Josua 10:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ezɨ dughiar kamɨn Ikiavɨra Itir God Israelian akurazɨ, me Amoria mɨsogha me abɨra. Egha dughiar kamra, Josua Israelian damazimɨn Ikiavɨra Itir God ko mɨgɨa ghaze, “Aruem, nɨ Gibeonia gisɨn ikɨ mamaghɨra ikɨ. Iakɨnim, nɨ Aijalonɨn danganir zarimɨn tughɨv ikɨ mamaghɨra ikɨ.”

Josua 10:12 ပူးပေါင်းရင်းမြစ်များ

Habakuk 3:11

Nɨn bariba akɨzɨrɨgha zuir dughiamɨn, dar angazangarim bar ekefe. Nɨn afuzim akɨgha zuir dughiamɨn, an onɨmarimɨn mɨn taghtasi. Ezɨ aruem ko, iakɨnim dar gara, voroghɨra mɨtɨghav iti.

Aisaia 38:8

Nɨ gan! Ababanir kam kamakɨn, Atrivim Ahas fomɨra ingarigha asarazir adɨrɨziam, ia an dughuazibar gara aruemɨn auaba medi. Aruem datɨrɨghɨn ghuaghiri, eghtɨ kɨ a damightɨ, a tɨmɨra uamategh overiamɨn mangɨtɨ, an angazangarimɨn dughuazim adɨrɨziamɨn 10plan ighuvibar pɨn uamategh ghuavanabogham.’ ” Ezɨ aruem uaghira adɨrɨziamɨn dughuazim gamima, a zuamɨra tɨmɨra uamategha pɨn ghua adɨrɨziar ighuvir 10ɨn pɨn itimɨn tu, a datɨrɨghɨn 10plan auan a faragha ikezɨ moghɨn iti.

Aisaia 60:20

Kɨ Ikiavɨra Itir God, kɨ zurara nɨn angazangarimɨn mɨn ikɨtɨ, nɨn osɨmtɨzibar dughiam gɨvagham. Eghtɨ nɨ ua aruem uaghirir arazimɨn ganan kogham. Egh nɨ ua, iakɨnim uaghirir arazimɨn ganan kogham.

Aisaia 28:21

Guizbangɨra, Ikiavɨra Itir God fomɨra Perasimɨn Mɨghsɨam ko Gibeonɨn danganir zarim gamizɨ moghɨn, dɨkavigh uan gavgavim ko anɨngagharim sara izam. Egh ingangarir a nɨghnɨzim, an a damuam. Egh ia ingangarir kamɨn gantɨ, a bar igharagh otogham.

Onger Akaba 19:4

Ezɨ e aruem ko dɨmagarimɨn gara fofoziba isi. Akam inigha izir gumazibar akatoribar otivir mɨgɨrɨgɨaba, da ghua nguazir kamɨn nguibaba bar dar otozɨ, gumazamiziba bar, men kuariba da baraki. Overiamɨn pɨn, God aruem bagha purirpenir mamɨn ingari.

Josua 10:13

Ezɨ aruem isiragha ikia kamaghɨra iti, ezɨ iakɨnim uan danganimɨn ikiavɨra itima, Israelia uan apanibav sogha me abɨra. Ezɨ me bizir kabar eghaghanim Jasarɨn Akɨnafarimɨn da osiri. Guizbangɨra, dughiar kamɨn, aruem isiragha pɨn ikiavɨra ikia, ghua dughiar bar ruarim gɨvazɨ, amɨnim pɨri.

Onger Akaba 148:3

Aruem ko iakɨnim, gua uaghan an ziam fɨ! Mɨkovezir angazangarir gavgaviba itiba, ia uaghan an ziam fɨ.

Jopɨn Akɨnafarim 9:7

A pura aruem mɨkemeghtɨ, a isiraghan kogham. A mɨkovezibar angazangariba apazaghtɨ e dar ganan kogham.

Godɨn Araziba 4:19

Ia ti overiamɨn itir bizir kabar gari, aruem, iakɨnim ko mɨkoveziba. Ia uari bagh ganigh, bizir kaba ian navir averiabagh ekutɨ, ia teviba apɨr dar ziaba fam. Ikiavɨra Itir God, ian God, ikɨzir igharazibar amamangatɨzɨ me bizir kabar ziaba fe. Eghtɨ ia kamaghɨn damuan kogham.

Sekaraia 2:13

O gumazamiziba, ia pura ikɨva oragh! Ikiavɨra Itir God dɨkavigha uan Nguibam ategha e bagha izasava ami. Kamaghɨn amizɨ, e bar moghɨra uan akabar kumigh nɨmɨra ikɨva a mɨzuamam.

Habakuk 2:20

“Ezɨ Ikiavɨra Itir Godra, uan Dɨpenir Bar Zuezir uan Nguibamɨn itimɨn iti. Eghtɨ ia nguazir kamɨn itir gumazamiziba bar moghɨra izɨ, an damazimɨn tuivigh, uan akabar kumigh nɨmɨra ikiam.”

Onger Akaba 74:16

Nɨ angazangarim ko mɨtatemɨn ingari, egha aruem ko iakɨnimɨn ingarizɨ aning pɨn uan danganimningɨn iti.

Josua 19:42

ko Salbim, Aijalon, Itla,

Godɨn Araziba 17:3

A Ikiavɨra Itir Godɨn Akar Gavgaviba abigh, egh godɨn igharazibar ziaba fam. Kar, aruem ko iakɨnim ko mɨkoveziba, a dar ziaba fɨ dar gɨn mangam.

Amos 8:9

Dughiar kam otoghtɨ, kɨ aruem damightɨma, ana aruer arɨzimɨn mɨtategham, Amɨnir bɨrim aruer arɨzimɨn, nguazir kamɨn itir gumazamiziba batogham. Kɨ Ikiavɨra Itir Godɨn Ekiam, kɨ kamaghɨn mɨkeme.

Gumazir Dapaniba 12:12

Ezɨ an aremezɨ, me Sebulunɨn nguazimɨn, Aijalonɨn nguibar ekiamɨn anefa.

Gumazir Dapaniba 5:20

Overiamɨn itir mɨkoveziba uaghan mɨsosi. Da pɨn overiamɨn uan tuavimɨn ghua, Sisera ko mɨsosi.

1 Samuel 14:31

Dughiar kamɨn, Israelia Mikmasɨn nguibar ekiamɨn apanibav sogha ghua, Aijalonɨn nguibar ekiamɨn tu. Kamaghɨn amizɨ, mɨtiriam bar puvɨra men azima me gavgaviba puvatɨ.

2 Samuel 2:12

Ezɨ Nerɨn otarim Apner ko Solɨn otarim Isboset, uan ingangarir gumaziba ko, me bar moghɨra Mahanaimɨn nguibar ekiam ategha ghua, Gibeonɨn nguibar ekiamɨn oto.

2 Atriviba 20:11

Ezɨ Aisaia pamtemɨn Ikiavɨra Itir Godɨn dei, ezɨ Ikiavɨra Itir God adɨrɨziar dughuazim gamizɨ, a zuamɨra uamategha timra 10plan ighuvibar ghuaghirɨ. Adɨrɨziar kam, Atrivim Ahas fomɨram an ingari.

Jeremaia 28:1

Azenir kamɨn, Sedekaia Judan atrivim igiamra an otogha atrivimɨn ikia zuima an namba 4ɨn azenim. Egha azenir kamɨn namba 5ɨn iakɨnimɨn, Gibeonɨn nguibamɨn gumazir mam, a Godɨn akam inigha izir gumazim Hanania, Asurɨn otarim, a iza Ikiavɨra Itir Godɨn Dɨpenimɨn aven iza ofa gamir gumaziba ko gumazamiziba bar moghɨra, men damazimɨn akar mam Jeremaia ganɨdi. A kamaghɨn mɨgei,

Amos 2:9

“Israelia nan gumazamiziba, kɨ ia bangɨn Amoria gasɨghasɨki. Gumazir kaba temer sidabar mɨn ruarigha, egha okɨn temebar mɨn gavgafi. Ezɨ Amoria kɨ bar moghɨra me gasɨghasɨki.

Josua 21:24

ko Aijalon, ko Gatrimon. Eghtɨ nguazir nguibar ekiar kaba okarigha itiba, Kohatɨn adarazi uan asɨzibar arɨgham.

1 Samuel 12:18

Ezɨ dughiar kamra, Samuel Ikiavɨra Itir God ko mɨgeima, an ararim ko amozim amadazɨ, ararim dagarazɨ amozim maghɨram arɨki. Ezɨ gumazamiziba bizir kamɨn ganigha Samuel ko Ikiavɨra Itir Godɨn atiatingi.

2 Atriviba 20:9

Ezɨ Aisaia a mɨgɨa ghaze, “Ikiavɨra Itir God nɨn akakaghamin ababanim kamakɨn. Nɨ, adɨrɨziar e an gara aruebar auaba mega zuir kamɨn gari. Ezɨ nɨ adɨrɨziamɨn dughuazim, 10plan ighuviba ini zuamɨra mavanangasa nɨ ifonge, o a 10plan ighuviba ini zuamɨra uamategh tim izɨghirasa nɨ ifonge?”

2 Atriviba 20:10

Ezɨ Hesekia ghaze, “An adɨrɨziamɨn dughuazimɨn zuamɨra 10plan ighuvibar mavanangam, a pura bizim. Kamaghɨn amizɨ, a zuamɨra uamategh 10plan ighuvibar izɨghirasa kɨ ifonge.”

1 Eghaghaniba 8:13

Ezɨ Beria ko Seman ikɨzimning, Aijalonɨn nguibar ekiamɨn iti. Aning gumazamizir kabar gumazir dapanimningɨn ikia, egha Getɨn nguibar ekiamɨn gumazamiziba batoke.

2 Eghaghaniba 11:10

ko Sora, Aijalon, ko Hebron. Nguibar ekiar dɨvazir gavgaviba avɨnizir kaba, Judan anabam ko Benjaminɨn anabamɨn adarazir nguazimɨn iti.