Joel 2:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Da roghɨra izir dughiamɨn, gumazamiziba bar atiatigha, men guaba ighegha igharagha gari, egha me bar dukome.

Joel 2:6 ပူးပေါင်းရင်းမြစ်များ

Nahum 2:10

Ninive bar ikuvigha, pura danganir kɨnir gumazamiziba puvatɨzimɨn mɨn iti. Gumazamiziba nguibar ekiam ategha tintinibar are. Me puvɨram aguava bar atiatigha, men sueroghofariba nɨsi. Men gavgaviba bar gɨvazɨma, men naviba me gɨghaghirima, men damaziba atiaghiregha guaba bar ghuari.

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Jeremaia 30:6

Manmaghɨn ami? Gumaziba ti boriba bati, a? Puvatɨgham. Ezɨ manmaghsua, kɨ gumazibar garima, me vaghvagha dafariba isa uan navibagh arɨki, mati amizim borim batasa mɨzazir ekiam isi moghɨn arai. Manmaghsua, men guaba igharagha otivigha gari, mati gumazim bar puvɨram atiati.

Jeremaia 8:21

Kɨ Jeremaia, kɨ uan gumazamizir kɨ bar ifongezibar garima, me dɨghoraghire, ezɨ nan nɨghnɨziba ikufi. Kɨ bar osemegha aziava aravɨra iti.

Onger Akaba 119:83

Kɨ memen nir me dɨpaba tuasa isamizir ghurimɨn mɨn ikuvizɨ, me a makuni. Ezɨ arazir nɨ ifongeziba, kɨ dar suiraghavɨra iti.

Nahum 2:11

Nguibar ekiar kam faragha bar gavgafi, mati laionba itir danganim, ezɨ datɨrɨghɨn puvatɨ. Ninive fomɨra mati laionɨn igiaba ikia apir danganim, ezɨ laionɨn apuriba ko, amebaba ko, men nguziba an moga deravɨra itima, apaniba me mɨsozir puvatɨ. Laionɨn apurim asɨzibav sogh da nguemsɨrightɨ, amebam ko, nguziba deravɨra damam. Egha asɨzir naba isa dɨpenim garɨzima a izɨfa. Ezɨ datɨrɨghɨn laionɨn dɨpenim a managh iti? A ikuvigha gɨfa.