgha ghua vongɨn aruem uaghiri naghɨn tu.

Jeremaia 48:32

Jaserɨn nguibam ikuvizir dughiamɨn, kɨ azi. Eghtɨ Sipman nguibam, nɨ ikuvightɨ, kɨ nɨ bagh azivɨra ikiam. Sipma, nɨn wainɨn azeniba, da bar avɨrasemegha ghua, Amangsɨzim Itir Dɨpar Akaremɨn mɨriamɨn tugha ghua, Jaserɨn dɨpar akaremɨn tu. Apaniba izɨ wainɨn ikarɨzir ovɨzir aghuiba, ko nɨn temer taba saram asɨghasɨgham.

Gumazir Dapaniba 5:17

Ezɨ Gileatɨn Distrighɨn itir adarasi, me pura Jordanɨn Fanemɨn vongɨn aruem anadi naghɨn ikiavɨra iti. Ezɨ Danɨn anabamɨn adarasi, bizir tizim bagha kuribar ingari? Ezɨ Aserɨn anabamɨn adarazi ongarir dadarimɨn iti. Me pura ongarir mɨriamɨn, kuriba itir danganimɨn uarira iti.

Aisaia 17:2

Gumazamizitaba uam Aroerɨn Distrighɨn nguibabar ikian kogham. Eghtɨ an nguibaba, pura sipsipbar danganibagh avagham. Eghtɨ a ua dar amutɨ, da atiatingamin gumaziba puvatɨgham, kamaghɨn amizɨ, sipsipɨn kaba deravɨra ikiam.