Joel 1:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ia gumazamizir aruaba, ia oragh. Ia Judan nguazimɨn itir gumazamiziba bar, kuariba arɨkigh. Kɨ datɨrɨghɨn otivir biziba bagh ian azangsɨghasa. Fomɨra bizir kamaghɨn garitam ti ian dughiam ko ian inazir afeziabar dughiamɨn otoz, o puvatɨ?

Joel 1:2 ပူးပေါင်းရင်းမြစ်များ

Joel 2:2

Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.

Hosea 5:1

“O ofa gamir gumaziba, ia akar kam baragh. Ia Israelia, deravɨra kuaribar arigh nan akam baragh. Ia atrivimɨn adarasi, ia oragh. Ia kotɨn aven tughtɨ, kɨ deravɨra ian osɨmtɨziba tuisɨgham. Kɨ fo, ia ofa gamir gumaziba azuazimɨn mɨn gumazamizibagh ifarava me gekua, Mispan nguibam ko Taborɨn Mɨghsɨamɨn asebar ziaba fe. Kamaghɨn amizɨ, ia gumazamizir avɨribar nɨghnɨzibar suirazɨ, me okam nɨghnɨsi. Ia mati asɨzir atiabar suizir mozibar mɨn iti. Kamaghɨn amizɨ, kɨ ivezir kuram isɨ bar ia danɨngam.

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Jopɨn Akɨnafarim 8:8

Nɨ inazir afeziar fomɨra ikezibar nɨghnɨzir aghuibagh fogh, egh men fofozim deraghvɨram a tuisɨgh.

Matyu 24:21

Dughiar izamin kaba, da osɨmtɨzir ekiabar dughiaba. God nguazim ko overiamɨn ingarizir dughiamɨn iza datɨrɨkɨn, egh ua kamaghɨn dughiatam otoghan kogham.

Matyu 13:9

Tina kuarimning iti, an oragh.”

Maika 3:9

Ia Jekopɨn ovavir boribar gumazir dapaniba deragh na baragh, ia guizɨn arazibar aghua. Ia Israelian gumazir aruaba, ia arazir aghuibagh irazɨ, da ghua arazir kurabar mɨn otifi.

Maika 3:1

Kɨ ghaze: “Ia oragh, ia Jekopɨn ovavir boribar gumazir dapaniba, ia Israelian gumazir aruaba, ia arazir aghuibagh nɨghnɨgh da bagh ingar.

Maika 1:2

Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.

Amos 5:1

O Israelia, ia oragh! Ia mati gumazim aremezɨ moghɨn iti. Kamaghɨn amizɨ, kɨ azirakar ighiar mam ia bagh a bangɨtɨ, ia a baragham.

Amos 4:1

Ia Samarian amiziba, ia akar kam baragh: Ia mati bulmakaun aghuibar mɨn grazir avɨrim apava ian mɨkarziba bar dera. Gumazamizir gavgaviba puvatɨziba, ia bar pazavɨra me gami. Egha ia osɨmtɨziba isa onganarazibagh amir gumazamizibagh anɨga, tong men apangkuvir puvatɨ. Egha ia uaghan uan pabar dia uari bagh wainɨn dɨpaba inigh izasa me mɨgɨa ghaze, “Ia wainɨn dɨpar avɨriba inigh izɨtɨ, e dar amɨ onganam.”

Amos 3:1

O Israelɨn gumazamiziba, ia oragh! Ikiavɨra Itir God Isipɨn kantrin aven ia inigha azenan ize, ia bar moghɨra deragh an akar a ia gasim baragh.

Joel 1:14

Ia gumazamiziba bar me mɨkemeghtɨ, me dagheba atakigh. Egh Judan nguazimɨn itir gumazamiziba bar men diaghtɨ, me izɨ Ikiavɨra Itir God, ian Godɨn Dɨpenimɨn uari akuvagh, an dɨmɨva arang.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Daniel 12:1

Ezɨ enselɨn korotiar ghurghurim aruzim, kamaghɨn mɨgei, “Dughiar kam otivam, enselɨn bar ekiam Maikel, kar Israelɨn gumazamizibar garir ensel, an otogham. Eghtɨ dughiar kamɨn osɨmtɨzir bar ekiam otivam. Egha fomɨra osɨmtɨzir kamaghɨn garitam nguazir kamɨn nguibatamɨn otozir puvatɨ. Ezɨ dughiar osɨmtɨzir kam otivamim, Israelian gumazamizir men ziaba Godɨn akɨnafarimɨn aven itiba God ua me iniam.

Jeremaia 5:21

Ia gumazamizir nɨghnɨzir aghuiba ko foziba puvatɨziba. Ia damaziba ikia, bizibar garir puvatɨ. Egha ia kuariba ikia, biziba barazir puvatɨ. Ia datɨrɨghɨn kuariba arigh deraghvɨra nan akaba baragh.

Aisaia 34:1

Ia nguazir kamɨn itir kantriba bar dar gumazamiziba, ia izɨ. Ia ikɨziba bar izɨ uari akuvagh akar kam baragh. Nguazim ko an itir biziba bar moghɨra, ia uaghan kuariba arigh deraghvɨram oragh.

Aisaia 7:17

Eghtɨ Ikiavɨra Itir God nɨ ko nɨn gumazamiziba ko nɨn adarazi bagh dughiar bar kuram amadaghtɨ a izam. Dughiar Judaba ko Israelia uari abigha ikia iza datɨrɨghɨn, osɨmtɨzir tam me batozir puvatɨ. Ezɨ datɨrɨghɨn osɨmtɨzir bar kuram me bativam. Osɨmtɨzir kam a kamakɨn: Ikiavɨra Itir God, Asirian atrivimɨn amamangatɨghtɨ, a Judaba bagh izam.

Onger Akaba 49:1

Ia bar moghɨra bizir kam baragh. Ia nguazir kamɨn itir gumazamiziba, ia bar kuariba arigh deragh nan akam baragh.

Jopɨn Akɨnafarim 21:7

“Tizim bagha God arazir kurabagh amir gumazamiziba ataghɨrazi me ikia bar ghuri? Egha tizim bagha a me ataghɨrazi me gumazir ekiabar otiva gavgaviba ikia bizir avɨriba iti?

Jopɨn Akɨnafarim 15:10

Gumazir ghurir ghurapaniba e ko iti. Ezɨ men azeniba nɨn afeziamɨn azeniba bar dagh afira.

Jopɨn Akɨnafarim 12:12

Guizbangɨra, gumazamizir ghuriba nɨghnɨzir aghuiba ko fofoziba iti.

Akar Mogomem 2:7

“Tina kuarimning iti, an akar Godɨn Duam siosbav geiba baragh. Gumazamizir mɨdorozim gamua apaniba abɨriba, kɨ men amamangatɨghtɨ, me ikɨrɨmɨrir aghuim anɨdir tememɨn daghebar amam. Temer kam, Godɨn Nguibar Aghuarimɨn itir azenimɨn iti.”