Jona 2:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Gumazir maba gavgaviba puvatɨzir marvir guabar ziaba fe. Gumazir kaba arazir nɨn gɨn zuim ataki.

Jona 2:8 ပူးပေါင်းရင်းမြစ်များ

Onger Akaba 31:6

Marvir guar gavgaviba puvatɨzibar ziaba fer gumazamiziba, nɨ bar men aghua. Ezɨ ko, kɨ nɨghnɨzir gavgavim nɨn iti.

Jeremaia 2:13

Nan gumazamiziba arazir kurar pumuning gami. Kɨ mati, dɨpar aghuir ikɨrɨmɨrir aghuim anɨdim me bagha fasfagha iri. Ezɨ me akɨrim ragha na gasara. Me uari bagha dɨpabar suighasa dagɨaba okora toribagh ami. Ezɨ me okorezir dagɨar mozir dɨpar kaba tintinibar bɨghireghtɨ, dɨpaba dar aven ikian kogham.’ ”

2 Atriviba 17:15

Israelia akɨrim ragha arazir God ifongezibagh asava, Akar Dɨkɨrɨzir Gavgavir a men inazir afeziaba ko amizim, ko an ikiangsɨzir a me ganɨngiziba, me bar dar aghua. Me akaba batogha, egha ghua asebar ziaba fe. Aser kaba guizbangɨn godba puvatɨ. Ezɨ Israelian gumazamiziba bizir ifavarir kɨnir kabar ziaba fe, me uari pura bizir ifavarir kɨnibar mɨn otifi. Fomɨra Ikiavɨra Itir God me mɨkeme, me men boroghɨra itir ikɨzibar arazibar gɨn mangan markɨ, ezɨ Israelia an akam batuegha, arazir kabar gɨn zui.

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

1 Samuel 12:21

Egh ia gavgaviba puvatɨzir asebar gɨn mangan markɨ. Da guizbangɨra pura bizir kɨniba, eghtɨ osɨmtɨzibar dughiabar me ian akuragh ua ia inighan kogham. Bar puvatɨgham.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Onger Akaba 69:14

Nɨ beghneazir kamɨn aven ua na inightɨ, kɨ an aven mangɨ ovengan kogham. Nɨ deragh na geghuv nan gantɨ, nan apaniba na gasɨghasɨghan kogham. Eghtɨ osɨmtɨzir kam, dɨpar konimɨn mɨn na avaraghan kogham.

Onger Akaba 142:4

Kɨ uabɨn boroghɨn gari, gumazir nan akurvaghamiba puvatɨ. Ezɨ gumazir nan gan na geghuvamiba puvatɨ. Kɨ mongamin danganiba puvatɨ.

Maika 1:2

Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.