Joel 1:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Witba ko, baliba ko, dagheba ko, bizir maba sara bar ikufi. Kamaghɨn amizɨ, ia gumazir azenimɨn ingariba ko, gumazir wainɨn azenimɨn ingariba, ia naviba osemegh azi.

Joel 1:11 ပူးပေါင်းရင်းမြစ်များ

Jeremaia 9:12

Ezɨ kɨ Jeremaia kamaghɨn Ikiavɨra Itir God mɨgei, “Nguazir kam tizim bagha ikuvigha gɨfa, egha gumazamiziba puvatɨzir danganimɨn mɨn iti? Gumazir manatam Ikiavɨra Itir God nɨghnɨzim a danightɨ, a bizir kamɨn mɨngarimɨn gumazamizibav kɨmam?”

Akɨnafarir Pol Romɨn Nguibar Ekiamɨn Itir Sios Bagha Osirizim 5:5

God uan Duamɨn, an arazir gumazamizibagh ifongezim e gingezɨ, a bar en navibagh izɨfa. Kamaghɨn amizɨ, e Godɨn bizir aghuiba bagha mɨzua, egha bar fo, e pura mɨzuai puvatɨ, da guizbangɨra otivam.

Amos 5:16

Ia arazir kurar kabagh ami, kamaghɨn nan Ikiavɨra Itir Godɨn Ekiam, a Godɨn Gavgaviba Bar Itim, a kamaghɨn mɨgɨa ghaze: “Kɨ ian tongɨn izɨ ivezir kuram isɨ bar ia danɨngam. Eghtɨ ia nguibar ekiamɨn aven itir tuaviba ko biziba amadir danganibar pamten azi suam, ‘Evzika! Evzika!’ Eghtɨ ia gumazir azenibar ingaribar diaghtɨ, me uaghan aziam. Eghtɨ gumazamizir gumazir aremeziba bagha azia foziba, me uaghan izɨ ian akuragh aziam. Eghtɨ gumazamizir wainɨn azenimɨn aven itiba, me uaghan izɨ ian akuragh azirakabar amuam. Kɨ Ikiavɨra Itir God, kɨ mɨkemegha gɨfa.”

Jeremaia 50:16

Ia bar Babilonia agɨfagh, eghtɨ gumazir dagheba oparitam ko, gumazir dagheba iniamiba puvatɨgham. Eghtɨ kantrin igharazir Babilonɨn itiba, ia Babilonia gasɨghasɨzir gumaziba, me ian atiatingam. Egh me zuamɨra Babilon ategh uamategh uan kantribar mangegh, uari uan gumazamizibara me ko ikiam.”

Esekiel 30:2

“O nguazir kamɨn gumazim, nɨ nan akaba inigh dar gun mɨkɨm: “Kɨ Ikiavɨra Itir Godɨn Ekiam, kɨ kamaghɨn mɨgei: Iavzika! Dughiar kuram a izi.

Jeremaia 14:2

Judan kantrin gumazamiziba bar osɨmtɨzir ekiamɨn ikia azi. An nguibabar aven itir gumazamiziba bar pazavɨra iti. An gumazamiziba tintinibar nguazim girav ikia puvɨram azima, men azirakam Jerusalemɨn nguibamɨn ikegha, nan kuarim bagha ghuavanadi.