Jona 1:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Ezɨ Ikiavɨra Itir God osirir dafar mam amadazɨ, a iza Jona tuizɨ, an an navir averiam giraghu. Jona osirir kamɨn navir averiam aruer 3pla ko dɨmagarir 3plan an aven iti.

Jona 1:17 ပူးပေါင်းရင်းမြစ်များ

Matyu 12:40

E fo, Jona arueba ko dɨmagarir pumuning ko mɨkezimɨn osirir ekiar mamɨn navir averiamɨn ike. Ezɨ kamaghɨra Gumazamizibar Otarim aruer 3pla ko dɨmagarir 3plan nguazimɨn aven ikiam.

Luk Osirizir Akar Aghuim 11:30

Fomɨra Jona batozir arazim Niniven nguibar ekiamɨn gumazamizibar aka. Kamaghɨra, Gumazamizibar Otarim datɨrɨghɨn itir gumazamiziba arazitam men akagham.

Matyu 16:4

Gumazamizir dughiar kamɨn itiba, me bar gumazamizir kuraba! Egha me guizbangɨra God baghavɨra itir puvatɨ. Me zurara mirakelɨn tamɨn ganasa. Me tamɨn ganighan kogham. Puvatɨ. God mirakelɨn arazir vamɨra men akagham. Godɨn akam inigha izir gumazim Jona batozir mirakelɨn kamra, me an ganam.” Egha Iesus me ategha ghu.

Habakuk 3:2

O Ikiavɨra Itir God, nɨ uan gavgavimɨn amizir bizibar akaba, kɨ da baraki. O Ikiavɨra Itir God, kɨ nɨn ingangaribar akaba baregha, dɨgavir kuram gami. Nɨ fomɨram amizir bizir bar ekiaba, nɨ datɨrɨghɨn en dughiamɨn, nɨ ua dar amuasa kɨ ifonge. Eghtɨ datɨrɨghɨn itir dughiamɨn gumazamiziba, uaghan nɨn arazibagh fogham. Guizbangɨra, nɨn adarim en iti, nɨ Godɨn apangkuvim. Ezɨ kɨ nɨn azangsɨsi, nɨ en apangkuvigh en akuragh.

Jona 4:6

Ezɨ Ikiavɨra Itir Godɨn Gavgavim, kamaghɨn Jona gɨnɨghnɨsi, aruem an mɨkarzim dapongan koghtɨma a deravɨra ikiam. Kamaghɨn, a ruarimɨn ikarɨzir mam gamizɨma an aghua, Jonan purirpenimɨn ava Jona avara. Ezɨ Jona ikarɨzir kam bagha bar akonge.

Jenesis 1:21

Ezɨ God ongarimɨn osirir dafaba ko kuruzir dafabar ingarizɨ da otifi, ongarimɨn itir bizir guar avɨriba, ko kuarazir guar avɨriba uaghan, vaghvagha gari moghɨra gari. Ezɨ God bizir kabar gari da derazɨma, a bar akonge.

Jona 2:10

Ezɨ Ikiavɨra Itir God osirim mɨkemezɨma, a ghua dadarimɨn Jonan miki.