Jona 1:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Niniven nguibar bar ekiam, an arazir kuram nan damazimɨn otogha gɨfa. Kamaghɨn amizɨ, nɨ datɨrɨghɨra mangɨ, akam akunɨva a gasɨva a mɨkɨm.”

Jona 1:2 ပူးပေါင်းရင်းမြစ်များ

Jenesis 10:11

Egha Nimrot Babilon ategha Asirian amadaghan ghua nguibar ekiar kabar ingari, Ninive, Rehobotir, Kala,

Nahum 1:1

Godɨn akam inigha izir gumazim Nahum, a irebamɨn mɨn garir bizir mamɨn garima, God akar kam a ganɨngizɨ, an akɨnafarir kam osiri. Akar kam, a Niniven nguibar ekiamɨn akam. Godɨn akam inigha izir gumazim Nahum, an nguibam Elkos.

Jona 4:11

Kɨ uaghan apangkuvir ekiam Niniven nguibar bar ekiamɨn iti. An aven, arazir kuratam gamizir puvatɨzir borir avɨriba iti, men dɨbobonim 120 tausen gafira. Egha uaghan bulmakaun bar avɨriba iti.”

Jona 3:2

“Nɨ dɨkavigh, Niniven nguibar bar ekiamɨn mangɨ. Akar kɨ nɨ ganɨdim, nɨ a isɨ gumazamizir nguibar kamɨn itiba, an gun me mɨkɨm.”

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Akar Mogomem 18:5

A uabɨ uan arazir kurabar pozim mɨkɨrav iti, da ghuavanaga Godɨn Nguibamɨn oto. Ezɨ God an amizir arazir kurabagh nɨghnɨghavɨra iti.

2 Atriviba 19:36

Ezɨ Senakerip mɨdorozir gumazir ikiavɨra itiba ko, dɨkavigha uamategha Asirian kantrin ghuegha, Niniven nguibar ekiamɨn iti.

Maika 3:8

Ezɨ ko, Ikiavɨra Itir Godɨn Duam gavgavim na ganɨngi, egha guizɨn arazim damuasa nɨghnɨzim isa na ganɨngi. Egha Israelian arazir kuraba bar dar gun me mɨkɨmasa gavgavim na ganɨngi. Eghtɨ kɨ Jekopɨn ovavir boribar arazir akaba batozimɨn gun me mɨkɨmam.

Esekiel 2:7

Nɨ fo, kar akaba batozir adarasi. Me nɨ baragham, o ti puvatɨgham, nɨ pura nan akabar me mɨkɨm mangɨvɨra ikɨ.

Esra 9:6

“O God, nɨ nan God. Kɨ uan guam fegh nɨn ganan bar aghumsɨki, Kɨ fo, en arazir kuraba bar ekevegha ghua en dapanibagh afiragha bar pɨn ghu. En osɨmtɨzim bar ekevegha ghua overiamɨn mɨn pɨn mar ghuavanabo.

Jems 5:4

Ia deravɨra oragh, ingangarir gumazamiziba ian azenibar dagheba isi, ezɨ ia me gifaragha men ivezir mabar anogoroke. Ezɨ ingangarir gumazamizir kaba me uan ivezibagh nɨghnɨgha, Godɨn dɨa ghaze, a ian arazir kuraba ikarvagham. Ezɨ ingangarir gumazamizibar dɨmdiam, Ekiar Gavgaviba Bar Itim, a baraki.

Matyu 10:18

Egh me nan ziam bangɨn, ia iniva gavmanba ko atrivibar damazibar mangam. Eghtɨ ia Akar Aghuimɨn gun gumazir ekiar kabav kɨm. Egh ia uaghan Kantrin Igharazibar Gumazamiziba, me mɨkɨm.

Matyu 12:41

Eghtɨ Godɨn Kotɨn Dughiamɨn, Niniven gumazamiziba dɨkavigh ian arazir kurabar gun mɨkɨmam. Ia fo, Niniven adarazi Jona akunizir akam baregha navibagh ira. Ezɨ gumazir datɨrɨghɨn ian tongɨn itir mam, a bar Jona gafira!

Aisaia 37:37

Ezɨ Senakerip mɨdorozir gumazir ikiavɨra itiba ko, dɨkavigha uamategha Asirian kantrin ghuegha, Niniven nguibar ekiamɨn iti.

Jeremaia 20:9

Kɨ kamaghɨn uabɨra uabɨ mɨkɨmam, kɨ ti nɨ gɨn amadagh ua nɨn ziamɨn nɨn akamɨn gun me mɨkɨman kogh, egh kɨ kamaghɨn nɨn akam gɨnɨghnɨgh suam, nɨn akam mati avim nan navir averimɨn ikia, nan agharibar isia iti. Kɨ ua nɨn akam mɨkɨman koghasava amuava avenge. Bar puvatɨ.

Hosea 7:2

Kɨ men arazir kuraba gɨn amadaghan kogham. Puvatɨgham. Ezɨ me bizir kam gɨnɨghnɨzir puvatɨ. Men arazir kuram me avara, ezɨ kɨ zurara men arazir kurar kamra gari.”

Jona 3:3

Ezɨ Jona Ikiavɨra Itir Godɨn akam baregha, dɨkavigha Niniven zui. Ninive a nguibar bar ekiam. Nɨ nguibar kam fagh vongɨn otivsɨ, aruer 3plan anebigh mangam.

2 Eghaghaniba 28:9

Ezɨ dughiar kamɨn Ikiavɨra Itir Godɨn akam inigha izir gumazir mam iti, an ziam Odet. Israelian mɨdorozir gumaziba uamategha izir dughiamɨn, Odet ghua me batogha kamaghɨn me mɨgei, “Ikiavɨra Itir God, en ovavibar God, Judabar atara, me isa ian dafaribagh atɨ. Ezɨ ia bar men anɨngaghegha, me mɨsoghezɨ me ariaghire. Ezɨ Ikiavɨra Itir God, ia amizir arazir kurar kamɨn ganigha gɨfa.

Nahum 3:19

Nɨ mati gumazir duar ogorim iti. Ezɨ nɨn duam damightɨ an akumamin marasinba puvatɨ. Nɨn duam akumighan kogham. Bar puvatɨ. Nɨ fomɨra paza gumazir avɨribagh ami, ezɨ gumazitam arazir bar kurar nɨ me gamitamɨn arɨ mangɨghan kogham. Kamaghɨn amizɨ, gumazamiziba nɨn osɨmtɨzim bareghɨva, dafaribav sogh bar akuegham.