Jeremaia 9:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ “Ovevem e batogha gɨfa. A en dɨpenir gavgaviba ko danganir mogomoebar aven izegha gɨfa. Boriba ikarara tuavibar itima ovevem me batifi. Egha uari akuvir danganibar gumazir igiaba batifi.”

Jeremaia 9:21 ပူးပေါင်းရင်းမြစ်များ

Jeremaia 6:11

Ezɨ Ikiavɨra Itir God, nɨn anɨngagharir nɨ men itir kam uaghan na gizɨfa. Ezɨ kɨ an suiraghtɨ a dughiar ruarimɨn nan ikian kɨ aghua. Kɨ bar amɨra.” Ezɨ Ikiavɨra Itir God, kamaghɨn na ikaragha ghaze: “Nɨ nan anɨngagharir kam isɨ, borir pura tintinibar tuavibar ikarara itiba ko, gumazamizir igiar uari akuva itiba me gingegh. Egh uaghan poroghamiba ko gumazamizir bar ghuriba, uaghan me gingegh.

Jeremaia 15:7

“Judan gumazamiziba uan arazir kurabagh irazir puvatɨ. Kamaghɨn amizɨ, kɨ Judan nguibaba vaghvagha dar gumazamiziba bar me inigha, me givaragha me batoghezɨ me ghuezɨ moghɨn, mati amɨnim witɨn afezibagh ivarazɨ da ghue. Kɨ uan gumazamiziba bar me gasɨghasigha men boribav soghezɨ me ariaghire.

2 Eghaghaniba 36:17

Kamaghɨn amizɨ, Ikiavɨra Itir God Babilonɨn atrivim amadazɨ, a uan mɨdorozir gumaziba ko iza mɨdorozir sababar Judabagh asɨghasɨki. Egha me Ikiavɨra Itir Godɨn Dɨpenimɨn ghua gumazir igiabav soghezɨ me ariaghire. Atrivim gumazir igiaba ko, amizir igiaba ko, gumazamizir ghuriba ko, amughamughiziba sara, bar tong men apangkuvizir puvatɨ. Ikiavɨra Itir God bar Judaba isa Babilonɨn atrivimɨn dafarim gatɨ.

Aisaia 40:30

Dughiar mabar, gumazir igiabar gavgaviba gefi. Ezɨ me amɨrvagha pura iri.

Jeremaia 6:21

Kɨ Ikiavɨra Itir God kɨ ghaze, Kɨ gumazamizir kabar amightɨ me asaghpor iregham. Egh ameboghfeziaba, ko boriba, gumazamiziba ko men namakar men boroghɨn itiba sara arɨmɨghiregham.”

Jeremaia 18:21

Ezɨ datɨrɨkɨn, nɨ men boribar amutɨ, me dagheba puvatɨgh arɨghiregham. Egh apaniba ateghtɨ, me izɨ gumazitabav sueghtɨ me arɨghiregh. Eghtɨ gumazitaba arɨmariar kurataba ini arɨghirɨ. Eghtɨ gumazir igiaba mɨdorozimɨn arɨghirɨ. Kamaghɨn, men amuiba boriba ko paba puvatɨgham.

Jeremaia 44:7

“Kɨ Ikiavɨra Itir Godɨn Gavgaviba Bar itim, Israelɨn God, kɨ datɨrɨghɨn kamaghɨn mɨgei: Ia manmaghsua uarira uari gasɨghasɨghasava ami? Ia arazir kam damutɨ, ian Judabar tongɨn itir gumaziba ko amiziba ko boriba, bar moghɨra ikuvigham. Egh ian ikiavɨra itir varazira ua ikian kogham.

Jeremaia 50:30

Kɨ Ikiavɨra Itir God, kɨ guizbangɨra mɨgei, Dughiar kamɨn ia apaniba, Babilonian gumazir igiabav soghɨrarɨgham, eghtɨ me danganir uari akuvibar tintinibar irɨv ikiam. Egh ia Babilonɨn mɨdorozir gumazibav soghtɨ me arɨghiram.

Joel 2:9

Me ivemara nguibar ekiabar zui. Me dɨvazir gavgavibar ghuavanaga ghuaghira nguibar ekiabar aven zui. Egha dɨpenibar bɨribar ghuavanaga winduabar aven ghuaghiri, mati okɨmakɨar gumaziba.

Amos 6:9

Eghtɨ 10plan gumazamizibara dɨpenir tamɨn aven ikɨ, me bar moghɨram arɨmɨghiregham.

Jeremaia 7:33

Eghtɨ gumazir kuar avɨriba pura nguazimɨn ireghɨv ikɨtɨ, kuaraziba ko asɨzir atiaba izɨ dar tuzibar amam. Eghtɨ gumazir kuaraziba ko asɨzir atiaba batoghamiba puvatɨgham.

Jeremaia 8:2

E fo, Judaba bar aruem ko iakɨnim ko mɨkovezibagh ifonge. Egha me bizir kaba bagha iteviba apɨra dar ziaba fava, da ko mɨgɨa, egha uarir akurvaghasa dar azangsɨsi. Kamaghɨn amizɨ, dughiar gɨn izamim, men apaniba Judabar aghariba inigh tintinibar buarir avɨribar mɨn nguazimɨn ada akunigham. Eghtɨ, aruem, ko iakɨnim, ko mɨkoveziba, men agharibagh isiragham. Eghtɨ men aghariba inigh da oparamin gumaziba puvatɨgham.

Amos 5:2

Azirakar kam kamaghɨn ghu: “Kantri Israel mati amizir igiar kam, a irɨgha gɨvagha, ua dɨkavan kogham. A datɨrɨghɨn uan nguazim girɨghav iti, ezɨ an akurvagh, uam a famin gumaziba puvatɨ.”

Sefanaia 1:17

Ikiavɨra Itir God kamaghɨn mɨgei, Gumazamiziba arazir kurabar na gami, kamaghɨn amizɨ, kɨ bizir kurar avɨrim damutɨ da me bativam, eghtɨ me damazir okavɨrɨzibar mɨn punpun, daruamin tuaviba buriam. Eghtɨ men ghuziba dɨpamɨn mɨn irɨtɨ me arɨmɨghiram. Eghtɨ men kuaba nguazim gisɨn kurighirɨ mati afiar buariba.