Joel 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Me zuima nguazim mati mɨkɨmkɨzim a gɨnobazɨ a ivazvasi, ezɨ overiam mati God a gɨnobazɨ a nɨdi. Ezɨ aruem ko iakɨnim mɨtarmangizɨ, mɨkoveziba ua isir puvatɨ.

Joel 2:10 ပူးပေါင်းရင်းမြစ်များ

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Aisaia 13:10

Dughiar kamɨn, mɨkoveziba bar dar angazangarim mungegham. Egh aruem otoghtɨ, an angazangarim mɨtarmegham, eghtɨ iakɨnimɨn angazangarim puvatɨgham.

Onger Akaba 18:7

Kamaghɨn amizɨ, a nan apanibar atari. Egha mɨkɨmkɨzim gamizɨ an otogha, mɨghsɨabagh inobaghnobasi.

Aposel 2:20

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ekiam Izamin Dughiam otogham. Dughiar kamɨn Ekiam uan gavgavim ko angazangarim sara izam.

Akar Mogomem 6:12

Ezɨ Sipsipɨn Nguzim akɨnafarimɨn kendelɨn grisɨn namba 6 adangi, ezɨ kɨ ua garima mɨkɨmkɨzir dafam nguazimɨn oto. Ezɨ aruem isiragha gari puvatɨzɨ, overiam ko nguazim mɨtatangi. Ezɨ iakɨnim bar aghevegha ghuzimɨn mɨn gari.

Jeremaia 4:23

Kɨ Jeremiah kɨ garima, nguazim bar ikuvigha pura itima, bizir aghuitam a gisɨn itir puvatɨ. Ezɨ kɨ overiamɨn gari, angazangaritam an itir puvatɨ.

Akar Mogomem 8:12

Ezɨ enselɨn namba 4 uan sɨgham givi, ezɨ me aruem ko iakɨnim ko mɨkoveziba 3plan okoruabar vaghvagha da tuira. Egha me aruemɨn okoruar mam gasɨghasɨgha, iakɨnimɨn okoruar mam gasɨghasɨgha, egha mɨkovezibar okoruar mam gasɨghasɨki. Kamaghɨn amizɨ, arueba bar, dughiar mabar aruem isir puvatɨgha mɨtatangi, ezɨ dɨmagariba bar, dɨmagarir maba iakɨnim ko mɨkoveziba isir puvatɨgha angazangariba puvatɨ.

Nahum 1:5

God uan gavgavim akazɨ, mɨghsɨaba agoa nɨgha, dɨpabar mɨn otifi. A uan gavgavim akazɨ, mɨkɨmkɨzim nguazim ginobagha a gamima a nɨsi, ezɨ gumazamiziba uaghan agoa nɨsi.

Joel 2:31

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Aisaia 34:4

Aruem ko, iakɨnim ko mɨkoveziba bar moghɨra kuarigh iregh gɨvagham. Eghtɨ overiam mati akɨnafarim me a irigha a nomke. Mɨkoveziba ko bizir overiamɨn ikia isiba, mati wainɨn ikarɨzibar dafarir mɨdiariba ko fighɨn temebar ovɨzir mɨdiariba, mɨsigha ira nguazim girezɨ moghɨn nguazim giram.

Onger Akaba 114:7

O nguazim, datɨrɨghɨn Ekiam a izɨ, nɨ nɨghɨva akong. A Jekopɨn God a izegha gɨfa, ezɨ nɨ an damazimɨn nɨghɨva akong.

Matyu 27:51

Ezɨ dughiar kamra, Godɨn Dɨpenimɨn guraghav itir inir ekiam pɨn ikegha tongɨra bigha, ghuaghira vɨn otogha akuar pumuning irɨ. Ezɨ mɨkɨmkɨzim otozɨma, dagɨar ekiaba bɨaghire.

Amos 5:8

God mɨkovezir kamning Guezam ko, Iavibamɨn ingarigha, egha uaghan mɨkovezir pɨn ikia angazangarim anɨdiba sara ingari. A mɨtarmer bar pɨzim gɨrazɨ, angazangarim oto. Egha angazangarim gɨrazɨ mɨtatem oto. Egha ongarimɨn deima, a izima, an a isa nguazim ginge. A gumazir gavgaviba ko men dɨpenir gavgaviba sarama asɨghasɨsi. God bar bizir kabagh ami, ezɨ an ziam, Ikiavɨra Itir God.

Joel 2:2

Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Akar Mogomem 9:2

Ezɨ mɨkovezir kam, mozir torir bar konezimɨn akam kuizɨ, mɨgharim torir akamɨn azenan otiva, avir bar ekiamɨn mɨgharimɨn mɨn anadi. Egha mɨgharim torir kamɨn anaga aruem ko overiam avarazɨ, aning mɨtatangi.

Aisaia 5:30

Eghtɨ dughiar kamɨn, mɨdorozir gumaziba izɨ Judan kantri gasɨghasɨgham, egh me bar pamtemɨn dɨm nɨgɨnir dafam damuam, mati ongarim dɨpɨra iza ongarir dadarim gɨra tɨngazi. Eghtɨ gumazitam ian kantrin kamɨn gantɨ, a bar ikuvightɨ, ghuariar pɨziba aruemɨn angazangarim apazaghtɨ, kantrin kamɨn danganiba bar mɨtarmegham.

Joel 3:4

“Ia Tair ko, Saidonɨn nguibamningɨn adarazi ko, Filistian kantrin danganiba bar, ia manmaghɨn na damuasa? Ia ti ghaze, Kɨ arazir kuram gamizɨ, ia na ikarvaghasa a? Ia kamaghɨn nɨghnɨghtɨ, kɨ zuamɨra ian arazir kuram ikaragham.