Joel 2:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ia pura uan korotiaba abɨghɨva azir arazim damuan markɨ. Ian navir averiaba aven bɨghiregh, ian ararem akagham. Ia fo, Ikiavɨra Itir God gumazamiziba bar me gifongegha bar men kuarkufi. Egha zuamɨrama atarir pu. Puvatɨ. An apangkuvim bar moghɨra men ekefe. Egha a zurara uan nɨghnɨzim gɨghasa ifongeghavɨra ikia, egha gumazamizibar arazir kuraba ikarvazir puvatɨ. Kamaghɨn amizɨ, ia ua Ikiavɨra Itir God, ian God bagh izɨ.

Joel 2:13 ပူးပေါင်းရင်းမြစ်များ

Onger Akaba 86:15

O Ekiam, apangkuvir arazim ko, akurvazir arazim bar nɨ gizɨvazɨ nɨ zuamɨrama atarir puvatɨ. Nɨ bar en apangkuvigha, deravɨra uan akamɨn gɨn ghua egha nɨghnɨzim giraghɨrazir puvatɨ.

Onger Akaba 34:18

Gumazamizir naviba osɨa itiba, Ikiavɨra Itir God bar men boroghɨra iti. Egha gumazamizir osɨmtɨzir ekiar me abɨnasava amiba, a men akurvasi.

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

Onger Akaba 86:5

O Ekiam, nɨ bar dera, egha gumazibar arazir kuraba gɨn amadi. Egha nɨ ko mɨgeir gumazamiziba, nɨ apangkuvir ekiam men ikia, men azangsɨziba barasi.

Onger Akaba 103:8

Ikiavɨra Itir God en kuarkuva an apangkuvim en iti. A bar en apangkuvigha zuamɨram en atarir puvatɨ.

Jona 4:2

Egha a kamaghɨn Ikiavɨra Itir God ko mɨgɨa ghaze, “Ekiam, nɨ nan akam barakigh. Kɨ tɨghar nguibam ataghɨraghamin dughiamɨn, kɨ fo, arazir nɨ amizir kam nɨ a damuam. Kamaghɨn amizɨ, kɨ arɨ mangasa, egha ara Tarsisɨn zui. Kɨ fo, nɨ gumazamiziba bar me gifongegha, bar men apangkufi. Egha nɨ zuamɨrama atarir pu. Puvatɨ. Nɨn apangkuvim bar moghɨram en ekefe. Egha nɨ zurara uan nɨghnɨzim gɨghasa ifongeghavɨra ikia, egha gumazamizibar arazir kuraba ikarvazir puvatɨ.

Aisaia 66:2

Kɨ uabɨ, uan dafarimningɨn overiam ko nguazim ko biziba bar dar ingarizɨ, da otivigha iti. Nan navim kamaghɨn amir gumazamizibar iti: Gumazamizir uari abɨrava, uan arazir kuraba bagha osemegha, nan akam baregha nan atiatia nɨgha, nan apengan itiba, kɨ men gara bar me gifonge. Kɨ Ikiavɨra Itir God, kɨ mɨkemegha gɨfa.

2 Samuel 1:11

Devit akar kam baregha bar osemegha uan korotiam abɨki. Ezɨ an mɨdorozir gumaziba uaghan kamaghɨram ami.

Akɨnafarir Pol Romɨn Nguibar Ekiamɨn Itir Sios Bagha Osirizim 2:4

Manmaghɨn amizɨ God arazir aghuibar nɨ gamua, egha dughiar ruarimɨn nɨ mɨzua ikia, nɨn arazir kuram bagha ivezir kuram zuamɨra nɨ ganɨngizir puvatɨ. Godɨn arazir aghuarir kam, nɨ ti an garima a ti pura bizim? Nɨ uan navim giraghasa God ifuegha arazir aghuimɨn nɨ gami. Nɨ foz, o?

Onger Akaba 51:17

O God, nɨ kamaghɨn ifonge, kɨ ofan mɨn bar uabɨ abɨragh bar nɨn apengan ikiam. Gumazamizir uari abɨra navibagh iziba, nɨ akɨrim ragha me gasir puvatɨ.

2 Atriviba 22:19

nɨ bizir kɨ Jerusalem ko an itir gumazamizibar amuasa mɨkemeziba, nɨ dagh fo. Kɨ kamaghɨn mɨgei, Jerusalem bar ikuvigh pura danganir kɨnimɨn ikiam. Eghtɨ Kantrin Igharazibar Gumazamiziba uan apaniba akar kurabar me mɨkɨmsɨ, kamaghɨn mɨkɨmam, “Ia Jerusalemia ikuvizɨ moghɨn ia ikufigh.” Ezɨ atrivim, nɨ akar kam baregha navim giragha, nan damazimɨn uabɨ abɨra. Egha nɨ datɨrɨghɨn uan korotiam abigha, azia nan dei. Kamaghɨn amizɨ, kɨ Ikiavɨra Itir God, kɨ kamaghɨn mɨgei, kɨ nɨn dɨmdiam baraki.

Efesus 2:4

Guizbangɨra, en arazir kuraba e gamizɨ en duaba guizbangɨra aremezɨ moghɨn iti, mati gumazamizir ariaghireziba. Ezɨ God bar e gifongezɨ, an apangkuvir dafam bar e avara. Kamaghɨn an e gamizɨ e Krais ko angamɨra iti. Ezɨ God uan apangkuvimɨn tuavimra, a en akura.

Onger Akaba 106:45

A ua uan Akar Dɨkɨrɨzir Gavgavim ginɨrɨgha ua bar men apangkufi. Egha ua uan nɨghnɨzim gɨra.

Jopɨn Akɨnafarim 1:20

Ezɨ Jop kamaghɨn oregha bar osemegha, dɨkavigha uan korotiar ruarim abigha uan dapanim gise. Egha Godɨn damazimɨn tevimning apɨrigha, uan guam nguazim mɨtuagha Godɨn ziam fe.

Dɨboboniba 14:18

‘Kɨ Ikiavɨra Itir God, kɨ zuamɨra anɨngazir puvatɨ. Kɨ zurara gumazamizibar apangkuva, egha zurara uan mɨgɨrɨgɨabar gɨn ghua guizɨn arazibagh ami. Kɨ men arazir kuraba ko arazir akaba batoziba ko, igharagha garir bizir kurar avɨriba gɨn amadi. Egha kɨ garima, arazir kurabagh amir gumaziba, me osɨmtɨziba itima, kɨ ivezir kuram me ganɨdi. Egh men boribar borir gɨn otivamiba, kɨ ivezir kuram me danɨng mangɨtɨ men igiav otaribar boriba otivigham.’

Nehemia 9:17

Me nɨn akabar gɨn mangan aghua. Me mirakelɨn gavgavir nɨ men tongɨn amiziba, me bar da gɨn amada. Me uari fa puv akaba batogha, ua Isipɨn mangɨ ua kalabuziar ingangaribar amuasa, men faragha zuir gumazim, me uari bagha anemɨsefe. O God, nɨ nguazir kamɨn gumazamizibar arazir kuraba gɨn amadi. Nɨ en kuarkuvigha e gifuegha deragha e gami, egha bar nɨmɨra nɨmɨra en atari. Nɨn apangkuvir arazim ekevegha, nɨ en inazir afeziaba akɨrim me gasarazir puvatɨ.

1 Timoti 4:8

Nɨ fo, e uan mɨkarzibar amutɨ da gavgavighsɨ, e ingarɨva bizir maba sara damutɨ en mɨkarziba gavgavigham. Eghtɨ e Godɨn Arazibar sure damutɨ da en ikɨtɨ e gavgavigham, da bar en akurvaghvɨra ikiam. Egh da e datɨrɨghɨn itir ikɨrɨmɨrim ko ikɨrɨmɨrir gɨn iniamimɨn en akurvagham.

Nahum 1:3

Ikiavɨra Itir God a zuamɨram atarir puvatɨ. A Godɨn Gavgavir Ekiaba Itim, egha a zurara arazir kurabagh amir gumazamiziba mɨzazim me gasi. Ikiavɨra Itir God, danganir manamɨn mangɨtɨ, amɨnir ekiam ko amozim otivam, eghtɨ ghuariaba mati an dagarimning nguazim dɨtima, nguazim mɨneziba mɨzi.

Esekiel 9:4

egha kamaghɨn a mɨgei, “Nɨ dɨkavigh Jerusalemɨn nguibar ekiam bar an averiam daruva gumazamizir men namakaba amir arazir kurar God aghuazibar osemegha itiba, nɨ me bativ, men guaba osizirir ababanim me darɨgh.”

2 Atriviba 6:30

Kamaghɨn amizɨ, atrivim akar kam baregha bar osemegha, uan korotiam abɨki. A nguibar ekiam avɨnizir dɨvazir mɨtiar gavgavim gisɨn aruavɨra itima, gumazamiziba datɨrɨghɨn an buaber korotiamɨn garima, atrivim uan korotiar azenan itimɨn aven aneru.

2 Atriviba 5:7

Ezɨ Israelian atrivim akɨnafarir kamɨn ganigha uan navir osɨmtɨzim akakagha uan korotiam abɨki. Egha a kamaghɨn mɨgei, “Amei! Sirian atrivim tizim bagha kamaghɨn na bagh akam amada, kɨ mangɨ gumazir kamɨn arɨmariam akɨrigham? A ti ghaze, kɨ God, kɨ gumazim damightɨ a deragh ikiamin gavgavim iti, a? O kɨ gumazim damightɨ, an aremeghamin gavgavim iti, a? Kɨ fo, a na mɨsoghasa tuaviba buri.”

1 Atriviba 21:27

Ezɨ Ahap, Elaijan akam baregha gɨvagha bar oseme. Egha uan korotiam abigha, azirakar korotiam arugha uan dakozim girɨghav ikia, dagheba ataki. A nɨghnɨzir avɨribagh amua, egha deragha uan ingangaribagh amir puvatɨ.

Jenesis 37:34

Ezɨ Jekop uan borim bar an apangkuvigha, uan korotiam abigha, azir korotiar mam aru. Egha dughiar ruarimɨn uan borim bagha azia iti.

Jenesis 37:29

Ezɨ gɨn Ruben ua ghua mozimɨn garima, Josep mozimɨn itir puvatɨ. Ezɨ a dɨgavir kuram gamigha nɨghnɨgha avegha uan korotiam abɨki,

Aisaia 58:5

Ia ti ghaze, ia dagheba ataghɨrazir araziba, kɨ da mɨsevegha dagh ifonge, a? Ia azirakar korotiaba aghuigha uan dapaniba avigha uaghira, mati ighurunim amɨnim a givarazɨ, a nguazim girɨghav iti, egha ia avernim gisɨn akua uaghan uari abɨnasa arazir maba saram ami. Egha ia ti ghaze, arazir kaba ti na damutɨ, kɨ navir aghuim ian ikiam, a? Bar puvatɨ.

2 Atriviba 22:11

Ezɨ atrivim Godɨn Akɨnafarir kamɨn aven itir Arazibar Akaba baregha, bar osemegha uan korotiam abɨki.

Jeremaia 41:5

ezɨ Sekemɨn nguibam ko, Silon nguibam ko, Samarian nguibamɨn gumazir 80pla arua iza Mispan boroghɨra izi. Me wit ko pauran mughuriar aghuim zuim inigha, Ikiavɨra Itir Godɨn Dɨpenim bagha Jerusalemɨn mangɨ ofa damuasa zui. Gumazir kaba uan ghuamasɨzibagh isava, uan korotiaba abɨgha, tintinibar uan mɨkarzibar ghora uan apangkuvim ko osɨmtɨzim akakaghasa.

Jeremaia 42:10

Ia Judan nguazimɨn kagh ikɨtɨ, kɨ gavgavim ia danɨngigh, egh ia dɨkabɨraghan kogham. Guizbangɨra, bizir kurar kɨ ia gamizir kam, a na gamima kɨ bar oseme. Kamaghɨn kɨ ia akaragh, ua ia asighan kogham.

Hosea 14:1

O Israelia, ian arazir kuraba ia gamizɨ, ia asaghpora ire. Kamaghɨn amizɨ, ia uamategh Ikiavɨra Itir God, ian God bagh izɨ.

2 Eghaghaniba 6:27

nɨ uan Nguibamɨn ikɨ, e Israelia, e nɨn ingangarir gumazamiziba, nɨ en azangsɨziba baragh, en arazir kuraba gɨn amang. Egh nɨ uan arazir aghuibar en sure damu. Egh amozim amadaghtɨ a nguazir nɨ fomɨra e ganɨngizim gizɨ.

Jeremaia 36:7

Ikiavɨra Itir God atara bar gumazamizir kaba bar men anɨngaghe, egha bizir kuratamɨn me damuasa mɨgei. Eghtɨ gumazamiziba ti uan arazir kurar me amiba ategh, Ikiavɨra Itir God ko mɨkɨmtɨ, a men dɨmdiam baragham.”

Jona 3:9

E kamaghɨn damightɨma, God ti ua uan nɨghnɨzim giragh, egh uam ataran koghtɨ, e ovengan kogham.”