Joel 2:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Egha Ikiavɨra Itir God uan gumazamiziba ikaragha kamaghɨn me mɨgei: “Ia gan! Datɨrɨghɨn kɨ dagheba ko wain dɨpaba, ko olivɨn borem ia danightɨ, ian dagheba avɨrasemegham. Eghtɨ Kantrin Igharazibar Gumazamiziba, dɨbovir akabar ia damuan kogham.

Joel 2:19 ပူးပေါင်းရင်းမြစ်များ

Esekiel 34:29

“Kɨ men nguazim damutɨ, dagheba bar deravɨram an aghungam. Eghtɨ mɨtiriaba gumazamizibar azir arazim, a gɨvagham. Eghtɨ kantrin igharaziba ua me dɨpovan kogham.

Esekiel 36:15

Eghtɨ kantrin igharaziba, Israelɨn mɨghsɨaba dɨpova akar kurabar ua ia mɨkɨman kogham. Ia mɨghsɨaba datɨrɨghɨn, ua men aghumsɨzir akaba baraghan kogham. Egh ia ua uan kantrin gumazamizibar amutɨ, me arazir kuram bangɨn irɨghan kogham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Matyu 6:33

Ezɨ bizir ia bar faragh damuamimra kara: Ia God Bizibagh Ativamin Dughiam baghvɨra nɨghnɨgh, egh God ifongezir arazir aghuibar amutɨ, a bizir kaba ko maba sara bar ia danɨngam.

Joel 2:24

Witɨn iniba kua dar dagheba isir danganiba, bar izevegham. Eghtɨ wain dɨtir danganiba ko olivɨn ovɨziba mɨrmɨrir danganiba, wainɨn dɨpaba ko, olivɨn boreba bar dagh izɨvagh fasfagham.

Jeremaia 31:12

Eghtɨ me izɨ Saionɨn Mɨghsɨamɨn tugh bar akuegh, egh bar pamtemɨn araghasɨ dɨm ighiabar amuam. Egh bizir bar aghuir Ikiavɨra Itir God me ganɨngiziba bagh bar akuegham. Egh me wit ko, wain ko, olivɨn boreba ko, sipsipba ko, bulmakaun kɨ me ganɨngiziba, me da bagh bar akuegham. Egh me bar deraghvɨram otivigham, mati dagher azenim dɨpamɨn otevezir puvatɨ. Egh me ua pazɨ ikian kogham.

Joel 1:10

Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.

Hosea 2:15

Egh kɨ wainɨn azeniba isɨ ua a danɨngam. Egh danganir zarir kam me kamaghɨn a dɨbori, ‘Osɨmtɨzibar Danganir Zarim,’ kɨ a giragham, eghtɨ a bizir aghuir gɨn izamiba bagh mɨzuamamin danganimɨn otogham. Eghtɨ nan amuim danganir kamɨn aven ikɨ nan akamɨn gɨn mangam, mati a fomɨra igiamra itir dughiamɨn, Isip ategha izava amizɨ mokɨn.”

Esekiel 39:29

Kɨ uan Duam isɨ Israelɨn ikɨzim gingegham, egh uam akɨrim ragh me gasaraghan kogham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Ofa Gami 26:5

Ia dagher bar avɨriba ikɨva, egh witɨn andɨziba ini mangɨ, ia wainɨn ovɨzir anɨdiziba iniamimɨn dughiamɨn tugham. Egh ia wainɨn ovɨziba ini mangɨ, dughiar ia dagheba oparamimɨn tugham. Ia damɨva naviba bar izevegham. Egh ia deraghvɨra uan nguazim dapiagham.

Hosea 2:21

Kɨ Ikiavɨra Itir God, kɨ dughiar kamɨn uan gumazamiziba Israelian azangsɨziba baragham. Egh amozim amadaghtɨ, a nguazim gizam. Eghtɨ men azenibar dagheba ko, wainba ko, olivɨn temer me borem isiba, bɨva avɨrasemegham, mati Jesrilɨn azenir aghuim.

Godɨn Araziba 11:14

Egh ia kamaghɨn damutɨ, an amozim amadaghtɨ amozim izamin dughiabar a izam. Azeniba oparir dughiam ko dagheba asir dughiam sara amozim izam. Eghtɨ ia dagheba ko wain ko, olivɨn boreba izɨvagham.

Rutɨn Eghaghanim 1:6

Egha Naomi Moapɨn ikia orazi Ikiavɨra Itir God uan adarazi deragha me gamua dagheba me ganɨdi. Kamaghɨn amizɨ, a uan asamir guivimning ko dɨkavigha ua Judan nguazimɨn mangasa.

Esekiel 36:29

“Kɨ ian akuragh ia damutɨ, ia ua nan damazimɨn arazir mɨzɨrɨzibar amuan kogham. Kɨ ian dagher azenibar amightɨ, da dagher avɨriba ikiam. Eghtɨ dagheba otevir dughiaba ua ia bativan kogham.

Esekiel 36:30

Kɨ ian temer bebar amightɨ, da ovɨzir bar avɨriba ikɨ bar avɨrasemegham. Eghtɨ dagheba otevir dughiaba ua ia bativan kogham. Eghtɨ ia Kantrin Igharazibar Gumazamizibar damazimɨn uam aghumsɨghan kogham.

Sekaraia 8:12

Kɨ me ateghtɨ, me navir amɨrizim ko, dabirabir aghuim ikɨva uan azeniba oparam. Eghtɨ amozir ekiar avɨriba izɨtɨma men wainɨn ikarɨziba bɨtɨma, men dagheba deravɨram otivam. Nan gumazamizibar ikiavɨra itir varazira, kɨ me bagh bizir aghuir kabar amuam.