Joel 1:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ikiavɨra Itir Godɨn Dɨpenimɨn aven, ofa damuamin dagheba ko wainɨn dɨpaba puvatɨ. Ofa gamir gumaziba, me Ikiavɨra Itir Godɨn ofa damuamin biziba puvatɨ. Kamaghɨn amizɨ, me azi.

Joel 1:9 ပူးပေါင်းရင်းမြစ်များ

2 Eghaghaniba 13:10

“Ezɨ e Ikiavɨra Itir God, a en God, e an gɨn ghuavɨra ikia, akɨrim ragha a gasarazir puvatɨ. Ezɨ Aronɨn ovavir boriba, me ofa gamir gumazibar ikia, Ikiavɨra Itir Godɨn ingangarim gamima, Livaiba men akurvasi.

Ua Me Ini 28:1

Egha Ikiavɨra Itir God mɨgɨavɨra ikia kamaghɨn mɨgei, “Moses nɨ uamategh mangɨgh egh dughiar kamɨn uan avebam Aron ko an otarir kaba, Nadap, Abihu, Eleasar, ko Itamar, men diaghtɨ me izɨ. Egh nɨ Israelian tongɨn me amɨsevegh me damightɨ me nan ofa gamir gumazibar mɨn ikɨ nan ingangaribar amu.

Aisaia 61:6

Eghtɨ ia uari Ikiavɨra Itir Godɨn ofa gamir gumazibar mɨn ikɨtɨ, me ziar kam Godɨn ingangarir gumaziba ia darɨgham. Eghtɨ Kantrin Igharazibar Gumazamiziba ia bagh bizir avɨriba inigh izɨtɨ, ia bizir bar avɨriba ikiam. Eghtɨ ia bizir avɨrir me ia danɨngamiba bagh, bar akuegham.

Hosea 9:4

Ia ikɨzir igharazibar kantrin ikiamin dughiamɨn, ia asɨziba ko wainɨn dɨpaba ofan mɨn Ikiavɨra Itir God danɨngan kogham. Ian dagheba ia damightɨ, ia Godɨn damazimɨn mɨzegham, mati dagher me gumazir kuamɨn azia, egha apim, ezɨ dagher kam me gamizɨ, me mɨze. Dagher kaba, ia pura naviba izɨvsɨ da iniam. Ia dagher nar katam inigh Ikiavɨra Itir Godɨn Dɨpenimɨn mangɨ an ofa damighan kogham.

Joel 1:13

E uan Godɨn Dɨpenimɨn ofa damuamin dagheba ko wainba puvatɨ. Kamaghɨn amizɨ, ia ofa gamir gumazir ofa gamir dakozimɨn ingangarim gamiba, ia azirakar korotiar pɨziba aghuigh egh azi. Ia dɨmagarimɨn azirakar korotiar pɨziba aghuigh, Godɨn Dɨpenimɨn aven mangegh ikɨ mangɨtɨ amɨnim tiragh.

Joel 1:16

En dagheba en damazimɨn bar ikuvigha gɨfa, e manmaghɨra damuam? E uan Godɨn Dɨpenimɨn mangɨ, bar akuegh ighiabar amuan kogham.

Joel 2:14

Ia ua Ikiavɨra Itir God, ian God, ia a bagh izɨtɨ, a ti uan nɨghnɨzim giragh, deraghvɨra ia damuam, egh dagher avɨriba ia danɨngam. Eghtɨ ia a bagh ofa damuamin dagheba ko wainba ikiam.

Joel 2:17

Nan ofa gamir gumaziba, me nan ingangarir gumaziba, nɨ me mɨkemeghtɨ, me Godɨn Dɨpenimɨn azuarim ko, ofa gamir dakozimɨn tongɨn tugh aziva arang kamaghɨn mɨkɨm, ‘O Ikiavɨra Itir God, e nɨn gumazamizibara. Nɨ uan gumazamizibar apangkufigh. Puvatɨghtɨ, kantriba bar, akɨrim ragh e gasaragh dɨbovir akabar e mɨkɨmam. E nɨn azai, nɨ Kantrin Igharazibar Gumazamiziba ateghan koghtɨ, me e dɨpova kamaghɨn mɨkɨman kogham, Ian God managh iti?’ ”