Joel 2:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ Egha Ikiavɨra Itir God, ua kamaghɨn mɨgei: “Kɨ pɨn overiamɨn dɨgavir kuram gamir araziba akakagh, uaghan nguazimɨn dɨgavir kuram gamir arazibar amuam. Eghtɨ ghuzim ko, avim ko, mɨgharir pɨzir ekiaba otivam.

Joel 2:30 ပူးပေါင်းရင်းမြစ်များ

Luk Osirizir Akar Aghuim 21:11

Eghtɨ danganir maba mɨkɨmkɨzir gavgaviba, ko dagheba otevir dughiaba koma arɨmariar gavgaviba otivtɨ, atiatingamin biziba ko overiamɨn pɨn arazarazir ekiaba otivam.

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Gumazir Dapaniba 20:40

Ezɨ mɨgharir ekiam nguibar ekiam gisɨn ghuavanadima, Benjaminɨn anabamɨn adarazi uamategha uarir akɨrangɨn garima, Gibean nguibar ekiam bar isi.

Akar Mogomem 18:9

“Nguazimɨn atriviba a ko arazir mɨzɨrɨzibagh amua, egha uaghan a ko arazir kurar igharagha garibagh ami. Egh atrivir kabanagh an gantɨ avir mɨgharim an otoghtɨma, me a bagh naviba osemegh egh a bagh aziam.

Jenesis 19:28

Egha a Sodom ko Gomora, ko danganir zarir aning itir kam bagha gari, egha gari avir ekiamɨn mɨgharim nguazimɨn ikegha overiamɨn ghuavanadi.

Akar Mogomem 18:18

Eghtɨ Babilon isitɨ an mɨgharim otivtɨma me an gan, kamaghɨn dɨm mɨkɨmam, ‘Nguibar datɨrɨghɨn itir manamra, nguibar ekiar kamɨn mɨn gari? Bar puvatɨ!’

Solomon 3:6

Bizir tizim gumazamiziba puvatɨzir danganim ategha izi? Bizir kam, mati mɨgharim me sanda ko pauran anezir, me iter balsan eborimɨn ingarizim tuema an mɨgharim otifi. Ezɨ an mughuriam, mati pauran aghuir dagɨar ingangaribagh amir gumaziba amadim.

Gumazir Dapaniba 20:38

Mɨdorozir gumazir ara zuir kaba, me faragha mɨdorozir gumazir mongeziba koma kamaghɨn akam mɨsogha ghaze, ia avir mɨturir ekiamɨn gantɨ, a nguibar ekiar kam gisɨn mavanangtɨ,

Josua 8:20

Ezɨ Ain gumaziba ragha uan nguibar ekiamɨn garima mɨgharim an otogha overiamɨn ghuavanadi. Josua uan mɨdorozir gumaziba ko, me faragha Ain gumazibagh ifarav arav ghue, egha datɨrɨghɨn ua iza mɨgharimɨn gari a ghuavanadima me fo, Israelian mɨdorozir gumaziba ghua nguibar ekiam inigha, a gaborozɨ a isi. Ezɨ Ain mɨdorozir gumaziba arɨ mangɨ ovevem gitavɨraghan tuaviba bar puvatɨ. Ezɨ Josua uan mɨdorozir gumaziba ko uamategha iza bar me mɨsoghezɨ me ariaghire.

Akar Mogomem 8:7

Ezɨ faragha zuir ensel uan sɨgham givima, amozir ofɨzir ekiar dagɨabar mɨn gariba ko avim, aning ghuzim sara isafuragha nguazim giri. Ezɨ me nguazim ko temeba 3plan okoruabar vaghvagha da tuira, ezɨ nguazimɨn okoruar mam, avim bar an isi. Ezɨ temebar okoruar mam, avim bar an isi, egha avim uaghan nguazimɨn aghuir graziba bar adar isi.

Sekaraia 14:6

Eghtɨ angazangarim aruemɨn dughiamra otivan kogham. Puvatɨ.