Josua 10:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Me atrivir kaba inigha a bagha ghuzɨ, a Israelian gumaziba bar men diagha me akufa. Egha gumazir dapanir an gɨn ghueziba, a kamaghɨn me mɨgei, “Ia kagh izɨva uan dagariba isɨ atrivir kabar tuebar arɨkigh.” Ezɨ me a mɨkemezɨ moghɨn ami.

Josua 10:24 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 16:20

Dughiar bar otevimɨn, Godɨn navir amɨrizim ko dabirabir aghuarim anɨdim, a Satanɨn gavgavim gasɨghasɨghɨva ian amamangatɨghtɨ, ia Satan dɨkaraghtɨma, a ian dagaribar apengan ikiam. En Ekiam Krais Iesusɨn apangkuvim ia ko ikɨ.

Malakai 4:3

Kɨ Ikiavɨra Itir Godɨn Gavgaviba Bar itim ghaze, bizir kabar amuamin dughiamɨn, ia gumazir kurar kaba ia tuzir siribar mɨn me dɨkabɨn me abɨnigham.

Onger Akaba 110:5

Ekiam gavgavim nɨ danɨngasa nɨ ko iti. Eghtɨ an anɨngagharir dughiam otoghtɨ an atriviba tintinimɨn me mɨsogh me gasɨghasɨgham.

Onger Akaba 110:1

Ikiavɨra Itir God, nan Ekiam mɨgɨa ghaze, “Nɨ nan agharir guvimɨn daperagh ikɨ mangɨtɨ, kɨ nɨn apaniba dɨkabɨragh me isɨ nɨn dafarim datɨghtɨ me nɨn dagarimningɨn apengan ikiam.”

Onger Akaba 107:40

Ezɨ Ikiavɨra Itir God men apanibar gumazir dapanibagh amizɨ, me pura bizir kɨnibar mɨn iti. A me gamizɨ me tintinibar arua danganir mɨsɨngizir tuaviba puvatɨziba, pura dagh arui.

Godɨn Araziba 33:29

O Israelian gumazamiziba, ia bar akongegh! Ikiavɨra Itir God ian akurvazi moghɨn, a ikɨzir igharazitaba kamaghɨn men akurvaghizir puvatɨ. Ikiavɨra Itir God mati oramɨn mɨn ian pɨgha ian akurvasi. Egh a mati mɨdorozir sabamɨn mɨn, ian apanibav soghɨrarightɨ me arɨmɨghiram. Eghtɨ ian apaniba izɨ uarir apangkuvsɨ ian azangsɨgham. Eghtɨ ia me dɨkɨ me abɨnam.”

Onger Akaba 91:13

Nɨ laionba ko, kuruziba ko, laionɨn igiaba ko, kuruzir kurar ekiaba dɨkabɨnam.

Onger Akaba 18:40

Nɨ nan apanibagh amizɨ, me akɨribagh ighegha na gasegha uam are. Gumazir na gifongezir puvatɨziba, kɨ bar me gasɨghasɨki.

Gumazir Dapaniba 8:20

Egha Gideon uan otarir ivariam Jeterɨn mɨgɨa ghaze, “Aria, nɨ aning mɨsueghtɨ aning aremegh.” Ezɨ otarir kam, bar uan igiamra ikia, kamaghɨn damuan atiatingi. A uan mɨdorozir sabam ghufezir puvatɨgha, aning mɨsoghezir puvatɨ.

Hibru 1:13

Fomɨra God kamaghɨn uan Otarimra kamaghɨn a mɨkeme, “Nɨ nan agharir guvimɨn daperagh ikɨ mangɨtɨ, kɨ nɨn apaniba dɨkabɨragh me isɨ nɨn dafarim datɨghtɨ me nɨn dagarimningɨn apengan ikiam.” Egha God dughiatamɨn akar katam enselɨn tam mɨkemezir puvatɨ. Bar puvatɨ.

2 Samuel 22:41

Nɨ nan apanibagh amizɨ, me akɨribagh ighegha, na gasegha uam are. Gumazir na gifongezir puvatɨziba, kɨ bar me gasɨghasɨki.

Aisaia 51:23

Eghtɨ kɨ itarir kam isɨ gumazir paza nɨ gamibar agharim datɨgham. Me fomɨra akar gavgavim nɨ ganɨga ghaze, nɨ nguazim girɨghɨv ikɨtɨ, me nɨ dɨkɨ, nɨn akɨragharim gisɨn daru, mati me nguazir kɨnim gisɨn arui.”

2 Samuel 22:39

Kɨ me gasezɨ, me kuabara ira, nan dagarimningɨn apengara ira ua dɨkavasava amuava avenge.