Joel 1:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Temeba ko graziba bar mɨsɨngi, mati avivzariam dar isi. Kamaghɨn amizɨ, O Ikiavɨra Itir God, kɨ pamten nɨ ko mɨgɨa nɨn dei.

Joel 1:19 ပူးပေါင်းရင်းမြစ်များ

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Amos 7:4

Ikiavɨra Itir Godɨn Ekiam ua irebamɨn mɨn garir bizimɨn aven bizir igharazim nan aka. Kɨ irebamɨn mɨn garir bizimɨn gari, Ikiavɨra Itir Godɨn Ekiam, ivezir kuram uan gumazamizibar anɨngasa avim gamizɨ a izaghiri. Ezɨ gɨn avir kam ongarir ekiar bar konimɨn isigha, gɨn nguazimɨn isia ghuavɨra iti.

Maika 7:7

Ezɨ kɨ uabɨ, nɨghnɨzir gavgavim Ikiavɨra Itir Godɨn ikɨ a mɨzuamam. Eghtɨ a kɨ a ko mɨgeir azir akaba baregh, izɨ nan akuragh na inightɨ, kɨ deraghvɨra ikiam.

Luk Osirizir Akar Aghuim 18:7

God inabazir gumazamiziba, me dɨmagariba ko aruebar a bagha araima, a men osɨmtɨziba bagh izɨ da akɨram, o puvatɨgham? A me ataghɨraghtɨ me pura mangam? Bar puvatɨ.

Joel 2:3

Da mati, avim dadabar isi moghɨn dagheba ko, graziba, ko, bizir igharaziba sara bar ada agɨfa. Danganir da tɨghar mangamiba, da bar deragha, mati Idenɨn Azenim. Ezɨ danganir me ter afariba ko, graziba amegha gɨvaziba, da mati danganir mɨsɨngizim. Da bizitam ataghizɨ, a itir puvatɨ. Bar puvatɨ. Da biziba bar ada gɨfa.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

Luk Osirizir Akar Aghuim 18:1

Egha Iesus akar isɨn zuir mamɨn uan suren gumazibav gei, egh men akaghtɨ, me zurara God ko mɨkɨm mamaghɨra ikiam. Egh amɨrvaghan kogham.

Jeremaia 14:4

Amoziba Judan kantri gizir puvatɨzɨ, nguazim bar mɨsɨngi. Kamaghɨn amizɨ, gumazir azeniba opariba, bar osemegha aghumsigha uan guaba monge.

Amos 1:2

Amos kamaghɨn mɨgei: “Ikiavɨra Itir God, Jerusalemɨn nguibar ekiamɨn Saionɨn Mɨghsɨamɨn iti. Egha an azenan iza pamtemɨn dɨa dagarvasi. Ezɨ grazir aghuariba ko, Karmelɨn Mɨghsɨamɨn orazimɨn itir terafariba bar mɨsɨngi.”

Jeremaia 3:9

A ghaze, an arazir tuavimɨn amiziba gumaziba okɨa me isava akuir kam, a pura bizim. Egha a dagɨaba ko temebar marvir guabar ziaba fe. A kamaghɨn amua, nguazir kam gamizɨ, a nan damazimɨn bar mɨze.

Jeremaia 9:9

Bar guizbangɨra, kɨ gumazamizir kabar arazir kuraba ikarvaghɨva, bar me gasɨghasigham. Kɨ Ikiavɨra Itir God, kɨ mɨkemegha gɨfa.”