Jona 4:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ gɨn aruem anadima, God amɨnir bar puvɨra feim amadazɨma, an aruem anadi naghɨn izi. Ezɨ aruem Jonan dapanim gaboi, an damaziba an sɨrima a irasava ami. Ezɨ Jona kamaghɨn nɨghnɨgha God mɨgei, “Kɨ aremeka. Kɨ aremeghtɨ, kamaghɨn deragham. Kɨ aremeghan koghtɨ, kamaghɨn deraghan kogham.”

Jona 4:8 ပူးပေါင်းရင်းမြစ်များ

Jona 4:3

Aria, Ikiavɨra Itir God, nɨ ikɨrɨmɨrir kɨ datɨrɨghɨn itim agɨfagh. Kɨ oveghtɨ, kamaghɨn deragham. Kɨ oveghan koghtɨ, kamaghɨn ti deraghan kogham.”

Esekiel 19:12

Ezɨ gumazir an anɨngagheziba biba saram anesigha a isa nguazim mɨkɨni. Ezɨ amɨnir bar puvɨra ivaim aruem anadi naghɨn ikegha iza an ovɨzibagh ivarazi, da kuaraghɨregha mɨsɨngi. Ezɨ an agharir gavgavim mɨsɨngizɨ, me a gaborozɨ a isi.

Onger Akaba 121:6

Aruem isiragh nɨ dapongeghan kogham, eghtɨ dɨmangan iakɨnim nɨ gasɨghasɨghan kogham.

Akar Mogomem 7:16

Eghtɨ mɨtiriaba ua men aghan kogham, eghtɨ kuariba ua men pɨran kogham. Eghtɨ aruer arɨzir mɨkarziba puvɨra dagh aboim, ua men mɨkarzibar isian kogham.

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

Aisaia 49:10

Gumazir men apangkuvim bar deravɨra men ganam, mati gumazir sipsipbar garim, sipsipba inigha ogher avɨriba itir danganim ko dɨpar aghuiba itir danganim bagha me inigha zui. Kamaghɨn me dɨpam ko daghebar oteveghan kogham, eghtɨ amɨnir fefem ko aruer dafam men mɨkarzibar apongan kogham.

Jona 1:17

Ezɨ Ikiavɨra Itir God osirir dafar mam amadazɨ, a iza Jona tuizɨ, an an navir averiam giraghu. Jona osirir kamɨn navir averiam aruer 3pla ko dɨmagarir 3plan an aven iti.

Jona 1:4

Ezɨ Ekiam amɨnir bar dafam amadazɨma an ongarim gisɨn ivai, ezɨ osɨmtɨzir dafam ongarim batozɨma kurim bighɨrɨghasava ami.

Solomon 1:6

Guizbangɨra, nan mɨkarzim pɨki, ezɨ ia kamaghɨn nɨghnɨghan markɨ, kɨ ti pura ingangarir amizir kɨnim. Puvatɨ. Aruem na gapongezɨ, nan mɨkarzim kamaghɨn oto. Nan tuebaba nan atara na gamizɨ, kɨ ghua wainɨn azenibar gari. Kamaghɨn amizɨ, kɨ deragha uan mɨkarzim geghuvir puvatɨ.

Onger Akaba 39:9

Nɨ uabɨ osɨmtɨzir kam na ganɨngi. Ezɨ kamaghɨn, kɨ akam akarigh bizitam mɨkɨman kogham. Kɨ uan akam dukuagh pura ikiam.

Jopɨn Akɨnafarim 2:10

Ezɨ Jop kamaghɨn uan amuim ikara, “Bar puvatɨgham. Nɨ amizir onganir mamɨn mɨn mɨgei. E bizir aghuariba God dama da isi. Egh manmaghsu an osɨmtɨziba uaghan e danɨngtɨ, e da inian kogham?” Guizbangɨra, osɨmtɨzir kaba Jop bativizir dughiamɨn aven, an akar kuratam God mɨkemezir puvatɨ.

1 Samuel 3:18

Kamaghɨn amizɨ, Samuel Ikiavɨra Itir Godɨn akaba bar dar gun a mɨkeme, egha bizitam an ghuarazir pu. Bar puvatɨ. Ezɨ Eli oregha kamaghɨn mɨgei, “A uabɨ Ikiavɨra Itir God, a bizir tizim damuasa ifonge ana damu.”

Ofa Gami 10:3

Ezɨ Moses kamaghɨn Aron mɨgei, “Ikiavɨra Itir God, fomɨra kamaghɨn ikiangsɨgha ia mɨkeme, ‘Gumazir nan boroghɨn iza nan ingangarim gamiba, me bar nan apengan ikɨ deragh na damuva kamaghɨn fogh suam, kɨ guizbangɨra Ikiavɨra Itir Godɨn bar zuezim. Eghtɨ kɨ uan gavgavim ko angazangarim gumazamizibar akagham. Eghtɨ me nan ziam fam.’ ” Ezɨ Aron akar kam baregha mɨkɨman ibura.

Matyu 20:12

‘Gumazir kaba bar gɨn izegha auan vamɨran ingari, ezɨ e mɨzaraghara izegha ingangarir ekiam gamima, aruem e gaponge. Ezɨ nɨ ivezir vamɨra bar e ganɨngi.’

1 Atriviba 19:4

Egha Elaija uabɨra gumazamiziba puvatɨzir danganimɨn aruer vamɨran an zui. A ghua temer muziarir mam batogha, an povimɨn aperagha aremeghasa God ko mɨgei. Egha ghaze, “O Ikiavɨra Itir God, osɨmtɨzir na bativir kaba da kamaghɨra tugh, nɨ na inightɨ kɨ ovegh mangam. Kɨ gumazir aghuim puvatɨ, nan ovaviba ovengezɨ moghɨn, kɨ ovengam. Kamaghɨn nɨ datɨrɨghɨn na ateghtɨ kɨ aremeka.”

Hosea 13:15

“Efraimia bar avɨrasemegha Israelian anabar igharazibagh afira. Ezɨ kɨ aruem anadi naghɨn amɨnir fefem amadagham, eghtɨ a men mozir dɨpabar amutɨ da dakegham. Egh men bizir aghuiba bar da inigh mangɨgham.

Jona 4:9

Ezɨ God kamaghɨn Jona mɨgei, “Ikarɨzir kam mɨsigha gɨvazɨma, nɨ atari. Nɨn adarim ti arazir aghuim, o? Bar puvatɨ.” Kamaghɨn amizɨ, Jona bar God basemegha ghaze, “Guizbangɨra, nan adarim arazir aghuim. Nan adarim bar ekefe, a na damightɨ, kɨ aremeghtɨ deragham.”

Jenesis 41:6

Ezɨ gɨn 7plan raizɨn dapanir igharaziba otifi. Amɨnir mam danganir mɨsɨngizimɨn otogha iza dagh apongezɨ da isigha bar sufi.

1 Atriviba 21:4

Nabot kamaghɨn Ahap mɨkemezɨ, an navim bar ikuvizɨ, an osemeghava atari. Egha a uamategha uan dɨpenir nguibar ekiam Samarian itimɨn ghu, egha dakuasava amua uan mɨsiam girɨgha guam isa bɨrim mɨsuegha, daghebar aman aghua.

Jopɨn Akɨnafarim 7:15

Kɨ kamaghɨn uabɨn apangkuvigha ghaze, me nan fɨrim dafazɨ kɨ aremegha deraghai. Kɨ ikɨ uan mɨkarzimɨn, uam osɨmtɨzir kaba ateran aghua.

Fofozir Gumazim 7:9

Nɨ zuamɨra gumazir munamɨn anɨngagheghan markɨ. Anɨngagharim, a gumazir nɨghnɨzir aghuiba puvatɨzimɨn arazim.