Jeremaia 9:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Egha Ikiavɨra Itir Godɨn Gavgaviba Bar Itim, kamaghɨn mɨgei: “Bizir ia bativir kaba, ia deravɨra dar gan. Egh azir akabagh amir amizibar diagh! Ia amizir gumazir kuaba bagha igiar amɨrizibagh amua fozibar diagh me inigh izɨtɨ, me azirakar amɨrizibar amu.”

Jeremaia 9:17 ပူးပေါင်းရင်းမြစ်များ

Fofozir Gumazim 12:5

Eghtɨ ia danganir pɨn itibar atiatingɨva, tuavibar aruan buraghburegham. Ian dapanarɨziba ghurghurightɨ, ia daruan asaghasegham. Eghtɨ biziba ia damutɨ, ian naviba da bagh dɨkavan kogham. Eghtɨ ia aremegh mangɨ nguibar ia zurara ikiamimɨn ikiam. Eghtɨ ian nguibamɨn iti darasi, me arang azir akabar amu ikiam.

2 Eghaghaniba 35:25

Ezɨ akam inigha izir gumazim Jeremaia, Atrivim Josaia bagha azirakar ighiar mam osiri. Ezɨ dughiar kamɨn iza datɨrɨghɨn, gumaziba ko amizir azir akabagh amiba, me Atrivim Josaia gɨnɨghnɨgha azirakar ighiar kam gamuavɨra iti. Ezɨ osɨmtɨzibar dughiabar, Israelia zurara arazir kamɨn gɨn ghua azirakar kam gami. Azirakar ighiar kam, Azir Akabar Akɨnafarimɨn iti.

Mak Osirizir Akar Aghuim 5:38

Me ghua Jairusɨn dɨpenimɨn otivigha Iesus gumazamiziba barazima, me bar azia nɨgɨnir dafam gami.

Jopɨn Akɨnafarim 3:8

Kɨ ghaze, gumazamizir akavsiabar ongarimɨn itir bizibav geir gavgavim itiba, ko gumazir asem Leviatan fer gavgavim itiba, me akar kuraba dughiar kam ganɨngizɨ, ti deraghai.

Matyu 9:23

Ezɨ Iesus ghua gumazir dapanir kamɨn dɨpenimɨn otogha gari, amiziba ko gumaziba azia iti. Gumazir maba sɨghabagh ivima, gumazamiziba azia nɨgɨnir ekiam gami.

Jeremaia 7:29

Jerusalemia, ia uan azirakar arazim akakagh uan dapanir arɨzibagh isegh da makunigh. Nɨn gumazamiziba Ikiavɨra Itir God gamizɨ, a bar anɨngagharir ekiam iti. Egha a gumazamizir kabar aghuagha akɨrim ragha me gasara. Kamaghɨn, ia mɨghsɨabar ghuavanegh azirakar ighiaba bangɨ.

Esekiel 27:2

“O nguazir kamɨn gumazim, Tairɨn nguibar ekiam ikuvigham, kamaghɨn amizɨ, nɨ a bagh azirakar ighiam bangɨ.

Esekiel 32:16

Eghtɨ kantrin igharazibar amiziba, Isipɨn kantri ko an itir gumazamizir avɨrim bagh azirakar ighiar kam bangam. Kɨ Ikiavɨra Itir Godɨn Ekiam, Kɨ mɨkemegha gɨfa.”

Amos 5:1

O Israelia, ia oragh! Ia mati gumazim aremezɨ moghɨn iti. Kamaghɨn amizɨ, kɨ azirakar ighiar mam ia bagh a bangɨtɨ, ia a baragham.

Maika 2:4

Ia bativamin bizir kaba otivtɨ, gumazamiziba ia geghan akam ia gasɨ ia mɨkɨmam. Egh me kamaghɨn azirakar ighiar amɨrizibar amuam: ‘E bar moghɨra bar ikufi. Ikiavɨra Itir God, en nguazim inigha en apanir igharazibagh anɨngi. Gumazir kaba e inigha ghua nguazir igharazimɨn e isa kalabus gatɨ. Maia! A datɨrɨghɨn manmaghɨn en nguazir, e da inizim ikarvagh e damuam?’ ”