Joel 1:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.

Joel 1:10 ပူးပေါင်းရင်းမြစ်များ

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Hosea 9:2

Ezɨ kɨran oveghangɨn ia dagheba, ko wainɨn dɨpaba puvatɨgham.

Jeremaia 12:11

Eghtɨ nguazir kam pura ikɨtɨ, gumazamiziba an puvatɨgham. A dɨpaba puvatɨzir danganimɨn mɨn otogham. Eghtɨ nguazim ikɨva azitɨ, kɨ a baragham. Eghtɨ nguazir kamɨn itir gumaziba, ua a gɨnɨghnɨghan kogham.

Joel 1:5

Ia gan, odezir kaba bar ian wainɨn ovɨzibagh asɨghasɨki. Kamaghɨn amizɨ, ia gumazir mɨghɨgha wainɨn dɨpam apava onganiziba, ia osegh dɨkavigh azi! Ia gumazamizir wainɨn dɨpaba apiba, ia uaghan uan wainɨn dɨpar isɨngtɨziba bagh azi.

Hagai 1:11

Kɨ uabɨ amozimɨn anogoroke. Egha kɨ aruer ekiam gamizɨ, a nguazim koma, mɨghsɨaba ko, ian witɨn azeniba, ian wainɨn azeniba, ian olivɨn temeba, nguazimɨn otivava aghuir zuravariba, ian asɨziba, gumazamiziba ko, me oparir dagher guar avɨriba, a bar dagh apongezɨ da mɨsɨngi.”

Joel 1:12

Wainɨn ikarɨziba ko fighɨn temeba bar mɨsɨngi. Ezɨ temer igharazir ovɨzir aghuiba itiba, da uaghan mɨsɨngi. Kamaghɨn amizɨma, gumazamizibar arazir bar akongezim, a bar gɨfa.

Jeremaia 48:33

Moapian nguazim dagher avɨribagh amima da otifi, ezɨ gumazamiziba da isa bar akonge. Eghtɨ, agoroger arazir kam ko akazim, da bar gɨvagham. Kɨ a me damightɨ, me ua wainɨn ovɨziba dɨka da mɨrmɨrir mɨner ekiabar aven, wain damuan kogham. Egh me bar akongɨva dɨmɨva arang wainɨn ovɨziba dɨkabɨnan kogham. Guizbangɨra, me dɨmɨva araghasɨ, egh me agoroger araghasɨzibar amuan kogham.

Jeremaia 12:4

Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Aisaia 24:11

Ezɨ gumazamiziba damamin wainɨn dɨpaba puvatɨ, kamaghɨn amizɨ, me nguibar ekiabar tuavibar mɨtivighav ikia wainɨn dɨpaba bagha dei. Gumazamiziba bar akongezir arazim gɨfa, ezɨ navir kuram ko navir osɨmtɨzimra nguazimɨn ruaghateviba bar, dar ghu.

Ofa Gami 26:20

Eghtɨ dagheba ian nguazimɨn otivan koghtɨ, ian temeba ban kogham. Kamaghɨn, ia kamaghɨn fogh suam, ian ingangarir ekiam pura mangɨ gɨvagham.

Jenesis 4:12

Egh nɨ otuegh azenibar ingarvɨra ikɨtɨ, nguazim uan ovimɨn suiraghtɨ nɨn dagheba deragh aghungan kogham. Egh nɨ uabɨ, nguibaba nɨn puvatɨghtɨma, nɨ gumazir guraghav itimɨn mɨn pura ituramɨ nguazir kamɨn danganiba bar dar aruam.”

Aisaia 15:6

Me fo, Nimrimɨn dɨpam bar mɨsɨngizɨ, an apɨnimɨn itir oghevseviba uaghan mɨsɨngi. Me ghaze, Danganir kam, oghevseviba ko, temeba ti uam an aghungan kogham.

Aisaia 24:7

Egha me garima, wainɨn ovɨzir igiaba mɨdɨima, wainɨn ikarɨziba uaghan mɨdɨi. Ezɨ gumazamizir wainɨn dɨpaba apa bar akongeziba, me datɨrɨghɨn naviba bar osemegha iti.

Joel 2:19

Egha Ikiavɨra Itir God uan gumazamiziba ikaragha kamaghɨn me mɨgei: “Ia gan! Datɨrɨghɨn kɨ dagheba ko wain dɨpaba, ko olivɨn borem ia danightɨ, ian dagheba avɨrasemegham. Eghtɨ Kantrin Igharazibar Gumazamiziba, dɨbovir akabar ia damuan kogham.

Habakuk 3:17

Eghtɨ fighɨn temeba ban koghtɨ, wainɨn ikarɨziba, wainɨn ovɨziba dar ituan koghtɨ, olivɨn temeba, ovɨziba dar ituan koghtɨ, azenimɨn dagheba puvatɨghtɨ, sipsipba bar arɨmɨghireghtɨ, bulmakaubar dɨpenim pura ikɨtɨ, eghtɨ kɨrara Ikiavɨra Itir God bagh bar akongegham. Kɨ fo, God, a uamategh na iniam. Kamaghɨn amizɨ, osɨmtɨzir kaba otivamin dughiamɨn, kɨ bar akuegh navir amɨrizimɨn ikiam.

Malakai 2:3

Ia oragh, ia bangɨn kɨ ian ovavir boriba ivezir kuram me danɨngam. Egh ia ofa gamir asɨzibar buariba isɨ ian guabar aghuigham. Egh ia batueghtɨ, ia mangɨ me asɨzibar buariba akuri naghɨn ikiam.