Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Joel 2:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

17 Nan ofa gamir gumaziba, me nan ingangarir gumaziba, nɨ me mɨkemeghtɨ, me Godɨn Dɨpenimɨn azuarim ko, ofa gamir dakozimɨn tongɨn tugh aziva arang kamaghɨn mɨkɨm, ‘O Ikiavɨra Itir God, e nɨn gumazamizibara. Nɨ uan gumazamizibar apangkufigh. Puvatɨghtɨ, kantriba bar, akɨrim ragh e gasaragh dɨbovir akabar e mɨkɨmam. E nɨn azai, nɨ Kantrin Igharazibar Gumazamiziba ateghan koghtɨ, me e dɨpova kamaghɨn mɨkɨman kogham, Ian God managh iti?’ ”

အခန်းကိုကြည့်ပါ။ ကော်ပီ




Joel 2:17
42 ပူးပေါင်းရင်းမြစ်များ  

Egha a ua nan akua ghua Ikiavɨra Itir Godɨn Dɨpenim avɨnizir dɨvazimɨn bar aven ghua an Dɨpenimɨn tiar akamɨn boroghɨn oto. Ezɨ kɨ garima, Dɨpenimɨn tiar akam ko ofa gamir dakozimɨn tizimɨn 25plan gumaziba iti. Me akɨriba ighegha Ikiavɨra Itir Godɨn Dɨpenim gasaragha guaba aruem anadi naghɨn gara tevibar pɨrigha avighav iti.


Manmaghɨrama amizɨ, Kantrin Igharazibar Gumazamiziba kamaghɨn en azangsɨgha ghaze, “Ian God managh iti?”


O God, Kantrin Igharazibar Gumazamiziba manmaghsu kamagh e mɨkɨmam, “Ian God mana?” Nɨ uan gumazamizibar ghuziba ikarvagh, Kantrin Igharazibar Gumazamiziba mɨzazim me gasɨtɨ e ganika.


Eghtɨ arazir aghuibagh amir gumazamiziba bar, me mɨsoghezir gumazibar ivezir kuram, ia a iniam. Gumazir aghuibav sozir arazir kam, gumazir aghuim Abelɨn dughiamɨn ikegha, iza Berekian otarim Sekaraian dughiamɨn tu. Gumazir kam, ia Godɨn Dɨpenim ko ofa gamir dakozim tɨzimɨn ia a mɨsoghezɨ an areme, ezɨ iarara ivezir kuram uan arazir kuram bagh a iniam.


Kɨ garima, odeziba nguazir kamɨn graziba ko biziba bar da apa ada agɨfa. Ezɨ kɨ kamaghɨn mɨgei: “O Ikiavɨra Itir Godɨn Ekiam, ga uaning, kɨ nɨn azai, nɨ Jekopɨn ovavir boribar arazir kuraba gɨn amadagh. Men ikɨzim avɨrasemezir puvatɨzɨ, me uarira uarir akurvaghamin gavgaviba puvatɨ. Nɨ men arazir kuraba ikarvaghsɨ damutɨ, me ua manmaghɨra damuam?”


Ikiavɨra Itir Godɨn Dɨpenimɨn aven, ofa damuamin dagheba ko wainɨn dɨpaba puvatɨ. Ofa gamir gumaziba, me Ikiavɨra Itir Godɨn ofa damuamin biziba puvatɨ. Kamaghɨn amizɨ, me azi.


Ia uamategh Ikiavɨra Itir God bagh izɨ, ofan mɨn kamaghɨn a ko mɨkɨm: “O God, nɨ bar moghɨra en arazir kuraba gɨn amadagh, egh e nɨ danɨngamin bizir aghuiba inigh. Datɨrɨghɨn e bulmakaun apuriba mɨsogh nɨn ofa damuan kogham. Puvatɨgham. Arazir aghuir e fomɨra damuasa nɨ ko akam akɨriziba, e dar amuam.


Ezɨ azuarir mam Dɨpenimɨn guamɨn iti. An ruarimɨn ababanim, mati Dɨpenimɨn arozimɨn ababanimɨn mɨn 10 mitan tu. Ezɨ an ruarim 5 mitan tu.


Egha kamaghɨn mɨgei, “O Ekiam, kɨ nɨn azai, nɨ bar guizbangɨra na gifuegh, egh nɨ e ko mangɨ. Guizbangɨra, gumazamizir kaba akaba barazir puvatɨ. Ezɨ nan ifongiam kamakɨn, nɨ en arazir kuraba ko igharagha garir bizir kuraba gɨn amadagh. Egh e damightɨ e nɨn gumazamizibara ikiam.”


Apaniba faragha kamaghɨn e mɨgɨa ghaze, “Ikiavɨra Itir God, ian God managh iti?” Egh me gɨn gantɨ Ikiavɨra Itir God en akuraghtɨ, me bar aghumsigham. E gantɨ Ikiavɨra Itir God me dɨkɨtɨ, mati gumazamiziba tuavimɨn beghneazim dɨti moghɨn, a me dɨkabɨnigham.


Ezɨ kɨ kamaghɨn mɨgei: “O Ikiavɨra Itir Godɨn Ekiam, ga uaning, kɨ nɨn azai, nɨ Jekopɨn ovavir boribagh nɨghnɨgh, bizir kam damuan markɨ. Men ikɨzim avɨrasemezir puvatɨzɨ, me uarira uarir akurvaghamin gavgaviba puvatɨ. Nɨ men arazir kuraba ikarvaghsɨ damutɨ, me manmaghɨn uarir akurvagham, me gavgaviba puvatɨ?”


Ezɨ puvatɨ, kɨ kamagh amizir puvatɨ. Kɨ kamaghɨn damighɨva, uabɨ uan ziam abɨri moghɨn damuam. Dughiar kamɨn, Israelia Kantrin Igharazibar Gumazamizibar tongɨn itima, kɨ men damazibar uabɨ isa Israelian akagha Akar Dɨkɨrɨzir Gavgavim Israelia koma a gamigha ghaze, kɨ Isipɨn kantrin aven me inigh azenan mangam. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.


O Ikiavɨra Itir God, nɨ en God, nɨ datɨrɨghɨn en akuragh Senakeripɨn dafarimɨn uam en inigh. Eghtɨ nguazir kamɨn kantribar gumazamiziba bar kamagh ganigh fogh suam, nɨrara nɨ Ikiavɨra Itir God.”


O Ikiavɨra Itir God, nɨ atrivimɨn ikiasa na ginabazɨ, nan apaniba nan ingarava aka akar kurabar na mɨgei.


Ezɨ gumazamizir anebɨgha aruiba an biziba okei. An boroghɨn itir gumaziba dɨbovir akabar a mɨgei.


Gumazamizir en boroghɨra itiba e dɨpova, en ingaravaka, akar kurabar e mɨgei.


O God, dughiaba manmagh apaniba nɨ dɨpovam? Me nɨn ziam akar kurabar a mɨkɨmvɨra ikiam?


Dughiabar zurara nan apaniba na dɨpova nan azangsɨgha ghaze, “Nɨn God a managhɨra iti?” Ezɨ men azangsɨzir kam afuzimɨn mɨn nan mɨkarzim ginivima, kɨ aremeghasava ami.


Solomon, Ikiavɨra Itir God bagha ofa gamir dakozir ingarizim, a Godɨn Dɨpenimɨn azuarimɨn guamɨn boroghɨn itima, a zurara dakozir kamɨn ghua Ikiavɨra Itir God bagha ofan bar isia mɨghɨrizibagh ami.


Egha kɨ fo, kɨ kamaghɨn aghua. Apaniba kamaghɨn ganigh ua uari fɨ suam, E uan gavgavibar Ikiavɨra Itir Godɨn gumazamizibav sogha me abɨni. Men God bizir kam gamizir puvatɨ. Erara Israelia mɨsogha me abɨni.’


A nɨghnɨzir gavgavim Godɨn ikia, egha ghaze, kɨ Godɨn Otarim. Eghtɨ God guizbangɨra ifongiam an ikɨva, datɨrɨghɨn an akuraghtɨ, e ganika!”


Aria, ia ofa gamir gumaziba, ia God deragh e damusɨ an azangsɨgh. Eghtɨ a bar ian azangsɨzim bareghan koghtɨ, tinara osɨmtɨzir kam ateram? Osɨmtɨzir kam iarara aneteram. Ikiavɨra Itir Godɨn Gavgaviba Bar Itim, kamaghɨn ia mɨgei.


“Datɨrɨghɨn, nguazir nɨ inazir afeziabagh anɨngizim, e an iti, ezɨ dagher aghuiba an ikia deragha aghui. Ezɨ e an aven ikia pura ingangarir gumazir kɨnibar iti.


E uan Godɨn Dɨpenimɨn ofa damuamin dagheba ko wainba puvatɨ. Kamaghɨn amizɨ, ia ofa gamir gumazir ofa gamir dakozimɨn ingangarim gamiba, ia azirakar korotiar pɨziba aghuigh egh azi. Ia dɨmagarimɨn azirakar korotiar pɨziba aghuigh, Godɨn Dɨpenimɨn aven mangegh ikɨ mangɨtɨ amɨnim tiragh.


Kɨ zurara arueba ko dɨmagaribar aziavɨra iti, ezɨ nan temeriba mati nan dagher kɨ zurarama apim. Dughiabar zurara gumazamiziba nan azangsɨgha ghaze, “Nɨn God managh iti?”


kɨ nguazir Israelia ia ganɨngizimɨn bar ia batuegham. Eghtɨ ikɨzir igharazibar gumazamiziba dɨbovir akabar ia mɨkɨm ia gasɨghasɨgham. Eghtɨ kɨ uaghan, akɨrim ragh Dɨpenir kɨ uan ziam bagha inabazim gasaragham, egh uam a gɨnɨghnɨghan kogham.


kɨ nguazir Israelia ia ganɨngizimɨn bar ia batuegham. Eghtɨ ikɨzir igharazibar gumazamiziba dɨbovir akabar ia mɨkɨm ian ziam gasɨghasɨgham. Kɨ uaghan, akɨrim ragh Dɨpenir kɨ ua bagha inabazim gasaragham, egh uam a gɨnɨghnɨghan kogham.


Ikiavɨra Itir God, kantrin kamɨn ia amadaghtɨ ia mangɨ an ikiam. Eghtɨ kantrin kamɨn gumazamiziba, ian ganigh aguaghfagh kamaghɨn mɨkɨmam, manmaghɨram amizir bizir kam ia bato. Egh me ia dɨpov ian ingarɨva akam.


Ezɨ Moses ko gumazamiziba bar God bativamin Purirpenimɨn tiar akamɨn boroghɨn ikia arai, egha garima, Ame! Israelian gumazir mam, men damazimɨn Midianian amizir mam inigha uan purirpenimɨn aven ghu.


Egha bizir kaba otivir dughiamɨn, Ikiavɨra Itir Godɨn Gavgaviba Bar Itim, nan Ekiam, a kamaghɨn ifonge, Ia aziv arang kuarkuv, egh uan dapaniba bar dagh isegh, egh azir korotiabar aghuigh.


Eghtɨ Kenanian gumaziba ko nguibar kamɨn itir gumazamiziba bar bizir kamɨn mɨgɨrɨgɨam baragham. Egh me ti e ekɨarugh bar e mɨsueghtɨ e arɨmɨghiregh, nguazir kamɨn ziaba ua puvatɨgham. Egh me ti nɨ dɨpova nɨn ziar ekiam abɨragham. Nɨ uan ziar ekiam bagh nɨghnigh bizir tizim damuam?”


Kɨ fomɨra gumazamizir avɨrimɨn faragha ghua me inigha Godɨn Dɨpenimɨn aven ghu. Kɨ me ko zuir dughiamɨn, gumazamizir avɨrir kam Godɨn ziam fa a mɨnabava pamten tiariba akara onger akabagh ami. Kɨ bizir kabagh nɨghnɨgha egha nan navim bar moghɨra biaghɨrɨ.


Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ