Joel 1:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ia gumazamiziba, ia azi, mati guivir igiam gumazir igiamɨn ikiasa a ginabazɨ an areme, ezɨ a uan pam bagha puv azia, azirakar korotiar pɨziba aghui.

Joel 1:8 ပူးပေါင်းရင်းမြစ်များ

Aghuzir Akaba 2:17

Kamagh garir amizim, fomɨra uan igiamra pamɨn ike, egha datɨrɨghɨn a gɨn amadagha anetaki. A fomɨra Godɨn damazimɨn dɨkɨrɨzir akam datɨrɨghɨn a bakɨnɨghnɨki.

Aisaia 22:12

Egha bizir kaba otivir dughiamɨn, Ikiavɨra Itir Godɨn Gavgaviba Bar Itim, nan Ekiam, a kamaghɨn ifonge, Ia aziv arang kuarkuv, egh uan dapaniba bar dagh isegh, egh azir korotiabar aghuigh.

Aisaia 32:11

Datɨrɨghɨn ian dabirabim derazɨ ia ghaze, ia deravɨra ikiam. Egh ia atiating nɨghɨva akong uan korotiar aghuiba suva, azirakar korotiabar aghuam.

Jeremaia 3:4

Ia datɨrɨghɨn na mɨgɨa ghaze, ‘Ikiavɨra Itir God, nɨ en afeziam, egha igiamra e gifongegha iza datɨrɨkɨn.

Amos 8:10

Ia isar ekiabagh amua bar akongezir dughiaba, kɨ dagh iraghtɨ, da mati gumazim ovengezɨ, ia an aghuimazimɨn iti moghɨn ikiam. Kɨ ian onger akabagh iraghtɨ, da azir onger akabar mɨn otivigham. Kɨ ia damutɨ ia azirakar korotiabar aghuigh, egh uan osɨmtɨzim akakaghsɨ, bar moghɨra uan dapanir arɨzibagh isegham. Kɨ ia damutɨ ia mati poroghamimning borir vamɨrara itima, an areme, ezɨ aning a bagha osemezɨ moghɨn, ia azi bar osemegham. Dughiar kurar kamɨn osɨmtɨzim, mati ia dagher mɨsozim amezɨ a ia mɨsozi moghɨn, a mangɨvɨra ikɨ mangɨ gɨvagham.

Malakai 2:15

Gua poroghamimning, God gua gamizɨ, gua mɨkarzir vamɨra ko, nɨghnɨzir vamɨra iti. God tizim bagha arazir kam gami? A kamaghsua, E boriba batɨtɨ, me guizbangɨra Godɨn adarazir ikiam. Egh ia bizir kam bagh deraghvɨra gan, ia uan amuir inigha itir kaba ko akar dɨkɨrɨzir gavgavir kaba, ia da abɨghan markɨ.

Jems 5:1

Ezɨ datɨrɨghɨn, bizir avɨriba itir gumazamiziba, kɨ akam ia mɨkɨmasa ifonge. Ia oragh! Ia osɨmtɨzir ekiar ia bativamibagh nɨghnigh, pamtem dɨmɨva arang ikɨ.