Jeremaia 9:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ “Ia gumazamiziba kamaghɨn fogh, ian namakaba ko aveghbuaba ifara, mati ia uan inazir afeziam Jekopɨn mɨn ifari. Kamaghɨn amizɨ, ia bar me bagh deraghvɨra gan, nɨghnɨzir gavgavim men akabar ikian markɨ.

Jeremaia 9:4 ပူးပေါင်းရင်းမြစ်များ

Jeremaia 6:28

Ezɨ kɨ an akam ikaragha ghaze: “Gumazamizir kaba me akaba batogha, akaba uarigh asa gɨrakɨrangɨn uarira uariv gei. Me ifavaribagh amua men araziba bar ikufi. Egha men naviba ain ko brasɨn mɨn bar gavgavigha, arazir kurabar amuasa bar gavgafi.

Matyu 10:21

“Aveghbuaba uarira uari isɨ apanibar anɨngtɨ me me mɨsoghtɨ me arɨmɨghiram. Eghtɨ afeziaba uan boriba uaghan kamaghɨra me damuam. Boriba uan ameboghfeziabar akaba batoghɨva ovengamin arazibar me damutɨ, me arɨmɨghiram.

Ofa Gami 19:16

Ia namakaba ko daruva egh gɨrakɨrangɨn gumazir igharazim mɨkɨman markɨ. Me gumazitam osɨmtɨzir ekiam bagh a isɨ kotiam datɨghtɨ, ia kotɨn an akurvaghamin gavgavim ikɨ, ia an akuragh. Ia uan akabar kuaghtɨ, kot suam, a mɨsueghtɨ an aremegh, kar bizir bar kuram. Ia an akuraghasa, kɨ ifonge. Kɨ Ikiavɨra Itir God.

Jeremaia 12:6

Ezɨ nɨn aveghbuaba ko nɨn adarazi akɨrim nɨ gasaragha, osɨmtɨzim nɨ darɨgh pazɨ nɨ damuasa akam mɨsoke. Egha uari akuvagha nɨ ekɨarugha gɨvagha, bar nɨn suighasa roghɨra izi. Kamaghɨn amizɨ, me izɨ akar aghuibar nɨ mɨkɨmtɨ, me baraghan markɨ.”

Aghuzir Akaba 25:18

Gumazim akar ifavarim kotɨn uan anav gasara, a mati mɨdorozir sabam, o afuzim, o temer otevimɨn a bɨra.

Aghuzir Akaba 10:18

Gumazim igharaztavɨn aghuagha navir kuram an ikia, egha bizir kam mongasava ami, kamaghɨn a zurara akar ifavaribav gei. Ezɨ gumazim igharaztavɨn gɨrakɨrangɨn a mɨgei, a mati gumazir bar onganim.

Onger Akaba 15:3

Gumazir kam, gumazir igharazibar ziabagh asɨghasɨzir puvatɨ, egha arazir kurabar uan namakabagh amir puvatɨ, egha akar kɨnibar pura uan roroabav geir puvatɨ, gumazir kamnang, a nɨn Dɨpenimɨn aven ikiam.

Jenesis 32:28

Ezɨ gumazir kam ghaze, “Datɨrɨghɨn nɨn ziam ua Jekop puvatɨ. Nɨ God ko gumaziba, me mɨsogha me abɨni. Kamaghɨn nɨn ziar igiam Israel.”

1 Tesalonika 4:6

Kamaghɨn ia uan aveghbuaba osɨmtɨziba me darɨgh me gifar arazir kurabar men amuibar amuan markɨ. E fomɨra akar gavgavim ia mɨgɨa ghaze, gumazir arazir kurar kabagh amiba, God gɨn ivezir kuram me danɨngam.

Luk Osirizir Akar Aghuim 21:16

“Eghtɨ ian ameboghfeziaba, ko aveghbuaba, ko anababa, ko namakaba, merara ia inighɨva gumazir kurabar dafaribar atɨghtɨ, me ian taraziv soghtɨ ia arɨmɨghiregham.

Matyu 10:17

Ia deraghvɨra uari bagh gan. Me ian suiragh, uan kaunselbar damazibar ia isɨ kotiam darɨghɨva, egh me uan God ko mɨgeir dɨpenibar ia fozorogham.

Esekiel 22:9

“Ian gumazamizir maba, akar ifavaribar igharaz darazigh amua me mɨsoghɨrarɨghasava ami. Ezɨ ian marasi, asebar ofa gamir dagheba api. Ezɨ marasi, zurara uan inivafɨzir agorogebar arazimɨn gɨn ghua aghumsɨzir arazibagh ami.

Aghuzir Akaba 6:19

Gumazir kotiamɨn aven ifavarir akabav geim. Gumazir aveghbuabagh ami me uarir anɨngazim.

Aghuzir Akaba 6:16

Ikiavɨra Itir God 7plan arazir kurar kabar amuan anogoregha bar dar aghua:

Onger Akaba 101:5

Gumazamizir moga gɨrakɨrangɨn igharaz daraziv geiba, kɨ bar me gasɨghasɨgham. Egh kɨ gumazamizir ifaghata uari uan ziaba feba ateghtɨ me ikian kogham.

Aisaia 59:13

Ikiavɨra Itir God, en God, e arazir kuramɨn nɨ gamigha, akɨrim ragha nɨ gasaragha nɨ barazir puvatɨ. E igharaz darazi dɨkabɨragha, akaba barazir puvatɨzir arazir guar avɨribagh ami. E igharaz darazigh ifarasa tuavir bar avɨribagh nɨghnigha, dar gun mɨgei.

Jeremaia 9:8

Men mɨzeba, mati barir gumazibagh asi me ariaghɨriba. Me ifavarir gumazamiziba. Me uan namakaba akar aghuibar me mɨgɨa, egha men navir averiaba, me me gasɨghasɨghasa nɨghnɨsi, mati gumazim asɨzimɨn suighasa azuazim agura.

Malakai 2:10

E bar moghɨra afeziar vamɨra iti. Ezɨ Ikiavɨra Itir Godɨn vamɨra an e gamizɨ e otifi. Egha manmaghsuavɨra, e uari uan namakaba ko, dɨkɨrɨzir akaba abɨagharɨsi? Egha manmaghsuavɨra, e Ikiavɨra Itir God, en ovaviba ko Dɨkɨrɨzir Akar Gavgavim an gɨn zuir puvatɨ? Arazir kam, bar ikufi!

Aghuzir Akaba 4:16

Gumazir kuraba arazir kuratam damusɨ nɨghnɨgh egh dakuighan kogham. Me arazir kuratam gumazir igharazitam damighvɨrama, egh me deraghvɨra dakuam.

Aghuzir Akaba 4:17

Arazir kuram ko arazir gumazir igharaziba paza me gamim, aning mati men daghem ko dɨpar me apimning.

Aisaia 9:16

Gumazir dapaniba tuavir aghuim ko arazir aghuim men akazir puvatɨ. Kamaghɨn amizɨ, gumazamiziba okam nɨghnɨgha pura tintinibar ghue.