Jeremaia 9:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Jeremaia 9:23 ပူးပေါင်းရင်းမြစ်များ

Aisaia 5:21

Iavzika, ia ghaze, ia nɨghnɨzir bar aghuiba ikiava ian fofozim, igharaz darazir fofozibagh afira. Ezɨ puvatɨ. Ia bar ikuvigham.

Fofozir Gumazim 9:11

Kɨ uamategha overiamɨn apengan bizir mamɨn gari. Gumazir bar puvɨra atamra ivemariba, me dughiar mabar gumazir igharazibagh afirazir pu. Ezɨ mɨdorozir gumazir gavgaviba, dughiar mabar uan apanibagh afirazir puvatɨ. Gumazir nɨghnɨzir aghuiba itiba, ko fofozir ekiaba itiba, me dughiar mabar dagɨaba ko bizir avɨriba isir puvatɨ. Ezɨ ingangarir guar avɨribagh amir fozir gumaziba, me dughiar mabar ingangarir ekiaba isir puvatɨ. E fo, dughiar kuram dughiatabar bar e bativam.

Akɨnafarir Pol Romɨn Nguibar Ekiamɨn Itir Sios Bagha Osirizim 1:22

Me ghaze, me fofozir aghuim iti. Me guizbangɨra puvatɨgha, ongani.

Esekiel 7:19

Me faragha silva ko gol mɨghɨgha aning gagoima, aning me gamizɨ, me arazir kurar avɨribagh ami. Egha me fo, Ikiavɨra Itir God, uan anɨngagharim men akaghamin dughiamɨn, men gol ko silva men akuraghan kogham. Guizbangɨra, men gol ko silva, men mɨtiriar aghazir ekiar kam agɨvaghan kogham. Kamaghɨn amizɨ, me pura uan gol ko silva isɨ bizir kurabar mɨn, tintinibar tuavir toribar da akuntɨ, da Godɨn damazimɨn bizir mɨzɨrɨzibar mɨn otogham.

Aghuzir Akaba 11:4

Ikiavɨra Itir God nɨn arazir kuraba ikarvaghamin dughiamɨn, nɨn dagɨar avɨriba nɨn akuraghan kogham. Eghtɨ nɨ arazir aghuimɨn gɨn mangam, nɨn arazir kam nɨn akuraghtɨ nɨ zuamɨram aremeghan kogham.

Daniel 4:37

Egha datɨrɨghɨn kɨ Nebukatnesar, kɨ Atrivir Uan Nguibamɨn Itim bagha bar akonge, egha an ziam fa ziar ekiam a ganɨdi. Kɨ fo, bizir ana amiba bar voroghɨra ikia bar dera. Egha a gumazir uan ziaba feba da dɨkabɨri.

Onger Akaba 62:10

Ia mɨdorozir arazim ko okɨmakɨar arazim kamaghɨn aning gɨnɨghnɨghan markɨ, “Aning dera, aning e damightɨ e dagɨar avɨriba ikiam.” Ian dagɨaba ko ian biziba bar avɨrasemeghtɨ, ia kamaghɨn mɨkɨman markɨ, “Bizir kaba darara en gavgaviba.”

Godɨn Araziba 8:17

Eghtɨ ia kamaghɨn nɨghnɨghan markɨ, e bizir aghuir kaba uan gavgavimɨn dagh amizɨ, da otifi. Puvatɨ.

1 Timoti 6:10

Ezɨ dagɨabagh ifongezir arazim, an arazir kurar guar avɨribar mɨngarim. Gumazamizir maba dagɨaba baghavɨra ifonge, ezɨ arazir kam me gamima, me uan nɨghnɨzir gavgaviba ataghɨrasi. Egha me osɨmtɨzir kurar ekiam isa, mati afuzim navim okoregha vongɨn oto.

Mak Osirizir Akar Aghuim 10:24

An suren gumaziba an akar kaba baregha, dɨgavir kuram gamizɨ, Iesus ua kamaghɨn me mɨgei, “Boriba, gumazim God Bizibagh Ativamin Dughiamɨn aven mangɨsɨ, a guizbangɨra bar iburaghburegham.

Sefanaia 1:18

Dughiar kamɨn, Ikiavɨra Itir God uan anɨngagharim akagham, eghtɨ men gol ko silva tong bar men akuraghan kogham. Bar puvatɨgham. An anɨngagharim, avimɨn mɨn otogh nguazimɨn ruaghateviba bar dar isigham. A zuamɨram otogh, nguazimɨn gumazamiziba bar me agɨvagham.

Esekiel 29:9

Eghtɨ Isipɨn kantri, a ikuvigh nguazir kɨnir biziba puvatɨzimɨn mɨn ikiam. Eghtɨ ia kamagh fogh suam, kɨ Ikiavɨra Itir God. “Atrivim, nɨ ghaze, Nailɨn Fanem, nɨ ua bagha an ingarizɨ a nɨn bizimra.

Aisaia 10:8

A uabɨ fa kamaghɨn mɨgɨa ghaze, “Kɨ ghaze, kɨ kantrin avɨribar atriviba abɨnigha men nguibar ekiaba ini. Ezɨ atrivir kɨ abɨraziba, me nan mɨdorozir gumazibar, gumazir dapanibar iti.

Fofozir Gumazim 2:19

Eghtɨ gumazir nan danganim iniamim, kɨ a gɨfozir pu, a ti gumazir fofozim itim, o gumazir onganim. Egh a izɨ, kɨ uan fofozir aghuimɨn overiamɨn apengan amizir ingangarir mɨtiar kabar ganigh dar ghuavimɨn ikegham. Ezɨ arazir kam, uaghan an mɨngarim modozɨ, e a gɨfozir puvatɨgha okam nɨghnɨsi.

1 Samuel 17:42

Ezɨ Goliat Devitɨn garima, a bar otarir igiam, ezɨ an guamɨn ganganiba bar dera. Ezɨ Goliat ghaze, a ti mɨdorozim damuamin fofoziba puvatɨ, a pura borir kɨnim.

Daniel 3:15

Ezɨ datɨrɨghɨn, ia sɨghaba ko mariviba ko gitaba ko buaba ko ighiar igharaziba baraghɨva, teviba pɨrighɨva avigh marvir guar kamɨn ziam fɨ. Ia kamaghɨn damuan koghtɨ, kɨ datɨrɨghɨra gumazibav kemeghtɨ me ia isɨ danganir ekiar avir bar pamten isimɨn aven ia kunigham. Eghtɨ godɨn manam ian akuragh nan gavgavim da ua ia inigham?”

1 Korin 1:31

Ezɨ Akɨnafarim mɨkemezɨ moghɨn God kamaghɨn ifonge, “Tina bar akongeghsɨ, an Ekiam amizir arazibagh nɨghnɨgh, a bagh bar akongegh.”

Filipai 3:8

Kɨ Judan bizibara mɨgeir pu. Puvatɨ. Kɨ Krais Iesus gɨfo a nan Ekiam, ezɨ kɨ fofozir kam gɨnɨghnɨgha ghaze, a guizbangɨn bizim, ezɨ nguazir kamɨn biziba bar pura mɨneghmɨnezir kɨniba. Kɨ Kraisra gɨn mangasa ifonge. Egha bizir igharaziba bar da ategh, kɨ Kraisɨn suiragh,

Filipai 3:10

Ezɨ kɨ Krais bar a gɨfoghasa. Krais mozimɨn ua dɨkavigha, gavgavir ekiam iti, ezɨ kɨ an gavgavir kam gɨfoghasa. Egh kɨ a ko mɨzaziba isir arazimɨn aven ikiam. Egh kɨ, nɨghnɨzir a suiragha ikia ovengezir kamra, kɨ uaghan an suiraghasa.

Jopɨn Akɨnafarim 32:13

Ia kamaghɨn uarira uariv kɨman kogham, e nɨghnɨzir aghuim buria egha a inigha gɨfa. E God ateghtɨ anarɨra Jopɨn mɨgɨrɨgɨaba ikarvagham. E gumazir kɨniba a ikaraghan kogham.

Aghuzir Akaba 3:5

Nɨ nɨghnɨzir gavgavim Ikiavɨra Itir Godɨn ikɨ. Egh kamaghɨn nɨghnɨghan markɨ, nan fofozimra nan akurvagham.

Aghuzir Akaba 21:30

Nɨ nɨghnɨzir aghuim ko fofozir aghuim ko bizibar amuamin fofozim ikɨ, egh nɨ Ikiavɨra Itir Godɨn apanimɨn ikɨtɨ, nɨn fofozir aghuir kam nɨn akuraghan kogham.

Aisaia 20:5

Gumazamiziba kantri Itiopia ko kantri Isipɨn gara men ziamning fa ghaze, Aning ti en apanibav soghsɨ en akurvagham, egh me guizbangɨra dɨgavir kuram damigh, bar aghumsigh, naviba bar ikuvigham.

Aisaia 47:10

“Nɨ ti kamaghɨn nɨghnɨsi, Nɨn arazir kuraba nɨ damutɨ, nɨ mɨtɨgh gavgavigham. Egha nɨ kamaghɨn nɨghnɨsi, Nɨ amir bizir kaba, gumazitam dar garir puvatɨ. Nɨn fofozir bizir guar avɨribar ingariba, nɨn nɨghnɨzim adavizɨma, nɨ kamaghɨn uabɨn mɨgɨa ghaze, ‘Kɨ uabɨra, kɨ gavgavim iti, ezɨ tav nan mɨn itir puvatɨ.’

Jeremaia 48:7

“Moap, nɨ ingarizir biziba ko, dagɨaba bagha pamtemɨn nɨghnɨgha ghaze: Bizir kaba nɨn akuraghtɨ nɨ deraghvɨra ikiam. Ezɨ nɨn nɨghnɨzir kam derazir puvatɨ. Kamaghɨn amizɨ, nɨn apaniba mɨdorozimɨn nɨ dɨkabɨragham. Egh me nɨn aser kam Kemos inigh mangɨ kantrin igharazimɨn kalabus datɨgham. Egh me uaghan Kemosɨn ofa gamir gumaziba ko, an ingangarir gumazibar dapaniba sara iniam.

Jeremaia 49:4

“O Amon, nɨ fo, nɨn danganir zariba bar dera, ezɨ nɨ zurara uabɨ fa, dagher danganir kamɨn otiviba bagha mɨgɨa, egha bar akonge. Nɨ akaba batozir guivimɨn mɨn iti, nɨ manmaghsua akar kabav gei? Nɨ uan dagɨaba ko bizibagh nɨghnɨgha, ghaze, ‘Tina izɨ na mɨsogham?’

Jopɨn Akɨnafarim 41:15

An akɨragharimɨn itir naziar gavgaviba, da bar uarir kumigha gavgavim an inim ganɨdi.

Onger Akaba 33:5

Ikiavɨra Itir God, a en arazir aghuiba ko guizɨn araziba bar dagh ifonge. An apangkuvir arazim, nguazimɨn itir gumazamiziba bar me ave.

Onger Akaba 34:3

E bar moghɨra an ziar ekiamɨn gun mɨkɨmɨva, egh an ziam fam!

Onger Akaba 44:9

Nɨ datɨrɨghɨn manmaghsua akɨrim ragha e gasara? Kamaghɨn en apaniba uam e abɨrima, e aghumsɨsi. En mɨdorozir gumaziba mɨsoghasa zuima, nɨ ua me ko zuir puvatɨ.

Jeremaia 31:34

Kɨ Ikiavɨra Itir God, kɨ guizbangɨra mɨgei, dughiar kamɨn gumazamiziba vaghvagh uan namakaba ko uan adarazir sure damuan kogh suam, ‘Ia Ikiavɨra Itir God gɨfogh.’ Puvatɨ. Me bar moghɨra na gɨfogham, gumazamizir kɨniba ko ziaba itir gumazamiziba. Eghtɨ kɨ men arazir kuraba gɨn amadaghɨva ua dagh nɨghnɨghan kogham.”

Jeremaia 48:14

Ia Moapia, manmaghsua ghaze, ia mɨdorozir gumazir gavgaviba, egha ia bar mɨdorozibar mɨsogha fo?

Maika 6:8

Ia nguazir kamɨn itir gumazamiziba, Ikiavɨra Itir God arazir aghuibar ia mɨkemegha gɨfa, eghtɨ ia arazir aghuir a ifongezir kabara dar amu: Ia guizɨn arazibara damuam, egh igharaz darazir apangkuvir arazim gifongegh, egh ia uari abɨn uan Godɨn apengan ikɨ, anarɨra gɨn mangam.