Joel 2:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Ezɨ gɨn, Ikiavɨra Itir God, bar puvɨra uan nguazim gɨnɨghnɨgha, uan gumazamizibar apangkufi.

Joel 2:18 ပူးပေါင်းရင်းမြစ်များ

Sekaraia 8:2

Ikiavɨra Itir Godɨn Gavgaviba Bar Itim ghaze, “Kɨ bar Saionɨn nguibamɨn gumazamizibagh ifonge. Kamaghɨn amizɨ, kɨ men akurvaghasa. Kɨ bar me gifonge, men apaniba bagha navim isia bar ikufi.

Sekaraia 1:14

Ezɨ enselɨn kam, Ikiavɨra Itir Godɨn Gavgaviba Bar Itimɨn akam akunasa na mɨgei: Kɨ ifongiar bar ekiam ko, apangkuvir nɨghnɨzim Jerusalem bagha iti, an ziar mam Saion, a nan nguibar ekiam.

Onger Akaba 103:13

E fo, afeziaba uan boribar apangkuvi moghɨra, Ikiavɨra Itir God uan gumazamizir an atiatia an apengan itibar apangkufi.

Jems 5:11

Ia oragh. E ghaze, “Gumazamizir tuivigha gavgavigha osɨmtɨziba ateriba, me bar akuegha deravɨra iti.” Ia Jopɨn eghaghanim gɨfo, a tugha gavgavigha osɨmtɨzir a batoziba a bar da ateri. Ezɨ ia fo, Ekiam gɨn bar arazir aghuimɨn a gami. E bar fo, Ekiam en apangkuvavɨra iti, egha zurara bar deravɨra e gami.

Aisaia 63:15

O Ikiavɨra Itir God, nɨ uan Nguibamɨn iti, nguibar kam nɨn gavgavim ko angazangarim a gizɨfa. Eghtɨ nɨ pɨn ikɨ vazimɨn en gan. Nɨ tizim bagh dɨkavigh uan arazir e baghavɨra itim ko gavgavir ekiam en akakaghan aghua? Nɨ ti uamategh uan apangkuvim ko ifongiar uan navir averiamɨn aven itim, en akakaghan aghua. Nɨ ti uam e gifongezir puvatɨz, o?

Aisaia 63:9

Egha me mɨzaziba ko osɨmtɨziba aterir dughiamɨn, Ekiam uaghan me ko mɨzaziba ko osɨmtɨziba ateri. God uabɨ, ensel o abuir gumazimɨn mɨn otogha ua me ini. Bar fomɨra an ifongiam ko apangkuvim men ikiavɨra iti, kamaghɨn amizɨ, a dughiar bar ruarimɨn me atera bar deravɨra men gari. Bizir kam bagha, a men akurvasi.

Luk Osirizir Akar Aghuim 15:20

Egha a dɨkavigha uan afeziam bagha zui. “A saghon izavɨra itima, an afeziam an apigha bar an apangkufi. Egha an a bagha ivegha ghua uan dafarimningɨn a muigha an tori.

Jeremaia 31:20

Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

Aisaia 60:10

“O Jerusalem, Kantrin Igharazibar Gumazamiziba izɨ ua nɨn dɨvazir gavgavibar ingaram. Eghtɨ men atriviba nɨn ingangarim damuam. Kɨ faragha bar puv nɨn atara nɨ gasɨghasɨki. Egha datɨrɨghɨn, nan navim nɨn itima, kɨ nɨn apangkufi.

Aisaia 42:13

Ikiavɨra Itir God mati, mɨdorozir gumazir gavgavim, egha a datɨrɨghɨn mɨsoghasa zui. A tiarim akara diava mati, gumaziba mɨdorozim foreghasa mɨsoghamin arazibagh amua, mɨsoghasa gara iti. Egha a gavgavim ikia, uan apaniba ko mɨsoghasa atiatir puvatɨgha, bar me abɨni.

Onger Akaba 103:17

Ezɨ gumazamizir Ikiavɨra Itir Godɨn apengan ikia an atiatiba, a zurazurara men apangkufi. Egh men ovavir borir gɨn otivamiba, a uaghan deragh me damuvɨra ikiam.

Gumazir Dapaniba 10:16

Egha Israelia uan marvir guaba makunigha, aseba ategha, ua Ikiavɨra Itir God baghavɨra iti. Ezɨ Ikiavɨra Itir God Israelia aterir osɨmtɨzir kabar gara ghua bar me giporpore.

Godɨn Araziba 32:43

“O nguazir kamɨn itir ikɨzibar gumazamiziba, ia bar Ikiavɨra Itir Godɨn gumazamizibar ziaba fɨ. Ia aseba bar, ia Godɨn damazimɨn teviba apɨr. A gumazir an gumazamizibav sozi me ariaghɨriba, a ivezir kuram me danɨngam. A uan apanibar arazir kuraba ikarvasi. Egh a uan gumazamizibar nguazim damightɨ, an an damazimɨn bar zuegham.”

Godɨn Araziba 32:36

Ikiavɨra Itir God uan ingangarir gumazamizibar gantɨ men gavgavim gɨvagham. Eghtɨ a men apangkuvigh suam, me nan damazimɨn osɨmtɨziba puvatɨ. Dughiar kamɨn, gumazamizir vabara ikɨvɨra ikɨtɨ, a men akurvagham.

Godɨn Araziba 32:16

Me ikɨzir igharazibar asebar ziaba fema, men arazir kam, Ikiavɨra Itir God bar men aghuagha navim bar men ikufi. Egha men arazir kam bangɨn a bar men anɨngaghegha men atari.

Aisaia 37:32

Eghtɨ apaniba Jerusalemɨn gumazamiziba bar me gasɨghasighan kogham, men tarazi ikɨvɨra ikiam. Gumazamizir ikiavɨra itir varazira, ikɨ Saionɨn Mɨghsɨamɨn mɨtivighvɨra ikiam. Ikiavɨra Itir Godɨn Gavgaviba Bar Itim, a bizir kabar amutɨ da otivighirasa nɨghnɨzir gavgavim iti.

2 Atriviba 19:31

Eghtɨ apaniba Jerusalemɨn gumazamiziba bar me gasɨghasighan kogham, men tarazi ikɨvɨra ikiam. Gumazamizir ikiavɨra itir varazira ikɨ Saionɨn Mɨghsɨamɨn mɨtivighvɨra ikiam. Ikiavɨra Itir Godɨn Gavgaviba Bar Itim, a bizir kabar amutɨ da otivighirasa nɨghnɨzir gavgavim iti.