Joel 3:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

^20-21 Eghtɨ gumazir, gumazamizir kabav soghezɨ me ariaghireziba, kɨ men arazir kurar kamra ua me ikarvagham. Osɨmtɨzim itir gumazir kaba, kɨ men tav ateghtɨ a ikian kogham. Eghtɨ nan gumazamizir Jerusalem ko Judan danganir igharazibar itiba, me zurara ikɨ mamaghɨra ikiam. Eghtɨ kɨ Ikiavɨra Itir God, kɨ Saionɨn Mɨghsɨamɨn ikiam.”

Joel 3:20 ပူးပေါင်းရင်းမြစ်များ

Esekiel 37:25

Me nguazir kɨ uan ingangarir gumazim Jekop ganɨngizimɨn aven ikiam. Kar nguazir men inazir afeziaba ikezim. Me uan boriba ko men gɨn otivamin ovavir boriba, me zurara nguazir kamɨn ikɨ mamaghɨra ikiam. Nan ingangarir gumazim, Atrivim Devit, an ikɨzimɨn gumazitam me gativagh men gan mamaghɨra ikiam.

Amos 9:15

Kɨ uan gumazamizibar amamangatɨghtɨ, me nguazir kɨ me ganɨngizir kam deragh a dapiagh ikiam. Eghtɨ gumazitam uam me batueghan kogham. Kɨ Ikiavɨra Itir God, ian God, kɨ mɨkemegha gɨfa.”

Aisaia 33:20

Ia Saionɨn gan, an ziar mam Jerusalem, a nguibar ekiar e zurara Ekiamɨn ziam fer dughiar ekiabar uari akuva itim. Danganir e avughsa deravɨra itim. A purirpenir gavgavimɨn mɨn mɨtɨgh gavgavigham, eghtɨ gumaziba an afughafuziba asigh, an beniba aghoregh, a inigh mangan kogham.