Joel 2:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

^15-16 Ia Saionɨn Mɨghsɨamɨn ikɨ sɨgham givi. Egh uari akuvagh dagheba ateghamin dughiam ginabagham. Egh gumazamiziba bar me akuvagh, me mɨkɨmtɨ, me nan ziam fɨsɨ, uan bizir kuraba ko arazir kuraba ategh, nan damazimɨn bar zuegh. Men gumazamizir ghuriba ko, borir ekiaba ko otem apir borir iririviba, me bar moghɨra, nɨ me inigh izɨ. Poroghamir igiaba, me uan dɨpeniba ategh uaghan izɨ.

Joel 2:15 ပူးပေါင်းရင်းမြစ်များ

Joel 1:14

Ia gumazamiziba bar me mɨkemeghtɨ, me dagheba atakigh. Egh Judan nguazimɨn itir gumazamiziba bar men diaghtɨ, me izɨ Ikiavɨra Itir God, ian Godɨn Dɨpenimɨn uari akuvagh, an dɨmɨva arang.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.

1 Atriviba 21:12

Egha dagheba ataghɨraghasa, dughiam amɨsevegha gumazamizibar diazɨ, me iza uari akufa. Egha faraghavɨra itir dabirabir danganim, me a isa Nabot ganɨngizɨ an a gapera.

Dɨboboniba 10:3

Ia dughiar ruarimɨn sɨghamning uaghara aning givitɨ, gumazamiziba bar izɨ na bativamin Purirpenimɨn tiar akamɨn uari akufagh.

2 Atriviba 10:20

Egha a ua kamaghɨn mɨgei, “E asem Balɨn ziam fɨsɨ dughiar ekiatam amɨseveka.” Egha me dughiar mam amɨsefe.

1 Atriviba 21:9

Akɨnafarir kabar osiziriba kamaghɨn mɨgei, “Ia dagheba ataghɨraghamin dughiatam amɨsefegh. Egh dughiar kamɨn, ia Jesrilɨn gumazamiziba bar men diaghtɨ, me izɨ uari akufagh. Egh faraghavɨra itir dabirabim Nabotɨn teghtɨ an a daperagh.

Aisaia 1:13

Ia na bagh ofaba inigh izɨsɨ pura ingangarir dafabar amuan markɨ. Guizbangɨra, kɨ ian ofaba bar dar aghua. Egha ia tuer pauran mughuriar aghuiba, dar mughuriar kurabara nan atinimɨn zui. Kɨ iakɨnir igiabar ia nan ziam fer dughiaba ko, Sabatba ko, nan ziam fer arazir igharazir ia amibar ganan bar aghua. Ia izɨ uari akuvagh arazir kurabar amuasa izi. Kamaghɨn amizɨ, kɨ bar arazir kabar aghua.