Jona 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ Ikiavɨra Itir God osirim mɨkemezɨma, a ghua dadarimɨn Jonan miki.

Jona 2:10 ပူးပေါင်းရင်းမြစ်များ

Onger Akaba 33:9

A mɨkemezɨ nguazir kam puram oto. An Akar Gavgavim mɨkemezɨ, biziba bar nguazir kamɨn otifi.

Jona 1:17

Ezɨ Ikiavɨra Itir God osirir dafar mam amadazɨ, a iza Jona tuizɨ, an an navir averiam giraghu. Jona osirir kamɨn navir averiam aruer 3pla ko dɨmagarir 3plan an aven iti.

Aisaia 50:2

“Egha kɨ iza ia bagha rui gari, ezɨ manmaghɨn amizɨ gumazitam itir puvatɨ? Egha kɨ ian deir dughiamɨn, ia tizim bagha nan dɨmdiam ikarvaghan aghua? Ia ti ghaze, kɨ ua ia inian gavgaviba puvatɨ. Ia ghaze, kɨ ian akurvaghamin gavgaviba puvatɨ. Kɨ mɨkɨmtɨ, ongarim bar dakegham. Kɨ mɨkɨmtɨma, faner ekiaba bar dakegh gigir kɨnibar otivigham. Eghtɨ dar osiriba arɨmɨghiregh kuram.

Jenesis 1:3

Ezɨ God kamaghɨn mɨgei, “Angazangarim otogh.” Ezɨ angazangarim oto.

Onger Akaba 105:34

A mɨgeima, odeziba otifi. Ezɨ dar dɨbobonim bar ghuavanabozɨ, gumazitam dar ponan iburagham.

Onger Akaba 105:31

God mɨkemezɨ, bereziba ko itiba otiva bar avɨrasemegha men nguazim bar a gizɨfa.

Jenesis 1:14

Egha gɨn God kamaghɨn mɨgei, “Angazangariba overiamɨn otifigh, aruem ko dɨmagarim abɨkigh. Eghtɨ dughiaba ko azeniba ikɨtɨ, me angazangarir kabar ganɨva dughiabagh fogham.

Jenesis 1:11

Egha gɨn God kamaghɨn mɨgei, “Nguazim, temer guar avɨriba ko nguazimɨn aver beniba ko dagheba a gisɨn aghung.” Ezɨ bizir kaba otifi.

Jenesis 1:9

Egha gɨn God kamaghɨn mɨgei, “Dɨpar overiamɨn apengan itim sɨvagh mangɨ danganir vamɨran uabɨ akuvaghtɨ, nguazir mɨsɨngizim otogh.” Ezɨ nguazir mɨsɨngizim oto.

Jona 3:1

Ezɨ Ikiavɨra Itir God, uam akam Jona ganɨga ghaze,

Onger Akaba 22:26

Gumazamizir onganaraziba, me damasa ifongezɨ moghɨn, damɨ bar izɨvagh ikiam. Gumazamizir Ikiavɨra Itir Godɨn boroghɨn zuiba, me an ziam pɨrafɨ. Men naviba amɨragh deraghvɨra ikɨ mamaghɨra ikiam.

Aisaia 38:20

Ikiavɨra Itir God nan akuragha na gamizɨ kɨ ua ghuamaghe. Eghtɨ dughiaba bar, e Ikiavɨra Itir Godɨn Dɨpenimɨn mangɨ, gitabav sogh, ighiaba bangɨ an ziam fam. E datɨrɨghɨn angamɨra itir dughiar kam, e kamaghɨra zurara a ziam fɨvɨra ikiam.

Aisaia 43:11

Kɨ uabɨra, kɨ Ikiavɨra Itir God, egha ian Akurvazir Gumazim, ezɨ ian akurvazir gumazitam ua itir puvatɨ.

Hosea 13:4

Ikiavɨra Itir God ua kamaghɨn mɨgei: “Kɨ Ikiavɨra Itir God, ian God, kɨ Isipɨn ia inigha ian akua azenan ize. Kɨ uabɨra, kɨ ian God. Ua godɨn igharaziba puvatɨ. Kɨrara kɨ ian Akurvazir Gumazimra!

Hosea 14:3

Asiriaba en akuraghan kogham. Eghtɨ mɨdorozir hoziaba en akuraghan kogham. E uan dafaribar marvir guabar ingari, egh gɨn e kamaghɨn ua dav mɨkɨman kogh suam, ‘Kar en aseba.’ E fo, e mati asaghasazir borir e geghuvamin amebaba ko afeziaba puvatɨ, ezɨ nɨrara, zurara en apangkufi.”