Joel 2:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ “Kɨ Ikiavɨra Itir God, kɨ arazir bar gavgavir ekiaba nɨ bagha dagh ami. Kamaghɨn amizɨ, O nan nguazim, nɨ atiatingan markɨ. Nɨ bar akongegh navim deragh.

Joel 2:21 ပူးပေါင်းရင်းမြစ်များ

Aisaia 54:4

“O Jerusalem, nɨ uam aghumsɨghan kogham. Nɨ osɨmɨva atiatingan markɨ. Gumazamiziba ua dɨbovir akabar nɨ mɨkɨman kogham. Nɨ fomɨra aghumsɨzim ikezir dughiaba gɨnamadagham. Nɨ fomɨra uabɨra ikia, mati amizimɨn pam ovengezɨ, a uabɨra ikia, bar aghumsɨgha oseme. Kamaghɨn amizɨ, nɨ dughiar faragha ghuzir kam uam a gɨnɨghnɨghan kogham.

Aisaia 41:10

Kɨ ian God, egha kɨ ia ko iti, kamaghɨn amizɨ, ia atiatingan markɨ. Kɨ ia damutɨ ia gavgavightɨ, kɨ ian akuragham. Kɨ bar deravɨra ian ganɨva, uan gavgavir ekiamɨn ian apaniba abɨnam.

Jeremaia 33:3

Nɨ nan dɨmtɨ, kɨ nɨn dɨmdiam ikaragham. Egh bizir ekiar modogha itir nɨ fozir puvatɨziba, kɨ dar gun nɨ mɨkɨmam.

Aisaia 35:1

Gumazamiziba puvatɨzir danganiba, ko nguazir mɨsɨngiziba, da bar akuegham. Akɨmarir aghuiba otivigh gumazamiziba puvatɨzir danganiba avaraghtɨ, da bar akongegham.

1 Samuel 12:16

Ia oragh. Ia tugh gavgavightɨ, Ikiavɨra Itir God bizir bar ekiatam damightɨ ia an ganam.

Sekaraia 8:15

Egha kɨ datɨrɨghɨn ghaze, Kɨ ua deragh Jerusalemia ko, Judabar amuasava ami. Kamaghɨn amizɨma ia atiatingan markɨ.

Joel 2:20

Eghtɨ kɨ notɨn amadaghan itir odeziba batueghtɨ, da ian saghon mangam. Da danganir mɨsɨngizir gumazamiziba itir puvatɨzimɨn mangam. Dar okoruar faragha zuim, kɨ da batueghtɨ, da Amangsɨzim Itir Dɨpar Akaremɨn magɨram. Eghtɨ dar okoruar igharazim, kɨ da batueghtɨ, da Mediterenianɨn Ongarir Ekiamɨn magɨram. Dar kuaba kurigh mughuriar bar anɨnganir kuram otivam. Bar guizbangɨra, kɨ arazir gavgavir bar ekiam damuam.

1 Samuel 12:24

Ia bizir bar ekiar Ikiavɨra Itir God ian akurvagha ia gamizibagh nɨghnigh, egh zurara an atiating an apengan ikɨ. Ia uan navir averiabar aven guizbangɨra an gɨn mangɨ an ziam fɨva, an ingangarim damusɨ gavgafigh.

Godɨn Araziba 4:32

“Ia, dughiar fomɨra ikegha izibagh nɨghnɨgh. Bar fomɨra, amebam tɨghar ia batamin dughiam, o dughiar God faraghavɨra gumazimɨn ingarizimɨn ikegha iza datɨrɨghɨn, ia faragha zuir dughiaba bar dagh nɨghnɨgh. Ia ti, nguazir kamɨn oteviba bar dar mangɨ deravɨra gan, bizir ekiar kamagh garitam otozɨ, e a baraghiz, o pu? Bar puvatɨ.

Onger Akaba 98:8

Ia faner ekiaba, ia dafaribav sogh. Ia mɨghsɨaba, ia ighiabar amuva bar akongegh.

Jenesis 15:1

Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”

Hosea 2:21

Kɨ Ikiavɨra Itir God, kɨ dughiar kamɨn uan gumazamiziba Israelian azangsɨziba baragham. Egh amozim amadaghtɨ, a nguazim gizam. Eghtɨ men azenibar dagheba ko, wainba ko, olivɨn temer me borem isiba, bɨva avɨrasemegham, mati Jesrilɨn azenir aghuim.

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Aisaia 55:12

“Ia kalabus ategh bar akuegh mangam, eghtɨ kɨ ia inigh izɨtɨ, ia navir amɨrizim ikɨtɨ, bizir ia damutɨ ia atiatingamin tam, ia damuan kogham. Mɨghsɨaba, ian damazibar ighiabar amu bar akuegham, eghtɨ temeba bar akuegh dafaribav sogh ighiabar amuam.

Onger Akaba 71:19

God, nɨn arazir aghuim nguazir kamɨn danganiba bar dagh izɨvagha, uanaga overiamɨn tu, egha gumazamizibar damazibar azenara iti. Nɨ ingangarir bar ekiam gami. Ezɨ nguazir kamɨn gumazitam nɨn mɨn garir pu. Bar puvatɨ. Nɨ bar moghɨra me gafira.

Joel 2:26

Ia dagher avɨribar amɨ, egh bar izevegham. Kɨ dɨgavir kuram gamir arazir aghuir avɨriba ia bagha dagh ami. Eghtɨ ikɨzir igharazibar gumazamiziba, me nan gumazamizibar amutɨ, me uam aghumsɨghan kogham. Eghtɨ kamaghɨn, ia Ikiavɨra Itir God, ian God, ia an ziam fam.