Jeremaia 9:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kamaghɨn, Ikiavɨra Itir Godɨn Gavgaviba Bar Itim mɨgɨa ghaze: “Kɨ uan gumazamizibar araziba tuisɨgh, mɨzazim me danɨngɨva men gan me gɨfofogham, mati gumazim silva isa avimɨn a tua, an mɨneziba mɨsɨva da batozɨ mokɨn. Kɨ gumazamizir kabar arazir kuraba bagh damuamin tuavitam ua itir puvatɨ. Bar puvatɨ.

Jeremaia 9:7 ပူးပေါင်းရင်းမြစ်များ

Aisaia 1:25

O Jerusalem, kɨ ingangarir gavgavim foregha, nɨn arazir kuram akɨrmɨgham, mati gumaziba silvan itir mɨneziba amɨsɨvasa da tue moghɨn, kɨ bar avir pamtemɨn isimɨn nɨ tuam. Kamaghɨra, kɨ ian arazir mɨzɨrɨziba adangasa.

Malakai 3:3

Avim golɨn isima a golrama otivi moghɨn, a gumazamizibar araziba tuisɨgham. Kamaghɨra Ikiavɨra Itir Godɨn ingangarir gumazim, Livain adarazir arazir kuraba batuegh, egh Ikiavɨra Itir God bagh ofan aghuiba inigh izam.

Jeremaia 6:27

Ikiavɨra Itir God, kamaghɨn na mɨgɨa ghaze, “Jeremaia, kɨ nɨ isa uan gumazamizibar tongɨn nɨ atɨ. Eghtɨ nɨ gumazamiziba tuisɨgh, mati gumaziba silva tuava a gɨfofozi moghɨn, me tuva me gɨfofogham, men araziba guizbangɨra dera, o ti puvatɨ.”

Aisaia 48:10

Kɨ ia damightɨ ia zueghasa nɨghnɨsi, egha kɨ avimɨn ia tuezir puvatɨ, mati gumazim silvan mɨneziba adangasa avimɨn da tue. Ia uan arazir kuraba ataghɨraghasa, kɨ osɨmtɨzir guar avɨriba ataghizɨ, da ia batifi. Kɨ tuavir kamɨn ian nɨghnɨziba ko araziba tuisɨsi.

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

1 Pita 4:12

Nan namakaba, osɨmtɨzir kam avimɨn mɨn ia tuivigh gavgavighasa ia batifi. Eghtɨ ia dɨgavir kuram damuan markɨ, egh suam, bizir igharagha gariba e batifi.

1 Pita 1:7

Arazir kamɨn God ian nɨghnɨzir gavgavibar gan fogham, ia guizbangɨra nɨghnɨzir gavgavim an iti, o puvatɨ. E fo, gol a bizir aghuim, eghtɨ me avimɨn a tuaghɨva, a gɨfogham, a guizɨn gol, o puvatɨ. Gol a gɨvaghamin bizim. Ezɨ en nɨghnɨzir gavgavim bar gol gafira. Kamaghɨn amizɨma, arazaraziba ia bativtɨ ia fogh, ia nɨghnɨzir gavgavim Kraisɨn iti. Eghtɨ dughiar Krais Iesus ua izamim, a bar ia gakueghɨva, ian ziaba fɨva ziar ekiaba ia danɨngam.

Jeremaia 31:20

Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

2 Eghaghaniba 36:15

Ezɨ men inazir afeziabar God, a uan Dɨpenim ko, uan gumazamizibar apangkuvigha, ivɨghvɨgha me mɨkɨmasa uan akam inigha izir gumaziba amangi.

2 Samuel 13:26

Ezɨ Apsalom a mɨgɨa ghaze, “Ia mamaghɨn izan aghuaghɨva, nan aveghbuam Amnon amadaghtɨ, an e bagh izɨ.” Ezɨ atrivim a ikaragha ghaze, “A bizir tizim baghvɨra nɨn gɨn mangam?”

Onger Akaba 55:22

Osɨmtɨzir nɨ aterir kaba bar, nɨ da isɨ Ikiavɨra Itir Godɨn dafarim datɨgh, eghtɨ an ada ater gavgavim nɨ danɨngam. Gumazir Godɨn damazimɨn deraziba, a me ateghtɨ bizitam me gasɨghasighan kogham.

Onger Akaba 62:5

Kɨ nɨghnɨzir gavgavim Godra ikia a baghavɨra iti. Anarɨra deragha nan garima, kɨ angamɨra ikiavɨra iti.

Onger Akaba 120:4

God ti afuzir ghumtɨzim inigh ia ginivam. A ti avir bar puvɨra isim inigh ia dapongam.

Aisaia 59:3

Egha ian dafariba gumaziba mɨsozi me ariaghɨrima, men ghuziba ian dafaribar pueghavɨra iti. Ian dafariba arazir kurabagh ami. Ian akaba, akar ifavarir guar avɨribagh ami. Akar kurabar ian mɨzebar otivaghiri.

Jeremaia 5:1

Ikiavɨra Itir God, kamaghɨn mɨgɨa ghaze: “Ia Jerusalemɨn gumazamiziba, ia uan tuaviba bar dar aru, uan biziba amadir danganibar ganigh fogh suam, gumazamizir aghuitam iti, o puvatɨ. Egh ia gantɨ, gumazamizir arazir aghuim ko guizɨn arazimɨn gɨn zuitam ikɨtɨ, kɨ nguibar ekiar kamɨn arazir kuraba gɨn amadagham.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.