Josua 10:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ Amoria Israelian mɨdorozir gumazibar ara Asekan nguibamɨn amadaghan uaghirima, Ikiavɨra Itir God aisɨn amozir ofɨzir ekiabagh amizɨ, da dagɨabar mɨn izaghira me girima, me ariaghire. Amorian gumazir aisɨn amozir ofɨziba mɨsoghezɨ ariaghirezibar dɨbobonim ghuavanabo. Egha Israelia mɨsoghezɨ ariaghirezir gumazibar dɨbobonim gafira.

Josua 10:11 ပူးပေါင်းရင်းမြစ်များ

Aisaia 28:2

Bar guizbangɨra, Ekiam ia dɨkabɨnasa ikɨzir bar gavgavir mam amɨsevegha gɨfa. Eghtɨ me amɨnir gavgavimɨn mɨn izɨva, amozim ko aisɨn amozimɨn mɨn bar pamtemɨn ia girɨva, ia amɨsararɨgh, ia fɨ nguazim mɨkɨnigham.

Gumazir Dapaniba 5:20

Overiamɨn itir mɨkoveziba uaghan mɨsosi. Da pɨn overiamɨn uan tuavimɨn ghua, Sisera ko mɨsosi.

Akar Mogomem 16:21

Amozir ofɨzir ekiaba dagɨabar mɨn izaghiri. Ezɨ amozir ofɨzir dagɨar kaba vaghvagha, dar osɨmtɨziba 50 kilogremɨn iti. Amozir dagɨar kaba overiamɨn izaghira gumazamizibagh isɨn ira bar me gasɨghasɨsi. Ezɨ bizir kurar kam bagha me Godɨn ziam gasɨghasɨgha mɨgei.

Akar Mogomem 11:19

24plan gumazir dapaniba mɨkemegha gɨvazɨma, Godɨn Dɨpenir an Nguibamɨn itim kuiaghirɨzɨma, me garima, Akar Dɨkɨrɨzir Gavgavim itir Boksiam Godɨn Dɨpenimɨn aven iti. Ezɨ overiamɨn onɨmariba taghtagha tintinibar zuima, nɨgɨnir dafam otozɨ, arariba dagarvasi, ezɨ mɨkɨmkɨzim otozɨ amozir ofɨzir ekiar dagɨabar mɨn gariba iri.

Esekiel 13:11

Nɨ mangɨ gumazir penɨn ghurghurimɨn aghuizir gumazir kabav kɨm suam, men dɨvazim akarighirɨgham. Kɨ amozir izɨ mamaghɨra ikiamim amadagham. Eghtɨ amozir ofɨzir ekiar dagɨabar mɨn gariba a gisɨn iram, eghtɨ amɨnir gavgavim a givangam.

Aisaia 30:30

Ikiavɨra Itir God gumazamizibar amutɨ, me an dɨmdɨar gavgavim baragham, egh me an anɨngagharimɨn mɨzazim baragham. An avir gavgavir biziba bar da isiamim sara izam, egh uaghan amɨnir gavgavim ko amozim ko maburan amozir ofɨzir dagɨabar mɨn gariba, sara izam. Eghtɨ arariba dagarvaghtɨ, gumazamiziba an anɨngagharimɨn ganam.

Onger Akaba 11:6

An avir bar puvɨra isia feim gumazir kurabagh inge. Kar a men ivezir kuram ikarvazima, men mɨkarziba bar puvɨra men feima me mɨzazir kuram isi.

Jenesis 19:24

Ezɨ bar zuamɨra Ikiavɨra Itir God dagɨar isiba ko avim amadazɨ, da amozimɨn mɨn overiamɨn ikia Sodom ko Gomora giri.

Jopɨn Akɨnafarim 38:22

“Jop, nɨ ti ghua ais ko aisɨn amozim itir danganimɨn ganiz o?

Godɨn Araziba 20:4

Ikiavɨra Itir God, ian God, a ia ko zui. A mɨdorozir kamɨn aven ikɨ ian akuragh mɨsoghtɨ, ia uan apaniba abɨnigham. Kamaghɨn amizɨ, ia atiatingan markɨ.’

Jopɨn Akɨnafarim 38:23

Kɨ dar ingarizɨ, da pazɨ gumazir igharaz darazi damu, me mɨsoghamin dughiam mɨzuai.

Onger Akaba 147:17

An aisɨn amozir ofɨzir dagɨabar mɨn gariba amadazɨ, da izaghira ongarimɨn gigibar mɨn nguazim giri. Eghtɨ gumazitam an amadazir orangtɨzir kamɨn ikɨva avegham.

Aisaia 28:21

Guizbangɨra, Ikiavɨra Itir God fomɨra Perasimɨn Mɨghsɨam ko Gibeonɨn danganir zarim gamizɨ moghɨn, dɨkavigh uan gavgavim ko anɨngagharim sara izam. Egh ingangarir a nɨghnɨzim, an a damuam. Egh ia ingangarir kamɨn gantɨ, a bar igharagh otogham.