Joel 3:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Ikiavɨra Itir God, Jerusalemɨn aven Saionɨn Mɨghsɨamɨn pamtemɨn deima, an dɨmdiam mati ararim dagarvasi, ezɨ overiam ko nguazim nɨsi. Ezɨ God uan gumazamizibagh eghufi, eghtɨ me ikuvighan kogham. A Israelian mogomer danganimɨn mɨn iti.

Joel 3:16 ပူးပေါင်းရင်းမြစ်များ

Amos 1:2

Amos kamaghɨn mɨgei: “Ikiavɨra Itir God, Jerusalemɨn nguibar ekiamɨn Saionɨn Mɨghsɨamɨn iti. Egha an azenan iza pamtemɨn dɨa dagarvasi. Ezɨ grazir aghuariba ko, Karmelɨn Mɨghsɨamɨn orazimɨn itir terafariba bar mɨsɨngi.”

Hagai 2:6

“ ‘Kar Ikiavɨra Itir Godɨn Gavgaviba Bar Itim kamaghɨn mɨgei. Dughiar otevimɨn, kɨ ua overiam ko, nguazim ko, ongarim ko, nguazir mɨdiarimɨn itir bizibagh nobaghnobagham.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Aisaia 42:13

Ikiavɨra Itir God mati, mɨdorozir gumazir gavgavim, egha a datɨrɨghɨn mɨsoghasa zui. A tiarim akara diava mati, gumaziba mɨdorozim foreghasa mɨsoghamin arazibagh amua, mɨsoghasa gara iti. Egha a gavgavim ikia, uan apaniba ko mɨsoghasa atiatir puvatɨgha, bar me abɨni.

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.

Esekiel 38:19

Kɨ atarɨva navir kuram ikɨ, nan anɨngagharim avimɨn mɨn na dɨkavtɨ, kɨ kamaghɨn mɨkɨm suam: Kɨ mɨkɨmkɨzir ekiam amadaghtɨ, a Israelɨn nguazimɨn otogh a ginobaghnobagham.

Aisaia 51:16

Kɨ uan akaba ia ganɨngi, eghtɨ ia nan akaba bar deraghvɨra da akunam. Egha kɨ bar deravɨra uan agharimɨn ia monge. Kɨ Ikiavɨra Itir God, kɨ overiam ko nguazim isa aningɨn danganibaram arɨghizɨ, aning bar gavgavighavɨra iti. Ezɨ ia Saionɨn gumazamiziba, kɨ kamaghɨn ia mɨkeme, ‘Ia nan gumazamizibara.’ ”

Onger Akaba 61:3

Nɨrara nɨ nan dɨvazir bar gavgavimɨn iti, ezɨ kɨ an modima, nan apaniba na abɨnamin tuaviba puvatɨ. Nɨrara dɨpenir ruarir gavgavimɨn mɨn bar deragha nan gara na geghufi.

Akar Mogomem 16:18

Ezɨ overiamɨn onɨmariba taghtagha zuima, nɨgɨnir dafam overiamɨn otozɨ, arariba dagarvasi, ezɨ mɨkɨmkɨzir ekiam oto. Kar mɨkɨmkɨzir bar ekiam, fomɨra gumazamiziba otozir dughiamɨn iza datɨrɨghɨn tu, mɨkɨmkɨzir ekiar kamagh garitam fomɨra otozir puvatɨ.

Onger Akaba 18:2

Ikiavɨra Itir God, a nan dɨvazir bar gavgavim mɨn iti. A nan dagɨar kɨ aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh nan ganamin gavgavim ikia, egha nan dɨvazir bar gavgavimɨn mɨn iti.

Aisaia 33:16

Gumazamizir kamaghɨn amiba, me bar deravɨra ikiam. Me mati gumazim mɨghsɨam gisɨn mogomer danganir bar gavgavimɨn modoghav iti moghɨn deravɨra ikiam. Eghtɨ bizitam me dɨkabɨraghan kogham. Eghtɨ me zurara damamin dagheba ko dɨpaba ikiam.

Onger Akaba 29:11

Ikiavɨra Itir God uan gumazamiziba gavgavim me ganɨga, deragha me gamua dabirabir aghuim ko navir amɨrizim me ganɨdi!

1 Samuel 15:29

Bar guizbangɨra, Ikiavɨra Itir God, a Israelian God, a nguazir kamɨn gumazim puvatɨ. Kamaghɨn amizɨ, a ifarir puvatɨgha uan nɨghnɨziba otavkɨrir puvatɨ. Bar puvatɨ. Kamaghɨn, e fo, God uan akam uam a giraghan kogham. Bar puvatɨ.”

Akar Mogomem 11:19

24plan gumazir dapaniba mɨkemegha gɨvazɨma, Godɨn Dɨpenir an Nguibamɨn itim kuiaghirɨzɨma, me garima, Akar Dɨkɨrɨzir Gavgavim itir Boksiam Godɨn Dɨpenimɨn aven iti. Ezɨ overiamɨn onɨmariba taghtagha tintinibar zuima, nɨgɨnir dafam otozɨ, arariba dagarvasi, ezɨ mɨkɨmkɨzim otozɨ amozir ofɨzir ekiar dagɨabar mɨn gariba iri.

Akar Mogomem 11:13

Ezɨ dughiar kamra mɨkɨmkɨzir dafam otozɨ, God nguibar ekiamɨn dɨpeniba 10plan okoruabar da tuirazɨ dar okoruar mam bar ikufi. Ezɨ 7,000plan gumazamiziba ariaghire, ezɨ ariaghirezir puvatɨziba ikia, bar atiatigha Godɨn uan Nguibamɨn itimɨn ziam fe.

Hibru 12:26

Fomɨra itir dughiamɨn, Godɨn akam nguazim gamizɨ mɨkɨmkɨzim an oto. Ezɨ datɨrɨghɨn a kamaghɨn akar dɨkɨrɨzim e ganigha ghaze, “Kɨ ua nguazim damightɨ mɨkɨmkɨzim an otogham, eghtɨ nguazimra puvatɨ, kɨ nguazim ko overiam uaghara kamaghɨram aning damigham.”

Sekaraia 10:12

Kɨ uan gumazamizibar amightɨ me gavgavigham. Eghtɨ me nan apengan ikɨ nan ziam fɨva, nan akabar gɨn mangam. Kɨ Ikiavɨra Itir God, kɨ mɨkemegha gɨfa.”

Amos 3:8

Gumazim laion baraghtɨ, a pamten dazertɨ, a ti atiatingam, o? Eghtɨ Ikiavɨra Itir Godɨn Ekiam uan akam gumazitam danightɨ, an anekunan kogham o? Puvatɨ, an an gun mɨkɨmam.

Hosea 11:10

“Kɨ uan gumazamizibar apaniba atiatim me danɨngɨsɨ, pamtemɨn dɨmam, mati laion tiarim akara dazeri. Eghtɨ nan gumazamiziba atiating akongɨva, aruem ghuaghirir danganim ategh zuamɨra izɨ nan gɨn mangam.

Sekaraia 10:6

“Kɨ Judan gumazamizibar amightɨ, me bar gavgavigham. Egh kɨ Israelian gumazamiziba ua me iniam. Kɨ men apangkufi, kamaghɨn amizɨ, kɨ bar me inigh uamategh men nguazimra izam. Eghtɨ me deravɨra ikiam, mati kɨ me batoghezir puvatɨ. Kɨ Ikiavɨra Itir God, kɨ men God, kamaghɨn amizɨ, kɨ men mɨgɨrɨgɨar me na mɨgeiba kɨ da baragham.

Aisaia 33:21

Ikiavɨra Itir God uan gavgavim ko ziar ekiam Jerusalemɨn aven e bagh anekagham. Egh a Jerusalem damightɨ, a bar kantrin dirimɨn mɨn ikiam, an aven faner ekiaba ko daghurir dɨpar muziarir avɨravɨriba ikiam. Eghtɨ mɨdorozimɨn kurir me pul gamua zuiba ko kurir ekiaba, dɨpar kabar izan kogham.

Jeremaia 17:17

Nɨ na damutɨ kɨ bar puvɨram atiatingan markɨ. Puvatɨ. Nɨ dughiar kurabar aven, nan mogomer danganir aghuimɨn mɨn iti.

Nahum 1:7

Ikiavɨra Itir God, an arazir aghuibar e gami. Osɨmtɨzibar dughiabar a uan gumazamizibar mogomer danganimɨn mɨn ikia, egha gumazamizir a bagha zuiba, a men akurvasi.

Hagai 2:7

Ikiavɨra Itir Godɨn Gavgaviba Bar Itim ghaze, Kɨ kantrin igharazibagh nuabaghtɨ me akong, uan bizir aghuir ivezir bar pɨn koziba inigh kagh izɨtɨ, nan Dɨpenim ganganir aghuim damuam.

Sekaraia 9:12

Ia kamaghɨn fo, kɨ ian akuraghasa ifonge. Kamaghɨn amizɨ, ia uamategh uan nguibamɨn izɨ deravɨra ikiam. Ia osɨmtɨzir Bar ekiam ateri, ezɨ kɨ ia mɨgɨa ghaze, kɨ arazir aghuibar ia damuam. Eghtɨ arazir aghuir kam bar osɨmtɨzir kam gafiragham.