Jeremaia 9:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ikiavɨra Itir God mɨkɨmasa na mɨgɨa ghaze, “Ariaghirir gumazamizibar kuaba pura tintinibar nguazimɨn ikiam, mati afiar buariba, ko witɨn ikɨziba pura tintinibar irav iti. Ezɨ gumazir dagh eghuvamiba puvatɨ.”

Jeremaia 9:22 ပူးပေါင်းရင်းမြစ်များ

Jeremaia 8:2

E fo, Judaba bar aruem ko iakɨnim ko mɨkovezibagh ifonge. Egha me bizir kaba bagha iteviba apɨra dar ziaba fava, da ko mɨgɨa, egha uarir akurvaghasa dar azangsɨsi. Kamaghɨn amizɨ, dughiar gɨn izamim, men apaniba Judabar aghariba inigh tintinibar buarir avɨribar mɨn nguazimɨn ada akunigham. Eghtɨ, aruem, ko iakɨnim, ko mɨkoveziba, men agharibagh isiragham. Eghtɨ men aghariba inigh da oparamin gumaziba puvatɨgham.

Jeremaia 25:33

Eghtɨ dughiar kamɨn, Ikiavɨra Itir God gumazamizibav mɨsoghtɨ me arɨghirɨtɨ, men kuaba tintinibar nguibaba bar dar ikiam. Eghtɨ men apangkuv aziva, men kuaba akuva, me afamin gumaziba puvatɨgham. Men kuaba afiar buaribar mɨn tintinibar nguazimɨn irɨv ikiam.

Sefanaia 1:17

Ikiavɨra Itir God kamaghɨn mɨgei, Gumazamiziba arazir kurabar na gami, kamaghɨn amizɨ, kɨ bizir kurar avɨrim damutɨ da me bativam, eghtɨ me damazir okavɨrɨzibar mɨn punpun, daruamin tuaviba buriam. Eghtɨ men ghuziba dɨpamɨn mɨn irɨtɨ me arɨmɨghiram. Eghtɨ men kuaba nguazim gisɨn kurighirɨ mati afiar buariba.

Jeremaia 16:4

Me bar arɨghiregham. Tarazi arɨmariar kuraba iniva arɨmighiram. Eghtɨ apaniba izɨ taraziv soghtɨ me arɨghiram. Eghtɨ men tarazi dagheba puvatɨghɨva, arɨmɨghiram. Eghtɨ gumazir men kuabar apangkuv aziva, me isɨ mozibar afamiba puvatɨgham. Eghtɨ men kuaba pura tintinibar afiar buaribar mɨn nguazim girɨv ikiam. Eghtɨ kuarazir pɨn mɨghagha aruiba ko asɨzir atiaba men kuabar amam.

Aisaia 5:25

Ikiavɨra Itir God uan gumazamizibar anɨngaghe. Egha datɨrɨghɨn uan agharim ghufegha me gasɨghasɨghasa gara iti. A dughiar vamɨran agharim akunightɨ, mɨkɨmkɨzim otoghtɨ, mɨghsɨaba ivazvaghtɨ, gumazamizir bar avɨrim arɨghiregham. Eghtɨ men kuaba nguibar ekiamɨn tuavibar buarir pozibar mɨn pura tintinibar ireghɨv ikiam. Ikiavɨra Itir God kamaghɨn damuam, eghtɨ bizir kam an anɨngagharim agɨvaghan kogham. Puvatɨ. A ivezir kuram isɨ me danɨngvɨra ikiam.

Onger Akaba 83:10

Nɨ dughiar kamɨn Endorɨn nguibamɨn aning gasɨghasɨghizɨ, aningɨn kuamning ikia kuri.

Jeremaia 7:33

Eghtɨ gumazir kuar avɨriba pura nguazimɨn ireghɨv ikɨtɨ, kuaraziba ko asɨzir atiaba izɨ dar tuzibar amam. Eghtɨ gumazir kuaraziba ko asɨzir atiaba batoghamiba puvatɨgham.

2 Atriviba 9:37

Eghtɨ an mɨkarzir otevir mɨzumziariba tintinibar nguazim giregh ikɨva, afiar buaribar mɨn ganam. Eghtɨ gumaziba dar ganɨva, foghan kogham kar ti Jesebelɨn mɨkarzir otevir naba, o?’ ”

Jeremaia 6:21

Kɨ Ikiavɨra Itir God kɨ ghaze, Kɨ gumazamizir kabar amightɨ me asaghpor iregham. Egh ameboghfeziaba, ko boriba, gumazamiziba ko men namakar men boroghɨn itiba sara arɨmɨghiregham.”

Godɨn Araziba 8:17

Eghtɨ ia kamaghɨn nɨghnɨghan markɨ, e bizir aghuir kaba uan gavgavimɨn dagh amizɨ, da otifi. Puvatɨ.

2 Atriviba 20:13

Ezɨ Hesekia men akaba baregha gɨvagha, bar akongegha, me inigha uan dɨpenim ko, dagɨaba itir dɨpenim ko, bizir aghuiba itir dɨpenibar aven ghua, uan dagɨaba ko bizir igharaziba men aka. A uan silvaba ko, golba, pauran mughuriar aghuiba ko, borer aghuiba ko, mɨdorozir biziba, me bar moghɨra dar gani. Hesekia bizitam modozir puvatɨ. An atrivimɨn dɨpenim avɨnizir dɨpenibar itir biziba ko, an kantrin danganiba bar dar itir biziba, a bar dar men aka.

2 Atriviba 20:15

Ezɨ Aisaia kamaghɨn Hesekian azara, “Me bar bizir tizimra nɨn dɨpenimɨn aven an gani?” Ezɨ Hesekia kamaghɨn an akam ikaragha ghaze, “Kɨ uan biziba bar men akakaki. Egha kɨ uan bizir aghuiba akuvir dɨpenibar aven bizitamɨn men modozir puvatɨ.”

Jopɨn Akɨnafarim 5:13

Gumazamizir maba pazɨ igharaz darazir amuasa, arazir kurar guar avɨribagh nɨghnɨsi, ezɨ God men arazir kabagh amima da meraram asɨghasɨsi. Mati gumazim asɨzim bagha ivem atɨgha, egha a uabɨ ivemɨn aven ghu. Egha bizir me damuasa mɨgeiba, da pura ghua gɨfa.

Onger Akaba 49:7

E fo, gumazitam uabɨ uan mɨkarzim givezeghan kogham. Egh a uabɨ uan ikɨrɨmɨrim givesɨ dagɨatam God danɨngan kogham. Bar puvatɨ.

Aghuzir Akaba 18:11

Dagɨaba itir gumazamiziba ghaze, “Men dagɨaba dɨvazimɨn mɨn me avɨni, eghtɨ me deraghvɨra ikiam, mati nguibam dɨvazir gavgavim anevɨni.”

Aghuzir Akaba 23:4

Nɨ dagɨaba bar izɨvazir gumazimɨn mɨn otivsɨ pamten ingaran markɨ. Nɨ nɨghnɨzir aghuim ikɨva, egh kamaghɨn damuan kogham.

Habakuk 1:11

Me mɨdorozim zuamɨram anegɨvagha, ivegha zuamɨra danganir igharazimɨn ghue, mati amɨnim va iza zui. Gumazir kaba, me godɨn tamɨn gɨntɨzir puvatɨ. Me uari fa uan ifongiam ko, gavgavimɨn gɨntɨsi, egha me bar osɨmtɨzir dafam iti.”