Joel 3:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ia kantrin roghɨra itibar gumazamiziba, ia bar moghɨra zuamɨra izɨ, danganir zarir kamɨn uari akufagh.” O Ikiavɨra Itir God, nɨ uan mɨdorozir gumazir gavgaviba amadaghtɨ, me izɨ apanir kaba ko mɨsogh.

Joel 3:11 ပူးပေါင်းရင်းမြစ်များ

Aisaia 13:3

Kɨ Babilon bagha nan navim bar nan ikufi, egha kɨ uabɨ uan mɨdorozir gumazir aghuir bar gavgaviba amɨsevegha, men diazɨ, me ize. Egha kɨ Akar Gavgavim me mɨkeme, eghtɨ me mangɨ Babilonia ivezir kuram me danɨngam. Mɨdorozir gumazir kaba, ziar ekiaba iti, egha Babilon mɨsoghasa bar akonge.”

Sefanaia 3:8

Ikiavɨra Itir God kamaghɨn an gɨn zuir gumazamizibav gei, “Kɨ men atara kamaghɨn uan nɨghnɨzim akɨrigha gɨfa, kɨ kantriba bar dar gumazamiziba inigh izɨ me akuvagh, men arazir kuraba ikarvagham. Eghtɨ nan anɨngagharim avimɨn mɨn nguazir kamɨn danganiba bar dagh asɨghasigham. Kamaghɨn amizɨ, ia nɨghnɨzir avɨribar amuan markɨ. Ia Dughiar kɨ kantriba bar dar gumazamiziba isɨ kot darɨghamim bagh pura mɨzuam ikɨ.

Akar Mogomem 19:14

Ezɨ Godɨn Nguibamɨn mɨdorozir gumaziba korotiar ghurghurir aghuiba aghuigha hoziar ghurghuribagh apiagha an gɨn zui.

2 Tesalonika 1:7

Egh ian osɨmtɨzir datɨrɨghɨn ia ateriba God da gɨvagh, avughsazim ia danɨngɨva uaghan e danɨngam. Dughiar kamɨn Ekiam Iesus uan enselɨn bar gavgavim itiba ko Godɨn Nguibam ategh azenara otogham, eghtɨ e avughsam. An avir bar gavgavir mɨzariaba sara izam.

Maika 4:12

Egha kantrin kabar gumazamiziba Ikiavɨra Itir Godɨn nɨghnɨzim gɨfozir puvatɨ, a manmaghɨn nɨghnɨsi. Me kamaghɨn fozir puvatɨ, a me akuvagh me gasɨghasɨgham. Mati gumazim witba akuvagh da mɨrmɨrightɨ, da witɨn daghebar mɨn otivigham.

Joel 3:2

Eghtɨ kɨ kantriba bar dar gumazamiziba bar me inigh izɨ, danganir zarir mamɨn otogham. Me danganir zarir kam kamaghɨn a dɨbori, God Gumazamiziba Tuisɨsi. Kɨ kagh me akuvagh, arazir me nan gumazamizibagh amiziba bagh akam me gasam. Gumazamizir kaba, me nan gumazamizir kɨ ua bagha inabazibara. Kantrin kabar gumazamiziba, nan nguazim inigha anebɨgha uarigh anɨngi, egha Israelia inigha tintinimɨn kantrin igharazibar ghue.

Aisaia 37:36

Egha dɨmagarir kamra, Ikiavɨra Itir Godɨn enselɨn mam dɨkavigha ghua, Asiriabar mɨdorozir gumaziba itir danganimɨn, men 185,000plan mɨdorozir gumazibav soghezɨ, me ariaghire. Ezɨ amɨnim tirazɨ bar mɨzaraghara, gumazamiziba dɨkavigha mɨdorozir gumazir kabar kuabar gari.

Aisaia 10:34

Me mati Lebanonɨn temer aghuibar mɨn mɨtivigha gavgavigha iti, egha mati temer dafar ruarir bar ruarir pɨzimɨn itibar mɨn iti. Egh a me gasɨghasigham, mati gumazim sobiam inigha temer ekiar kaba okɨtɨ da iregham.

Onger Akaba 103:20

Ia Ikiavɨra Itir Godɨn mɨdorozir enselba, ia gavgaviba iti. Ia kuariba arigha an akaba baragha dar gɨn zui. Ia an ziam fam.