Jona 2:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ekiam, kɨ ovengamin moghɨn uabɨ gɨnɨghnɨgha, egha nɨ gɨnɨghnɨsi. Kɨ nɨ ko mɨgeir mɨgɨrɨgɨar kam nɨn Dɨpenir ekiar zuezimɨn nɨ batozɨ, nɨ na baraki.

Jona 2:7 ပူးပေါင်းရင်းမြစ်များ

Onger Akaba 18:6

Kɨ osɨmtɨzir ekiamɨn ikia egha pamten Ikiavɨra Itir Godɨn dei. Kɨ uabɨn akurvaghasa uan Godɨn arai. Ezɨ a uan Dɨpenimɨn ikia nan ararem barazima, an an kuarir torim giraghu.

2 Eghaghaniba 30:27

Ezɨ gɨn ofa gamir gumaziba ko, Livaiba dɨkavigha tuivigha deragh gumazamizibar amuasa, Godɨn azangsɨsi. Ezɨ God uan Nguibamɨn ikia, egha uan ofa gamir gumazibar azangsɨzim barasi.

Onger Akaba 143:5

Kɨ fomɨram otivizir biziba uam a dagh nɨrɨ. Egha nɨ fomɨra ingarizir bizir aghuiba, kɨ uam adagh nɨghnɨsi.

Onger Akaba 11:4

Ikiavɨra Itir God uan Dɨpenimɨn aven ikiavɨra iti. A uan Nguibamɨn atrivimɨn ikiavɨra iti, egha gumazamiziba amir biziba a bar moghɨra dar gara da tuisɨsi.

1 Samuel 30:6

Ezɨ Devitɨn gumaziba uan otariba ko guivibagh nɨghnɨgha, bar a basemegha dagɨabar a ginivightɨ an aremeghasava amima, a bar osɨmtɨzir ekiam isi. Egha Devit uan God ko mɨgei, ezɨ Ikiavɨra Itir God, gavgavim an nɨghnɨzim ganɨngi.

Onger Akaba 27:13

Nɨghnɨzir gavgavir kam nan ikiavɨra itima, kɨ kamaghɨn fo, kɨ nguazir kamɨn angamɨra ikɨ gantɨ, God deraghvɨra uan gumazamizibar amuam.

Onger Akaba 20:7

Gumazir maba nɨghnɨzir gavgavim uan mɨdorozir karisbar ikia ghaze, da men akurvagham. Ezɨ marazi nɨghnɨzir gavgavim uan hoziabar ikia ghaze, da men akurvagham. Ezɨ eia, e nɨghnɨzir gavgavim uan Ikiavɨra Itir Godɨn ziamɨn ikia kamaghɨn fo, a en akurvagham.

Onger Akaba 65:4

Gumazamizir nɨ uan Dɨpenimɨn ikiasa mɨsevegha inigha ghueziba, me bar akongegh. Nɨn Dɨpenir kam, bizir bar aghuir avɨriba an iti. Kamaghɨn, e nɨn Dɨpenimɨn gumazamiziba uari akuvi naghɨn ikɨ, navir amɨrizim ikiam.

Hibru 12:3

Ia bar deraghvɨra Iesus gɨnɨghnɨgh. Gumazir arazir kurabagh amiba fomɨra bar puvɨra Iesusɨn apanim gami. Ezɨ a bar tugha gavgafi. Ia bizir kam gɨnɨghnɨgh egh tugh gavgavighsɨ amɨrvaghan markɨ, egh uan nɨghnɨzir gavgavim ataghɨraghan markɨ.

Habakuk 2:20

“Ezɨ Ikiavɨra Itir Godra, uan Dɨpenir Bar Zuezir uan Nguibamɨn itimɨn iti. Eghtɨ ia nguazir kamɨn itir gumazamiziba bar moghɨra izɨ, an damazimɨn tuivigh, uan akabar kumigh nɨmɨra ikiam.”

Maika 1:2

Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.

Jona 2:4

Kɨ kamaghɨn mɨgɨa ghaze, ‘Nɨ na batoghezɨ, kɨ nɨ ko ikian kogham. Kɨ ti ua nɨn Dɨpenimɨn ganan kogham.’

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.

Onger Akaba 43:5

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam. A nan God, a nan Akurvazir Gumazim.

Onger Akaba 42:11

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.

Onger Akaba 42:5

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn dera, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.

Onger Akaba 22:14

Nan gavgaviba bar gɨfa, mati me dɨpam nguazim gingezɨ a ghua pura gɨfa. Nan namnamɨn aghariba bar nan apunapuni. Kendel purama emɨra uaghiri moghɨn, nan navir averiam purama amɨragha uaghiri.

Onger Akaba 142:3

Tuavir kɨ mangamim, nan apaniba nan suighasa azuazir mam gura, ezɨ nan navim osemezɨ, kɨ ghaze, kɨ ikuvigham. Nɨrara, kɨ mangamin tuavim nɨ a gɨfo.

Aisaia 38:17

Ezɨ osɨmtɨzir ekiar na bativiba, kɨ dar gara fo, da nan akurvaghasa otifi. Ezɨ datɨrɨghɨn, nɨ bar moghɨra nan arazir kuraba gɨn amadagha gɨfa. Nɨ bar moghɨra na gifuegha nan amamangatɨzir puvatɨzɨ, kɨ Gumazamizir Oveaghuezibar Nguibamɨn ghuzir puvatɨ.