Joel 2:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Witɨn iniba kua dar dagheba isir danganiba, bar izevegham. Eghtɨ wain dɨtir danganiba ko olivɨn ovɨziba mɨrmɨrir danganiba, wainɨn dɨpaba ko, olivɨn boreba bar dagh izɨvagh fasfagham.

Joel 2:24 ပူးပေါင်းရင်းမြစ်များ

Malakai 3:10

Ia uan biziba 10plan pozibar arigh egh dar pozir tam inigh izɨ nan dɨpenim datɨgh. Eghtɨ nan ingangarir gumaziba, dagher avɨriba ikiam. Ia kamaghɨn damightɨ, kɨ Ikiavɨra Itir Godɨn Gavgaviba Bar Itim, kɨ uan Nguibamɨn tiar akaba kuigh, uan bizir aghuiba isɨ amozimɨn mɨn da ingegham, eghtɨ ia bizir aghuir avɨrim ikɨ egh ua bizitamɨn oteveghan kogham. Ia tuavir kamɨn gɨn mangɨ damu ganigh, egh fogh suam, nan akam a bar guizbangɨra.

Amos 9:13

Egha Ikiavɨra Itir God kamaghɨn mɨgɨa ghaze, “Dughiatam otoghtɨ, nguazim bar deraghtɨ dagheba zuamɨram aghuigh bar avɨrasemegham. Eghtɨ, gumazir dagheba opariba ko dagheba isibar ingangarim uari tɨvaghtɨvagham. Eghtɨ wainɨn ikarɨziba zuamɨrama aghuigh ovɨzir bar avɨriba ikiam, eghtɨ gumazir wainɨn dɨpabar ingariba, da agɨvsɨ damuva avegham. Eghtɨ gumazamiziba wainɨn dɨpar isɨngtɨzir bar avɨrim ikiam, mati dɨpaba mɨghsɨabar izevegha ivemara uaghiri.

Joel 3:18

Dughiar kamɨn, wainɨn azenir avɨriba otivigh mɨghsɨaba avegham, eghtɨ mɨghsɨar muziariba bar, bulmakaun avɨriba dar ikiam. Eghtɨ gɨn Judan nguazimɨn itir daghurir dakeziba, dɨpar avɨriba zurara dagh izɨvagh ivemaram. Eghtɨ dɨpatam Ikiavɨra Itir Godɨn Dɨpenimɨn ikegh azenan izɨ, emɨr ivemar Akasɨn Temeba Itir Danganir Zarimɨn mangam.

Joel 3:13

Ikɨzir kaba, me bar gumazamizir kuraba! Kamaghɨn amizɨ, ia sabar ikɨzɨrɨziba inigh me aghor, mati daghem anigha gɨfa. Egh pamten me dɨkabɨn, mati gumazim wainɨn ovɨziba dɨkabɨri danganimɨn da dɨti. Ezɨ wainɨn dɨpaba bar izɨvagha fasfasi. Eghtɨ, gumazamizir kaba kamaghɨra bar ikuvigham.”

Ofa Gami 26:10

Eghtɨ azenir gɨvazimɨn dagheba, da ikɨvɨra ikɨ mangɨ azenir igharazim batogham. Eghtɨ dagher naba ikɨvɨra ikɨtɨ, ia dagher igiar andɨziba iniva, ghuriba makunigh, egh dagher igiaba dar danganim darɨgham.

Ofa Gami 25:19

Eghtɨ dagher avɨrim nguazimɨn otivtɨ, ia zurara dagher avɨribar amɨ mamaghɨra ikiam. Egh ia bar deraghvɨra nguazir kamɨn ikiam.

Esekiel 36:8

“Eghtɨ Israelɨn mɨghsɨaba, ia gisɨn temeba ua murɨva Israelɨn ikɨzim bagh uam ovɨziba ituam. Me bar kɨran oveghangɨn uamategh uan nguibabar izam.