Joel 2:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Odezir kaba, mɨdorozir gumazibar mɨn ivemara izi. Egha nguibar ekiamɨn dɨvazir gavgavimɨn bɨra ghuavanadi. Egha mati mɨdorozir gumaziba bɨzimɨn voroghɨra zui. Egha me ragha tuavir igharazitamɨn zuir puvatɨ. Me vaghvagha uan bɨzim ataghɨrazir puvatɨ.

Joel 2:7 ပူးပေါင်းရင်းမြစ်များ

Aghuzir Akaba 30:27

Ezɨ odeziba atriviba puvatɨgha me bar uari inigha okoruamɨn arui.

Joel 2:9

Me ivemara nguibar ekiabar zui. Me dɨvazir gavgavibar ghuavanaga ghuaghira nguibar ekiabar aven zui. Egha dɨpenibar bɨribar ghuavanaga winduabar aven ghuaghiri, mati okɨmakɨar gumaziba.

Jeremaia 5:10

“Ia Israelian apaniba, ia mangɨ men wainɨn azenibar aruva dagh asɨghasɨgh. Egh bar dagh asɨghasɨghan markɨ. Purama adar aghariba aghoregh. Wainɨn ikarɨzir agharir kaba, da nan biziba puvatɨ. Kamaghɨn amizɨ, ia dar aghariba aghoregh.

2 Samuel 5:8

Dughiar Devit nguibar ekiar kam inizimɨn, a kamaghɨn uan mɨdorozir gumazibav gɨa ghaze, “E nguibar ekiar kam inisɨva, tuavir dɨrɨzir Jebusia dɨpam iniasa aruimɨn aven mangɨva nguibar ekiamɨn otogham. Egh e damazir okavɨrɨziba ko suer kuraba ko mɨsogham. Gumazir kamagh gariba, me nan apanibar mɨn iti.” Gumazamiziba datɨrɨghɨn Devitɨn akam gɨnɨghnɨghavɨra ikia kamaghɨn mɨgɨa ghaze, “Damazir okavɨrɨziba ko suer amɨraziba Ikiavɨra Itir Godɨn Dɨpenimɨn aven mangan kogham.”

2 Samuel 1:23

Gumazamiziba bar Sol ko Jonatan gifonge. Aning gumazir bar aghuimning. Aning zurara roroamningɨn mɨn uaningɨn poroghav ikia, kamaghɨra ikia ghuava areme. Aning pamtemɨn uan apanibar agɨntɨsi, egha aning kuarazir isaba asɨzibar agɨntɨzir ivemarir arazim gafira. Egha aning gavgavir ekiam ikia laionɨn gavgavim gafira.

Onger Akaba 19:5

Aruem otogha anaga, mati gumazim amuimɨn ikiasa bar akuegha, a itir danganim ategha azenan izi. Aruem anaga, mati gumazir gavgavim itim pamtem ivemara bar akonge.

Jopɨn Akɨnafarim 16:14

A nan tuavim apɨrigha puvɨra na mɨsosi, mati mɨdorozir gumazir gavgavim apanibar nguibar ekiam iniasa pamtem mɨsosi.

Joel 2:8

Me ghua gumazir igharazitabar tuaviba apɨrir puvatɨ. Me vaghvagha bigha ghuavɨra iti. Me ghua men afuziba ko barir pibar atiatir puvatɨ, eghtɨ bizitam men tɨvaghan kogham.

1 Eghaghaniba 12:36

Ezɨ Aserɨn anabamɨn adarazir tongɨn, 40,000plan mɨdorozir gumaziba ize. Me uaghan zurara mɨsoghasavɨra gara iti.