Joel 3:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Gumazamizir bar avɨrim, bar avɨrasemegh kotiam bagh danganir zarir kamɨn uari akuvagham. Ikiavɨra Itir God Izamin Dughiar Ekiam, bar dughiar ovezimɨn danganir zarir kamɨn otivam. Danganir zarir kamɨn ziar igharazim, God Ivezir Kuram Gumazamizibar Anɨngasa Mɨkeme.

Joel 3:14 ပူးပေါင်းရင်းမြစ်များ

Filipai 3:2

Ia arazir kurabagh amir gumaziba bagh gan, me afiar atiabar mɨn arazir mɨzɨrɨzibagh ami. Gumazir kaba ghaze, e bar Israelɨn arazimɨn gɨn mangɨ uan mɨkarziba aghorɨva dagh asɨghasɨgham.

Joel 3:2

Eghtɨ kɨ kantriba bar dar gumazamiziba bar me inigh izɨ, danganir zarir mamɨn otogham. Me danganir zarir kam kamaghɨn a dɨbori, God Gumazamiziba Tuisɨsi. Kɨ kagh me akuvagh, arazir me nan gumazamizibagh amiziba bagh akam me gasam. Gumazamizir kaba, me nan gumazamizir kɨ ua bagha inabazibara. Kantrin kabar gumazamiziba, nan nguazim inigha anebɨgha uarigh anɨngi, egha Israelia inigha tintinimɨn kantrin igharazibar ghue.

2 Pita 3:7

Kamaghɨra God fomɨra mɨkemezɨ moghɨn, a datɨrɨghɨn mɨgɨrɨgɨar igharazim anɨngi, datɨrɨghɨn overiam ko nguazim ikia avim bagha mɨzuai, avim otoghɨva bar aning kuavaremegham. Ezɨ nguazim ko overiam Godɨn Kotiar Ekiam Otivamin Dughiam bagha mɨzuai. Dughiar kamɨn gumazamizir akɨrim ragha God gasaraziba, me bar ikuvigham.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.

Joel 1:15

Bar guizbangɨra, dughiar kuram kɨran oveghangɨn otivam, kar Ikiavɨra Itir God Izamin Dughiar Ekiam. Kar Godɨn Gavgaviba Bar Itim, uan gavgavimɨn ivezir kuram gumazamizibar anɨngamin dughiam. Evzika! E uarira uarir apangkufi, dughiar kam, a bar moghɨra ikuvigham.

Onger Akaba 37:13

Ekiam kamaghɨn fo, gumazamizir kuraba gɨvaghamin dughiam a izi. Kamaghɨn a men ingaravati.

Aisaia 13:4

Ia mɨghsɨabagh isɨn nɨgɨnir dafar kam baragh, kar gumazir bar avɨribar nɨgɨnim. Kantrin avɨribar mɨdorozir gumaziba iza uari akufa. Ikiavɨra Itir Godɨn Gavgaviba Bar Itim, mɨsoghasa uan mɨdorozir gumaziba akufa.

Aisaia 22:1

Ikiavɨra Itir God, Irebamɨn Mɨn Garir Biziba Otivamin Danganir Zarim bagh akar kam anɨngi. Ia Jerusalemɨn itir gumazamiziba, ia bar manmaghɨra nɨghnigha, dɨa nɨgɨnir dafam gamua, egha bar akonge? Ia uan dɨpenir inogoribar ghuavanega pamtem deima, ian nɨgɨnim nguibar ekiamɨn ruaghateviba bar dar ghu. Ian gumazir ariaghireziba, me mɨdorozir gumazir gavgavibar mɨn mɨsoghava ariaghirezir puvatɨ.

Joel 2:11

Ikiavɨra Itir God uan mɨdorozir gumaziba Akar Gavgavim me ganɨdi, ezɨ an mɨgɨrɨgɨaba mati ararim dagarvasi. An mɨdorozir gumaziba bar avɨraseme, eghtɨ gumazitam me dɨponɨva avegham. Ikiavɨra Itir God Izamin Dughiar Ekiam, gumazamizibar amutɨ, me bar atiatigham. Eghtɨ tinara dughiar kamɨn aven mangɨ ikuvighan kogh, deravɨra ikiam? Ti puvatɨgham.

Joel 3:12

Ezɨ God kamaghɨn mɨgei: “Kantribar gumazamiziba bar, dɨkavigh danganir zarir kamɨn izɨ. Me danganir zarir kam kamaghɨn a dɨbori, God Gumazamiziba Tuisɨsi. Kɨ danganir kam daperagh, Israelɨn boroghɨn itir kantribar gumazamiziba bar men arazir kuraba tuisɨgham.

Sefanaia 1:14

Ikiavɨra Itir God Izamin Dughiar Ekiam, a roghɨra ize, egh a bar zuamɨram otogham. Ikiavɨra Itir God Izamin Dughiar Ekiam, a gumazamizibar amutɨ, me bar osemegham. Dughiar kamɨn, mɨdorozir gumazir gavgaviba, me uaghan atiating pamten arangam.