Jona 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ kurimɨn suighava an ingarir gumaziba atiatia aguava, vaghvagha akurvazim bagha uan asebar diava arai. Egha me kurim mɨghɨvghighasa, kurimɨn itir bizir maba isa ongarimɨn ada akuri. Dughiar kamnaghɨn, Jona kurimɨn dɨkɨnim giraghu, egha akuava ongani.

Jona 1:5 ပူးပေါင်းရင်းမြစ်များ

1 Atriviba 18:26

Ezɨ asem balɨn akam inigha izir gumaziba, bulmakaun gumazamiziba inigha izezir kamningɨn mam ini. Egha ofa damuasa bizibar kɨri. Egha me mɨzaraghara asem Bal ko mɨgɨa, an dɨa ghua aruer arɨzimɨn tu. Me kamaghɨn dɨa mɨgɨa ghaze, “Bal, nɨ en dɨmdiam baraghasa e ifonge.” Ezɨ me dɨa mɨgeir mɨgɨrɨgɨabar ikarvaziba pu. Bar puvatɨ. Me onger akaba banga, igha uari akura ofa gamir dakozir gumaziba ingarizir kam gighuagha rui.

Jeremaia 2:28

Ezɨ marvir guar ia uari ingariziba, dar dɨbobonim Judan nguazimɨn itir nguibabar dɨbobonim gafira. Kamaghɨn amizɨ, ia osɨmtɨzim itir dughiam, ia men dɨmtɨ, da ian akurvaghamin tuavitam ikɨ, ian akurvagh. Ti puvatɨgham!”

Aisaia 45:20

Ikiavɨra Itir God ghaze, “Ia Kantrin Igharazibar Gumazamizir ikiavɨra itir varazira, ia izɨ uari akufagh! Ia gumazamizir mɨdorozimɨn aven deravɨra ikia, ikiavɨra itiba, ia bar moghɨra kot bagh izɨ! Me uan marvir guar me pura ter otevir kɨnibar ingariziba, da inigha tintinibar dar atera izi. Kɨ men gara ghaze, Me guizbangɨra nɨghnɨzir aghuiba bar puvatɨ. Me uarir akurvaghasa asebar dei, ezɨ da gumazitamɨn akuraghamin gavgaviba puvatɨ.

1 Samuel 24:3

Me ghua sipsipba itir dɨvazir mabar boroghɨn, mɨghsɨar torir mamɨn iti. Ezɨ Sol daviasa torir kamɨn aven ghu. Ezɨ Devit uan gumaziba ko, faragha torir kamɨn, bar an aven ghugha an modogha iti.

Gumazir Dapaniba 16:19

Ezɨ Delaila Samson gifarazɨma Samson an apozimɨn akuava ongani. Ezɨ Delaila gumazir mamɨn diazɨma a iza Samson dapanir arɨzir gɨzgɨzir nuavizir 7plan ruariba apɨri. Ezɨ Delaila arazir kamɨn Samsonɨn gavgavim bar anegɨfa. An gavgavim bar moghɨra gɨfa.

Aposel 27:38

Egha me amegha naviba izevegha ghaze, kurim mɨghɨvghigh pɨrara ikiam. Egha me witɨn nar kurimɨn itiba isa ongarimɨn da akuri.

Matyu 26:45

Egha a gɨn iza suren gumaziba kamaghɨn me mɨgei, “Ia avughsava akuavɨra iti? Arazir kam atakigh! Dughiam oto. Ia gan, Gumazamizibar Otarim me a isɨva gumazir arazir kurabagh amibar dafarim darɨghasa.

Matyu 26:43

Egha a uamategha suren gumaziba bagha iza gari, me akuavɨra iti. Pariam puv men azi.

Matyu 25:5

Ezɨ gumazir amuimɨn ikiamim zuamɨra izezir puvatɨ, ezɨ guivir kaba pariam men azima, me akui.

Jona 1:16

Bizir kamɨn kurimɨn ingarir gumaziba bar Ikiavɨra Itir Godɨn atiatigha, gɨn an ofa gamua akam akɨrigha, an ziam fe.

Jona 1:14

Egha me Ikiavɨra Itir God diava arai, “O Jonan Ekiam, e nɨn dei! E gumazir kam ongarim mɨkɨnightɨ, nɨ an ovevem ikaraghtɨ e ovengan kogham. Nɨ gumazir osɨmtɨziba puvatɨzir kamɨn ovevem e gasan markɨ. O Ikiavɨra Itir God, nɨ uabɨ ifongezɨ bizir kaba otifi, nɨ uabɨ dar amu.”

Jona 1:6

Ezɨ kurimɨn suizir gumazir ekiam a bagha ghuava a mɨgɨa ghaze, “Nɨ manmaghsuava akui? Nɨ osegh dɨkavigh uan asemɨn dɨm! Eghtɨ aser kam ti en apangkuvigh en akuraghtɨ e ovengan kogham.”

Hosea 7:14

Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.

Jopɨn Akɨnafarim 2:4

Ezɨ Satan kamaghɨn a ikaragha ghaze, “Guisɨ? Kɨ ghaze, gumazitam deravɨra ikɨsɨ, uan biziba bar da ateghɨva ua uan ikɨrɨmɨrim givezam.

Onger Akaba 107:25

A mɨkemezɨ, amɨnir ekiam ongarir konimɨn oto, egha ongarim fema, a dɨkafi.

Onger Akaba 148:8

onɨmariba ko dagɨabar mɨn garir amozir ofɨzir ekiaba ko amoziba ko mɨgharir pɨziba ko amɨnir ekiar an Akar Gavgavibar gɨn zuiba, ia bar Ikiavɨra Itir Godɨn ziam fɨ.

Fofozir Gumazim 3:6

Egha e bizir ovengeziba buriamin dughiaba iti, egh da buri mangɨ da ateghamin dughiaba iti. Egha e biziba deraghvɨra dar arɨghamin dughiaba iti, egh e pura da makunamin dughiaba iti.