Joel 2:31 - Godɨn Eghaghanim: Akar Gavgavir Dɨkɨrɨzir Ghurim ko Igiam

³¹ Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Joel 2:31 ပူးပေါင်းရင်းမြစ်များ

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Malakai 4:5

“Nan Dughiar kam, a Dughiar Bar Ekiam, kɨ an gumazamizibar amightɨ me bar atiatigham. Dughiar kam a tɨghar otivam, kɨ faraghɨvɨra Elaija amadaghtɨma an akam akurir gumazimɨn mɨn ia bagh izam.

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Joel 3:15

Eghtɨ aruem ko iakɨnim mɨtarmeghtɨ, mɨkoveziba ua isian kogham.

Joel 2:10

Me zuima nguazim mati mɨkɨmkɨzim a gɨnobazɨ a ivazvasi, ezɨ overiam mati God a gɨnobazɨ a nɨdi. Ezɨ aruem ko iakɨnim mɨtarmangizɨ, mɨkoveziba ua isir puvatɨ.

Luk Osirizir Akar Aghuim 21:25

Egha Iesus ua kamaghɨn mɨgei, “Eghtɨ arazaraziba aruem ko iakɨnim ko mɨkoveziba bativam. Eghtɨ ongarim dɨpɨr tɨngaghɨvɨra ikɨtɨma, nguazimɨn gumazamiziba bar atiatigh okam nɨghnɨgham.

Joel 3:1

Egha Ikiavɨra Itir God ghaze: “Ia oragh! Gɨn izamin dughiamɨn, kɨ Jerusalem ko Judan gumazamizibar amightɨ, me ua deragh otivigham.

Matyu 27:45

Ezɨ aruem iza pazaghar torim gatima, mɨtatem nguazimɨn itir nguibaba bar da avaragha ghua, dughiam 3 kloghɨn guaratɨzimɨn tu.

Aposel 2:20

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ekiam Izamin Dughiam otogham. Dughiar kamɨn Ekiam uan gavgavim ko angazangarim sara izam.

Akar Mogomem 8:12

Ezɨ enselɨn namba 4 uan sɨgham givi, ezɨ me aruem ko iakɨnim ko mɨkoveziba 3plan okoruabar vaghvagha da tuira. Egha me aruemɨn okoruar mam gasɨghasɨgha, iakɨnimɨn okoruar mam gasɨghasɨgha, egha mɨkovezibar okoruar mam gasɨghasɨki. Kamaghɨn amizɨ, arueba bar, dughiar mabar aruem isir puvatɨgha mɨtatangi, ezɨ dɨmagariba bar, dɨmagarir maba iakɨnim ko mɨkoveziba isir puvatɨgha angazangariba puvatɨ.

Esekiel 32:7

Kɨ nɨ gasɨghasɨghamin dughiamɨn, kɨ overiam avaragh mɨkovezibar angazangariba amungegham. Egh overiamɨn ghuariabar amightɨ da aruer angazangarim apazaghtɨ a isiraghan kogham. Eghtɨ iakɨnim uaghan isiraghan kogham.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.

Joel 2:2

Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.

Joel 2:11

Ikiavɨra Itir God uan mɨdorozir gumaziba Akar Gavgavim me ganɨdi, ezɨ an mɨgɨrɨgɨaba mati ararim dagarvasi. An mɨdorozir gumaziba bar avɨraseme, eghtɨ gumazitam me dɨponɨva avegham. Ikiavɨra Itir God Izamin Dughiar Ekiam, gumazamizibar amutɨ, me bar atiatigham. Eghtɨ tinara dughiar kamɨn aven mangɨ ikuvighan kogh, deravɨra ikiam? Ti puvatɨgham.

Sekaraia 14:6

Eghtɨ angazangarim aruemɨn dughiamra otivan kogham. Puvatɨ.