Jona 2:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² A ghaze, “O Ikiavɨra Itir God, kɨ osɨmtɨzim ikia nɨn dei, ezɨ nɨ nan akuragh, nan dɨmdiam barakigh. Kɨ Gumazamizir Oveaghuezibar Nguibar kuramɨn ikia, nɨn diava arai. Ezɨ nɨ nan ararem baraki.

Jona 2:2 ပူးပေါင်းရင်းမြစ်များ

Onger Akaba 120:1

Kɨ osɨmtɨzim itir dughiamɨn, kɨ uabɨn akurvaghasa Ikiavɨra Itir Godɨn diava araima, a nan dɨmdiam barasi.

Onger Akaba 34:6

Gumazamizir onganarazibagh amiba Ikiavɨra Itir God ko mɨgeima, a me baragha men osɨmtɨzibar aven deragha men akurvasi.

Onger Akaba 86:13

Nɨ zurara bar nan apangkufi. Kamaghɨn, nɨ ua na inizɨ, kɨ Gumazamizir Oveaghuezibar Nguibamɨn ghuzir puvatɨ.

Hibru 5:7

Ezɨ dughiar Iesus nguazimɨn itim, a pamtemɨn God ko mɨgɨa egha diav azi. A fo, an ovengan koghsɨ, God an akuraghamin gavgavim iti. Kamaghɨn amizɨ, a uabɨ uan ifongiam dɨkabɨragha Godɨn apengan ikia, an akam barasi. Ezɨ God an dɨmdiam barasi.

1 Samuel 30:6

Ezɨ Devitɨn gumaziba uan otariba ko guivibagh nɨghnɨgha, bar a basemegha dagɨabar a ginivightɨ an aremeghasava amima, a bar osɨmtɨzir ekiam isi. Egha Devit uan God ko mɨgei, ezɨ Ikiavɨra Itir God, gavgavim an nɨghnɨzim ganɨngi.

Matyu 12:40

E fo, Jona arueba ko dɨmagarir pumuning ko mɨkezimɨn osirir ekiar mamɨn navir averiamɨn ike. Ezɨ kamaghɨra Gumazamizibar Otarim aruer 3pla ko dɨmagarir 3plan nguazimɨn aven ikiam.

Onger Akaba 116:3

Kɨ faragha aremeghasava amima, ovevem benimɨn mɨn na ikezɨ kɨ iti. Kɨ Gumazamizir Oveaghuezibar Nguibam gɨnɨghnɨgha atiatia egha navim bar osemeghavɨra iti.

Onger Akaba 22:24

Gumazamizir onganaraziba, a men osɨmtɨzibar gara pura da ataghɨrazir puvatɨ. A kamaghɨn mɨgeir puvatɨ, men osɨmtɨziba pura biziba. A men saghon itir puvatɨ. A men azangsɨziba barasi.

Onger Akaba 4:1

O God, nan Akurvazir Gumazim, nɨ nan akuragha nan apaniba abɨra, ezɨ kɨ nɨn dei, nɨ nan akuragh. Fomɨra osɨmtɨzir bar ekiam nan itima, nan navim bar na baseme, ezɨ nɨ nan akurazɨ osɨmtɨzim datɨrɨghɨn gɨfa. Nɨ datɨrɨghɨn nan apangkuvigh nan dɨmdiam barakigh.

Luk Osirizir Akar Aghuim 22:44

Ezɨ Iesus nɨghnɨgha bar oseme, egha a pamtem Afeziam ko mɨgei. Ezɨ an doriba otivaghira mati ghuzim nguazim giri.

Aisaia 14:9

“Gumazamizir Oveaghuezibar Nguibamɨn, me nɨ iniasa bar akuegha biziba akɨra iti. Danganir kam ti kamaghɨn mɨgɨa ghaze, Ia gumazir aruaba, dɨkav. Ezɨ ia atriviba, ia uan atrivir dabirabiba ataghɨragh. Ia bar izɨ gumazir izir kam batogh.

Onger Akaba 65:2

Nɨ guizbangɨra en mɨgɨrɨgɨaba barasi. Kamaghɨn, e gumazamiziba bar moghɨra nɨ bagh mangam.

Onger Akaba 61:2

Kɨ uan nguibamɨn saghon iti, ezɨ nan navim bar oseme. Nɨ nan akurvaghasa kɨ nɨn dei. Nɨ na inigh mangɨ dagɨar gavgavimɨn aven na modoghtɨ, nan apaniba na gasɨghasɨghan kogham.

Onger Akaba 16:10

Kɨ fo, nɨ na ateghtɨ kɨ Gumazamizir Oveaghuezibar Nguibamɨn magɨran kogham. Nɨ gumazir ua baghavɨra inabazim ateghtɨ, a mozir konimɨn ikɨ kurighan kogham.

1 Samuel 1:16

Nɨ kamaghɨn na gɨnɨghnɨghan markɨ, kɨ amizir kuram. Puvatɨ. Kɨ paza uabɨ baragha nan nɨghnɨziba bar ikufi. Kɨ arazir kam bagha Ikiavɨra Itir God ko mɨgeima nɨ nan gari.”

Esekiel 26:20

Kɨ nɨn amadaghtɨ, nɨ Oveaghuezibar Nguibamɨn magɨrɨ gumazamizir bar fomɨra ikeziba ko ikiam. Kɨ nɨ damightɨ, nɨ nguazimɨn apengan magɨrɨ nguibar ekiar kɨ asɨghasɨghiziba ko zurara ikiam. Bizir kam bangɨn, gumazitam ua nɨn danganimɨn ikian kogham. Eghtɨ nɨ ua nguazir kamɨn nguibar aghuitamɨn mɨn otogham kogham.

Esekiel 31:14

Kamaghɨn amizɨ, datɨrɨghɨn ikegh mangɨva temer deravɨra dɨpam isava aghuir ruaribagh amiba, ua puvatɨgham. Temeba bar arɨghiram, mati gumazamiziba ariaghira ghua Oveaghuezibar Nguibamɨn iti.

2 Eghaghaniba 33:12

Ezɨ a bar osemegha Ikiavɨra Itir God, an ovavibar Godɨn damazimɨn uabɨ abɨragha, uamategha God bagha iza,

Luk Osirizir Akar Aghuim 11:10

Gumazir Godɨn azaiba, me biziba isi. Ezɨ gumazir biziba bagha ruim da batifi. Eghtɨ gumazir itiam gafughafuzim, God a bagh tiam kuigham.